ທີ່ການຕ້ອນຮັບ, ທ່ານນາງ ຫງວຽນທິກິມເງິນ ຖືວ່າ, ການຢ້ຽມຢາມຄັ້ງນີ້ຂອງທ່ານ Tep Ngorn  ໄດ້ສະແດງໃຫ້ເຫັນນໍ້າໃຈສາມັກຄີມິດຕະພາບລະຫວ່າງປະຊາຊົນ, ພັກປະຊາຊົນກໍາປູເຈຍ ກັບປະຊາຊົນຫວຽດນາມ, ພິເສດແມ່ນກັບບັນດາອະດີດທະຫານອາສາສະໝັກຫວຽດນາມທີ່ໄດ້ຊ່ວຍກໍາປູເຈຍ ຕີເອົາຊະນະລະບອບດັບສູນເຊື້ອຊາດ.

leftcenterrightdel
ທ່ານນາງ ຫງວຽນທິກິມເງິນ ປະທານສະພາແຫ່ງຊາດຫວຽດນາມ ຕ້ອນຮັບທ່ານ Tep Ngorn   ຮອງປະທານສະພາສູງກໍາປູເຈຍ. ພາບ: ຈ໋ຽນຖັ໋ງ. 

ສະແດງຄວາມປິຕິຊົມຊື່ນທີ່ໄດ້ມາເຂົ້າຮ່ວມພິທີສະເຫຼີມສະຫຼອງຢູ່ຫວຽດນາມ, ທ່ານ Tep Ngorn ເນັ້ນໜັກວ່າ, ເລື່ອງສອງປະເທດຈັດຕັ້ງພິທີສະເຫຼີມສະຫຼອງວັນໄຊຊະນະ 7 ມັງກອນມີຄວາມໝາຍເລິກເຊິ່ງ, ປະກອບສ່ວນເພີ່ມພູນຄູນສ້າງການພົວພັນຖານບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ຍືນຍົງຍາວນານລະຫວ່າງກໍາປູເຈຍ ແລະຫວຽດນາມ; ຊ່ວຍປະຊາຊົນ, ພິເສດແມ່ນຄົນຮຸ່ນໜຸ່ມສອງປະເທດໃຫ້ມີຄວາມເຂົ້າໃຈແຈ້ງກວ່າກ່ຽວກັບສາຍພົວພັນທີ່ໄດ້ເພີ່ມພູນຄູນສ້າງໂດຍເລືອດເນື້ອຂອງກອງທັບ ແລະປະຊາຊົນທັງສອງປະເທດ, ກ່ຽວກັບທາດແທ້ຂອງສົງຄາມປົກປັກຮັກສາຊາຍແດນທາງທິດຕາເວັນຕົກສ່ຽງໃຕ້ ແລະຕ້ານລະບອບດັບສູນເຊື້ອຊາດ Pol Pot.

ໃນໂອກາດນີ້, ທ່ານນາງ ຫງວຽນທິກິມເງິນ ສະແດງຄວາມເຊື່ອໝັ້ນວ່າ, ກໍາປູເຈຍຈະນັບມື້ນັບຈະເລີນຮຸ່ງເຮືອງສີວິໄລ, ຖານະບົດບາດບົນເວທີສາກົນນັບມື້ນັບໄດ້ຮັບການຍົກສູງຂຶ້ນ. ທ່ານນາງ ຫງວຽນທິກິມເງິນ ອວຍພອນໃຫ້ກໍາປູເຈຍຈັດຕັ້ງກອງປະຊຸມ APPF-27 ໃຫ້ປະສົບຜົນສຳເລັດ, ພ້ອມທັງຢືນຢັນວ່າສະພາແຫ່ງຊາດຫວຽດນາມ ຈະສືບຕໍ່ຮ່ວມມືຢ່າງດີງາມ, ສະໜັບສະໜູນ ແລະແລກປ່ຽນບົດຮຽນເຄື່ອນໄຫວກັບສະພາສູງ, ສະພາແຫ່ງຊາດກໍາປູເຈຍ.

ໂດຍ: ໄຊຊະນະ