ທີ່ບັນດາການພົບປະ, ສອງຝ່າຍເນັ້ນໜັກວ່າການພົວພັນຄູ່ຮ່ວມມືຍຸດທະສາດຫວຽດນາມ-ຝະລັ່ງ ໄດ້ຮັບການພັດທະນາຢ່າງແຮງໃນຊຸມປີຜ່ານມາ, ພິເສດແມ່ນໃນປີ 2018 ເມື່ອສອງປະເທດສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດ ແລະ 5 ປີແຫ່ງວັນເຊັນຄູ່ຮ່ວມມືຍຸດທະສາດ.

ສອງຝ່າຍຢັ້ງຢືນສືບຕໍ່ສະໜັບສະໜູນການຜັນຂະຫຍາຍ, ປະຕິບັດບັນດາໂຄງການຮ່ວມມືດ້ານເສດຖະກິດລະຫວ່າງສອງປະເທດ, ຊຸກຍູ້ ແລະສ້າງເງື່ອນໄຂເພື່ອໃຫ້ບັນດາວິສາຫະກິດສອງປະເທດຍູ້ແຮງການເຊື່ອມຕໍ່ດໍາເນີນທຸລະກິດໃນບັນດາຂົງເຂດ ຄື: ສາທາລະນະສຸກ, ກະສິກໍາ, ການບິນອາວະກາດ.

leftcenterrightdel
ທ່ານ ຈີ້ງດິ່ງຢຸງ, ຮອງນາຍົກລັດຖະມົນຕີຫວຽດນາມ ເຂົ້າຢ້ຽມຂໍ່ານັບທ່ານ Philippe Dallier, ຮອງປະທານສະພາສູງຝະລັ່ງ. ພາບ: ສໍານັກຂ່າວສານຫວຽດນາມ.

ທ່ານ ຈີ້ງດິ່ງຢຸງ ສະເໜີລັດຖະບານ ແລະສະພາສູງຝະລັ່ງ ສະໜັບສະໜູນເລື່ອງຍູ້ໄວການປັບປຸງບັນດາລະບຽບການ ເພື່ອລົງນາມ FTA, IPA ໃນທ້າຍປີນີ້ ແລະໃຫ້ສັດຕະຍາບັນໃນຕົ້ນປີ 2019 ຢ່າງເປັນທາງການ, ຜ່ານນັ້ນຫັນບັນດາຜົນປະໂຫຍດອັນໃຫຍ່ຫຼວງຂອງສັນຍາການຄ້າເສລີລະຫວ່າງຫວຽດນາມ ແລະສະຫະພາບເອີລົບ (EVFTA) ໃຫ້ປະກົດຜົນເປັນຈິງໂດຍໄວ.

ທີ່ການເຮັດວຽກກັບທ່ານ François de Rugy ແລະທ່ານ Rémy Rioux, ທ່ານ ຈີ້ງດິ່ງຢຸງ ຕີລາຄາສູງການໜູນຊ່ວຍຂອງຝະລັ່ງ ສໍາລັບຫວຽດນາມ ຜ່ານເລື່ອງອົງການພັດທະນາຝະລັ່ງ ໄດ້ຊ່ວຍເຫຼືອກວ່າ 2 ຕື້ເອີໂຣ ໃຫ້ 80 ໂຄງການຮ່ວມເດີນທາງກັບຫວຽດນາມ ໃນການຜັນຂະຫຍາຍບັນດາເປົ້າໝາຍເຕີບໂຕຂຽວຂອງປະເທດຊາດ ແລະປະຕິບັດບັນດາຄໍາໝັ້ນສັນຍາຂອງຂໍ້ຕົກລົງ Paris.

ໂດຍ: ທູຈາງ