ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ຕ້ອນຮັບບັນດາເອກອັກຄະລັດຖະທູດເຂົ້າຍື່ນສານແຕ່ງຕັ້ງ
ກປ.ອອນໄລ - ຕອນເຊົ້າວັນທີ 17 ພະຈິກ, ທີ່ສຳນັກງານປະທານປະເທດ, ທ່ານ Xiong Bo ເອກອັກຄະລັດຖະທູດ ສປ ຈີນ; ທ່ານນາງ Grete Lochen ເອກອັກຄະລັດຖະທູດ ລາຊະອານາຈັກ ນອກແວ; ທ່ານນາງ Deborah Anne Paul ເອກອັກຄະລັດຖະທູດ ການາດາ; ທ່ານນາງ Portell Casanova Maria Del Rosario ເອກອັກຄະລັດຖະທູດ ອູຣູກວາຍ ຕາເວັນອອກ ເຂົ້າຢື່ນສານແຕ່ງຕັ້ງຕໍ່ທ່ານເລຂາທິການໃຫຍ່, ປະທານປະເທດ ສສ ຫວຽດນາມ ຫງວຽນຝູຈ້ອງ, ເນື່ອງໃນໂອກາດໄດ້ຮັບດຳລົງຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ປະຈຳ ຫວຽດນາມ.
ພາຍຫຼັງພິທີຢື່ນສານແຕ່ງຕັ້ງ, ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ໄດ້ຕ້ອນຮັບບັນດາທ່ານເອກອັກຄະລັດຖະທູດ.
|
|
ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ກັບບັນດາທ່ານເອກອັກຄະລັດຖະທູດ. ພາບ: ສຳນັກຂ່າວສານຫວຽດນາມ. |
ກ່າວຄຳເຫັນທີ່ການຕ້ອນຮັບ, ທ່ານ ຫງວຽນຝູຈ້ອງ ໄດ້ສະແດງຄວາມເຊື່ອໝ້ັນວ່າ ດ້ວຍລະດັບຄວາມຮູ້, ປະສົບການໃນການປະຕິບັດງານຂອງຕົນ ແລະຄວາມຮັກແພງທີ່ສະຫງວນໃຫ້ແກ່ຫວຽດນາມ, ບັນດາທ່ານເອກອັກຄະລັດຖະທູດຈະປະຕິບັດສຳ ເລັດພາລະໜ້າທີ່ໄດ້ຮັບມອບໝາຍ, ແມ່ນຂົວເຊື່ອມຕໍ່ຊຸກຍູ້ການພົວພັນມິດຕະພາບ ແລະການຮ່ວມມືລະຫວ່າງບັນດາປະເທດກັບຫວຽດນາມ.
ທ່ານ ຫງວຽນຝູຈ້ອງ ເນັ້ນໜັກວ່າ ຫວຽດນາມຍາມໃດກໍ່ສ້າງເງື່ອນໄຂສະດວກໃຫ້ບັນດາທ່ານເອກອັກຄະລັດຖະທູດປະຕິບັດສຳເລັດໜ້າທີ່ໃນໄລຍະປະຕິບັດງານຢູ່ຫວຽດນາມ; ພ້ອມທັງຫວັງວ່າປະເທດຊາດ, ຊາວຫວຽດນາມຈະສ້າງໄດ້ບັນດາອາລົມຈິດອັນດີງາມທີ່ສຸດຕໍ່ກັບບັນດາທ່ານເອກອັກຄະລັດຖະທູດ.
ໂດຍ: ແສງເດືອນ