ທ່ານ ຫງວຽນຊວນຟຸກ ໃຫ້ຮູ້ວ່າ, ການແຂ່ງຂັນ F1 ແມ່ນເຫດການກິລາສາກົນທີ່ມີຊື່ສຽງ, ດຶງດູດໄດ້ຫຼາຍຄົນສົນໃຈຕິດຕາມໃນທົ່ວໂລກ. ດ້ວຍຄວາມມານະພະຍາຍາມຂອງທັງສອງຝ່າຍ, ຮ່າໂນ້ຍໄດ້ຮັບເປັນເຈົ້າພາບຈັດຕັ້ງການແຂ່ງຂັນໃນປີ 2020. ທ່ານ ຫງວຽນຊວນຟຸກ ຊົມເຊີຍການຮ່ວມມືລະຫວ່າງຮ່າໂນ້ຍ ແລະ Formula One ເປັນຢ່າງດີ; ໂດຍຖືວ່ານີ້ແມ່ນເຫດການສຳຄັນບໍ່ພຽງແຕ່ສຳລັບຂົງເຂດກິລາເທົ່ານັ້ນ, ຫາກຍັງວັດທະນະທຳ, ສັງຄົມອີກດ້ວຍ, ປະກອບສ່ວນເຂົ້າການພັດທະນາຂອງຫວຽດນາມ. ທ່ານ ຫງວຽນຊວນຟຸກ ຢືນຢັນວ່າ, ນະຄອນຮ່າໂນ້ຍ, ກະຊວງວັດທະນະທຳ, ກິລາ ແລະທ່ອງທ່ຽວ ພ້ອມກັບບັນດາອົງການກ່ຽວຂ້ອງຈະມານະພະຍາຍາມ ເພື່ອຈັດຕັ້ງເຫດການນີ້ເປັນຢ່າງດີ.

leftcenterrightdel
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ຕ້ອນຮັບປະທານກຸ່ມບໍລິສັດ Formula One. ພາບ: ສຳນັກຂ່າວສານຫວຽດນາມ.

ທ່ານ Chase Carey ຂອບໃຈການນໍານະຄອນຮ່າໂນ້ຍ ໄດ້ຮ່ວມມືຢ່າງແໜ້ນແຟ້ນ. ທ່ານຖືວ່າ, ຫວຽດນາມມີເງື່ອນໄຂຄົບຖ້ວນ ຄື: ຮ່າໂນ້ຍແມ່ນນະຄອນທີ່ຂະຫຍັນຂັນເຄື່ອນ, ມີປະຊາກອນໜຸ່ມ, ຕອບສະໜອງຄວາມຮຽກຮ້ອງຕ້ອງການດ້ານພື້ນຖານໂຄງລ່າງໃຫ້ການແຂ່ງຂັນ F1.

ໂດຍ: ແສງເດືອນ