ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ໄດ້ເຮັດວຽກກັບການນຳແຂວງຮ່ວາບິ່ງ
ວັນທີ 11 ທັນວາ, ຢູ່ແຂວງຮວ່າບິ່ງ, ທ່ານ ຫງວຽນຊວນຟຸກ ນາຍົກລັດຖະມົນຕີ ແລະຄະນະປະຕິບັດງານຂອງລັດຖະບານໄດ້ເຮັດວຽກກັບການນຳແຂວງຮວ່າບິ່ງ.
ກ່າວຄຳເຫັນທີ່ການເຮັດວຽກ, ທ່ານ ຫງວຽນຊວນຟຸກ ຢືນຢັນວ່າ, ສູນກາງ, ລັດຖະບານ ຍາມໃດກໍ່ເອົາໃຈໃສ່ເຖິງການພັດທະນາ ກໍ່ຄືບັນດາບັນຫາເກີດຂຶ້ນຢູ່ແຂວງຮວ່າບິ່ງ. ທ່ານ ຫງວຽນຊວນຟຸກ ຕີລາຄາວ່າ, ໃນໄລຍະຜ່ານມາ, ອົງຄະນະພັກ, ອຳນາດການປົກຄອງແຂວງຮວ່າບິ່ງ ບັນລຸໄດ້ບັນດາຜົນງານກ່ຽວກັບການພັດທະນາເສດຖະກິດສັງຄົມ; ບັນດາຂົງເຂດວັດທະນະທຳ, ສັງຄົມມີການຫັນປ່ຽນຢ່າງຕັ້ງໜ້າ; ຄວາມໝ້ັນຄົງດ້ານການເມືອງ ແລະຄວາມເປັນລະບຽບຮຽບຮ້ອຍ, ຄວາມປອດໄພທາງສັງຄົມໄດ້ຮັບການຮັບປະກັນ.
|
|
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ແລະການນຳແຂວງຮ່ວາບິ່ງ. ພາບ: ສຳນັກຂ່າວສານຫວຽດນາມ. |
ທ່ານ ຫງວຽນຊວນຟຸກ ສະເໜີແຂວງຮວ່າບິ່ງ ແກ້ໄຂບັນດາສິ່ງຄົງຄ້າງໃນການຄຸ້ມຄອງ, ການບໍລິຫານ. ແຂວງຄວນເປັນເຈົ້າການໃນການກວດກາຄືນ ແລະຜັນຂະຫຍາຍບັນດາໂຄງການລົງທຶນພັດທະນາ ແລະການຜະລິດ, ການດຳເນີນທຸລະກິດຕາມການກຳນົດຂອງກົດໝາຍ.
ໂດຍ: ວຽງຄຳ