ໜັງສືພິມກອງທັບປະຊາຊົນຫວຽດນາມ ຂໍຄັດສະເໜີເນື້ອໃນບົດປະກອບຄຳເຫັນຂອງທ່ານອະດີດເລຂາທິການໃຫຍ່ ເລຂາຟຽວ.

ກ່ອນໜ້ານີ້ 40 ປີ ໄດ້ດຳເນີນເຫດການສຳຄັນຍິ່ງໃນປະຫວັດສາດອັນອົງອາດກ້າຫານຂອງສອງຊາດຫວຽດນາມ ແລະກຳປູເຈຍ: ໄຊຊະນະສົງຄາມປົກປັກຮັກສາຊາຍແດນທາງທິດຕາເວັນຕົກສ່ຽງໃຕ້ຂອງປະເທດຫວຽດນາມ ແລະພ້ອມກັບກອງທັບ ແລະປະຊາຊົນກໍາປູູເຈຍ ໄຊຊະນະລະບອບດັບສູນເຊື້ອຊາດ (7-1-1979/7-1-2019). ດ້ວຍໄຊຊະນະປະຫວັດສາດນີ້, ທະຫານ ແລະປະຊາຊົນຫວຽດນາມ ໄດ້ບຸກໂຈມຕີສັດຕູຜູ້ຮຸກຮານແຕກທະລາຍ, ປົກປັກຮັກສາຜືນແຜ່ນດິນອັນຄົບຖ້ວນຂອງປະເທດຊາດ; ພ້ອມທັງກູ້ຊ່ວຍປະຊາຊົນກຳປູເຈຍ ໃຫ້ຫຼຸດພົ້ນອອກຈາກລະບອບດັບສູນເຊື້ອຊາດໂຫດຮ້າຍທີ່ສຸດໃນປະຫວັດສາດມວນມະນຸດ, ເລີ່ມຕົ້ນພາລະກິດຟື້ນຟູປະເທດ. ມາຮອດປະຈຸບັນ, ພວກເຮົາ ສາມາດຢັ້ງຢືນໄດ້ວ່າ: ສົງຄາມປົກປັກຮັກສາຊາຍແດນທາງທິດຕາເວັນຕົກສ່ຽງໃຕ້, ສຳລັບຫວຽດນາມແມ່ນການສູ້ຮົບປ້ອງກັນຕົວ, ການຕໍ່ສູ້ເພື່ອພາລະກິດອັນຊອບທຳ, ແມ່ນສັນຍາລັກອັນສູງສົ່ງຂອງນ້ຳໃຈສາມັກຄີສູ້ຮົບສັດຊື່ບໍລິສຸດຜຸດຜ່ອງ, ລະຫວ່າງສອງຊາດຫວຽດນາມ - ກຳປູເຈຍ.

leftcenterrightdel
ຄະນະປະຕິບັດງານຂອງທະຫານອາສາສະໝັກຫວຽດນາມ ໄປຢ້ຽມຢາມ, ຊ່ວຍເຫຼືອປະຊາຊົນກຳເຈຍ ພາຍຫຼັງປະເທດຫຼຸດພົ້ນອອກຈາກລະບອບດັບສູນເຊື້ອຊາດ. ພາບ: ຫງວຽນຢິ໊ງ.

ຢູ່ກຳປູເຈຍ, ພາຍຫຼັງໄຊຊະນະວັນທີ 17 ເມສາ 1975, ພວກປອນປົດ-Ieng Sary ໄດ້ສວຍໃຊ້ຜົນງານຂອງການປະຕິວັດ, ທໍລະຍົດປະຊາຊົນກຳປູເຈຍ. ພວກມັນສ້າງຕັ້ງອັນທີ່ເອີ້ນວ່າ “ ລັດ ກໍາປູເຈຍ ປະຊາທິປະໄຕ”, ດຳເນີນລະບອບດັບສູນເຊື້ອຊາດ, ເຂັ່ນຂ້າປະຊາຊົນ, ປັດເຂ່ຍກັນອອກພາຍໃນພັກ ແລະຂ້າຖິ້ມ, ທຳລາຍໂຮງຮຽນ, ໂຮງໝໍ, ວັດວາອາຮາມຫຼາຍຮ້ອຍພັນແຫ່ງ... ແຜນນະໂຍບາຍໂຫດຫ້ຽມຂອງປອນປົດຕໍ່ກັບບັນດາຜູ້ທີ່ຄັດຄ້ານ.

ສຳລັບຫວຽດນາມ, ພວກປອນປົດ-Ieng Sary ໄດ້ບິດເບືອນປະຫວັດສາດ, ປຸກລະດົມເຮັດສົງຄາມຮຸກຮານຊາຍແດນຢູ່ທາງທິດຕາເວັນຕົກສ່ຽງໃຕ້ຂອງປະເທດຫວຽດນາມ, ລ່ວງລ້ຳເອກະລາດ, ອຳນາດອະທິປະໄຕ ແລະຜືນແຜ່ນດິນອັນຄົບຖ້ວນຂອງຫວຽດນາມ ຢ່າງຮ້າຍແຮງ; ຢຽບຍ່ຳບັນດາຄຸນຄ່າອັນດີງາມຂອງສາຍພົວພັນມິດຕະພາບລະຫວ່າງສອງປະເທດ, ສອງຊາດຫວຽດນາມ ແລະກຳປູເຈຍ.

ປະຕິບັດແນວຄິດປະຕິການນັ້ນ, ພາຍຫຼັງພາກໃຕ້ຂອງຫວຽດນາມ ຫາກໍ່ໄດ້ຮັບການປົດປ່ອຍ, ພວກປອນປົດ-Ieng Saryໄດ້ສົ່ງທະຫານມາບຸກໂຈມຕີຢຶດເອົາບັນດາເກາະ ຟູ໊ກ໊ວກ (ວັນທີ 3 ພຶດສະພາ 1975), ໂຖຈູ (ວັນທີ 10 ພຶດສະພາ 1975) ແລະຫຼັງຈາກນັ້ນລ່ວງລໍ້າຜືນແຜ່ນດິນຂອງປະເທດຫວຽດນາມຫຼາຍແຫ່ງ. ບັນດາການກະທຳຂອງພວກປອນປົດ-Ieng Sary ແມ່ນການຮຸກຮານ, ສະພາບຕົວຈິງນັ້ນໄດ້ບັງຄັບໃຫ້ພັກ, ລັດຫວຽດນາມ ຕ້ອງປະຕິບັດສິດປ້ອງກັນຕົວໂດຍຊອບທຳເພື່ອຕີຂັບໄລ່ພວກສັດຕູຜູ້ຮຸກຮານ, ປົກປ້ອງປະຊາຊົນ ແລະອຳນາດອະທິປະໄຕຜືນແຜ່ນດິນອັນສັກກະລະບູຊາຂອງປະເທດຊາດ.

ດ້ວຍການຊ່ວຍເຫຼືອຢ່າງມີປະສິດທິຜົນຂອງຫວຽດນາມ ແລະການໜູນຊ່ວຍໃນການກໍ່ສ້າງກຳລັງປະຕິວັດຂອງພະນັກງານຫຼັກແຫຼ່ງກຳປູເຈຍ, ວັນທີ 12 ພຶດສະພາ 1978, ກຳລັງປະກອບອາວຸດປະຕິວັດສາມັກຄີກູ້ຊາດກຳປູເຈຍ ໄດ້ຮັບການສ້າງຕັ້ງ. ວັນທີ 2 ທັນວາ 1978, ແນວໂຮມສາມັກຄີຊົນຊາດກູ້ຊາດກໍາປູເຈຍ ໄດ້ຮັບການສ້າງຕັ້ງຢ່າງເປັນທາງການ. ເຫດການນີ້ເປັນຂີດໝາຍບາດລ້ຽວພັດທະນາຂອງການປະຕິວັດກໍາປູເຈຍ.

ວັນທີ 23 ທັນວາ 1978, ອໍານາດປົກຄອງກໍາປູເຈຍ ປະຊາທິປະໄຕ ໄດ້ລະດົມ 10 ກອງພົນ ເປີດບັ້ນບຸກໂຈມຕີທົ່ວເສັ້ນຊາຍແດນທາງທິດຕາເວັນຕົກສ່ຽງໃຕ້ຂອງຫວຽດນາມ. ຕໍ່ໜ້າກົນອຸບາຍຂອງພວກປອນປົດ-Ieng Sary, ເພື່ອປົກປັກຮັກສາອໍານາດອະທິປະໄຕຂອງປະເທດ, ແຕ່ວັນທີ 23 ທັນວາ 1978, ກອງທັບປະຊາຊົນຫວຽດນາມ ເປີດບັ້ນບຸກໂຈມຕີຄັ້ງໃຫຍ່ທົ່ວເສັ້ນຊາຍແດນທາງທິດຕາເວັນຕົກສ່ຽງໃຕ້ຂອງຫວຽດນາມ.

ພາຍຫຼັງປະຕິບັດສິດປ້ອງກັນຕົວຢ່າງເປັນທຳຂອງຕົນແລ້ວ, ໄດ້ທັບມ້າງບັນດາການກະທຳຮຸກຮານຂອງພວກປອນປົດ-Ieng Sary, ປົກປັກຮັກສາອໍານາດອະທິປະໄຕຜືນແຜ່ນດິນຂອງປະເທດຊາດໄວ້ໃຫ້ໝັ້ນຄົງ, ຕາມສະເໜີຂອງແນວໂຮມສາມັກຄີຊົນຊາດກູ້ຊາດກຳປູເຈຍ ແລະປະຊາຊົນກຳປູເຈຍ ອ້າຍນ້ອງ, ຫວຽດນາມ ຈັດສົ່ງທະຫານອາສາສະໝັກໄປຊ່ວຍກຳລັງປະກອບອາວຸດປະຕິວັດກຳປູເຈຍ ປົດປ່ອຍຊົນຊາດກຳປູເຈຍ ໃຫ້ຫຼຸດພົ້ນອອກຈາກລະບອບດັບສູນເຊື້ອຊາດ, ຟ້ືນຟູ ແລະກໍ່ສ້າງປະເທດຊາດ.

ການເສຍສະຫຼະຊີວິດເລືອດເນື້ອ, ການຊ່ວຍເຫຼືອຂອງທະຫານອາສາສະໝັກຫວຽດນາມ ໄດ້ຮັບການຍ້ອງຍໍ, ເຊີດຊູຈາກປະຊາຊົນກຳປູເຈຍ. ທ່ານ Chhay Yi Heang, ທີ່ປຶກສາລັດຖະບານແຫ່ງລາດຊະວົງກຳປູເຈຍ ໄດ້ຂຽນໄວ້ວ່າ: “ລະບອບດັບສູນເຊື້ອຊາດຂອງປອນປົດບໍ່ພຽງແຕ່ແມ່ນສັດຕູຂອງປະຊາຊົນກຳປູເຈຍ ເທົ່ານັ້ນ ຫາກຍັງແມ່ນສັດຕູຂອງມວນມະນຸດອີກດ້ວຍ. ເລື່ອງປະຊາຊົນ, ລັດຖະບານ ແລະທະຫານອາສາສະໝັກຫວຽດນາມ ຊ່ວຍເຫຼືອປະຊາຊົນກຳປູເຈຍ ໃຫ້ຫຼຸດພົ້ນອອກຈາກລະບອບດັບສູນເຊື້ອຊາດປອນປົດ ແລະຟື້ນຊີບຊົນຊາດ ແມ່ນ ພາລະກິດອັນສູງສົ່ງ, ເປັນທຳໃນສະຕະວັດທີ XX”.

ໂດຍ: ແສງເດືອນ