ທີ່ການຕ້ອນຮັບ, ທ່ານ ເຈິ່ນກວກເວື້ອງ ສະແດງຄວາມຂອບອົກຂອບໃຈຕໍ່ຄວາມສາມັກຄີ, ການສະໜັບສະໜູນ ເຊິ່ງບັນດາກຳລັງກ້າວໜ້າ ແລະປະຊາຊົນເວເນຊູເອລາສະຫງວນໃຫ້ຫວຽດນາມໃນພາລະກິດປົດປ່ອຍຊາດ, ທ້ອນໂຮມປະເທດຊາດເປັນເອກະພາບໃນເມື່ອກ່ອນ ກໍ່ຄືໃນພາລະກິດສ້າງສາ ແລະປົກປັກຮັກສາປະເທດຊາດໃນປະຈຸບັນ. ທ່ານ ເຈິ່ນກວກເວື້ອງ ຢືນຢັນວ່າ, ແຜນນະໂຍບາຍສະເໝີຕົ້ນສະເໝີປາຍຂອງພັກ, ລັດຫວຽດນາມໃນການສະໜັບສະໜູນວິວັດທະນາການປະຊາທິປະໄຕ ຢູ່ ເວເນຊູເອລາ; ເຊື່ອໝັ້ນວ່າ, ພາຍໃຕ້ການນຳພາຂອງປະທານພັກສັງຄົມນິຍົມເອກະພາບ, ປະທານາທິບໍດີ Nicolas Maduro, ຈະຜ່ານຜ່າທຸກຄວາມຫຍຸ້ງຍາກ, ສິ່ງທ້າທາຍໄປໄດ້.

leftcenterrightdel
ທ່ານ ເຈິ່ນກວກເວື້ອງ, ກຳມະການກົມການເມືອງ, ຜູ້ປະຈຳການຄະນະເລຂາ ໄດ້ໃຫ້ການຕ້ອນຮັບທ່ານ Jesús Fariía, ຮອງປະທານຮັບຜິດຊອບດ້ານເສດຖະກິດພັກສັງຄົມນິຍົມເອກະພາບເວເນຊູເອລາ. ພາບ: baotintuc.vn.

ທ່ານ Jesús Fariía ຢັ້ງຢືນຄວາມປາດຖະໜາຂອງພັກ, ລັດເວເນຊູເອລາ ວ່າຢາກຊຸກຍູ້, ເພີ່ມທະວີການພົວພັນສາມັກຄີ, ມິດຕະພາບທີ່ເປັນມູນເຊື້ອລະຫວ່າງສອງພັກ ແລະປະຊາຊົນສອງປະເທດກວ່າອີກ, ນຳການພົວພັນຄູ່ຮ່ວມມືຮອບດ້ານ, ໂດຍສະເພາະແມ່ນການພົວພັນດ້ານເສດຖະກິດ, ການຄ້າ, ການລົງທຶນລະຫວ່າງສອງປະເທດ ເຂົ້າສູ່ແທດຈິງ ແລະມີປະສິດທິຜົນກວ່າອີກ.

ໂດຍ: ວຽງຄຳ