ທ່ານ ຫງວຽນຊວນຟຸກ ປາດຖະໜາຢາກເພີ່່ມທະວີການຮ່ວມມື ອາຊຽນ-ຍີ່ປຸ່ນ ແລະແມ່ນໍ້າຂອງ-ຍີ່ປຸ່ນ, ໂດຍສະເພາະແມ່ນນັບແຕ່ເມື່ອ ຫວຽດນາມ ດຳລົງຕຳແໜ່ງຜູ້ປະສານງານການພົວພັນ ອາຊຽນ-ຍີ່ປຸ່ນ ໄລຍະ 2018-2021; ຕີລາຄາສູງເລື່ອງ ຍີ່ປຸ່ນ ໄດ້ສະໜອງທຶນໜູນຊ່ວຍພັດທະນາ ODA ໃຫ້ແກ່ ຫວຽດນາມ ໃນໄລຍະຜ່ານມາ, ຢືນຢັນວ່າ, ລັດຖະບານຫວຽດນາມ ຖືເປັນສຳຄັນ ແລະມານະພະຍາຍາມປະຕິບັດບັນດາໂຄງການນຳໃຊ້ທຶນກູ້ຢືມ ODA ລະຫວ່າງສອງປະເທດໃຫ້ມີປະສິດທິຜົນ. ທ່ານ ຫງວຽນຊວນຟຸກ ສະເໜີ ຍີ່ປຸ່ນ ສືບຕໍ່ສະໜອງທຶນກູ້ຢືມ ODA ໃຫ້ແກ່ ຫວຽດນາມ ໃນບັນດາຂົງເຂດກໍ່ສ້າງພື້ນຖານໂຄງລ່າງ, ກໍ່ສ້າງແຫຼ່ງຊັບພະຍາກອນມະນຸດ, ຮັບມືກັບການປ່ຽນແປງຂອງດິນຟ້າອາກາດ; ໜູນຊ່ວຍ ຫວຽດນາມ ກໍ່ສ້າງລັດຖະບານເອເລັກໂຕນິກ; ສົມທົບກັນປະຕິບັດສັນຍາຄູ່ຮ່ວມມືຮອບດ້ານ ແລະກ້າວໜ້າຂ້າມປາຊີຟິກ (CPTPP) ເພີ່ມທະວີການຮັບເອົາຄົນງານຫວຽດນາມ, ຊຸກຍູ້ການພົບປະແລກປ່ຽນປະຊາຊົນ ແລະສົມທົບກັນໃນບັນດາບັນຫາສາກົນ ແລະພາກພື້ນໃນໄລຍະຈະມາເຖິງຢ່າງແໜ້ນແຟ້ນ.

leftcenterrightdel
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ແລະທ່ານTaro Kono ລັດຖະມົນຕີການຕ່າງປະເທດຍີ່ປຸ່ນ. ພາບ: vov.vn.

ທ່ານ Taro Kono ຢືນຢັນວ່າ, ຍີ່ປຸ່ນ ຕີລາຄາສູງບົດບາດນັບມື້ນັບເປັນເຈົ້າການ ແລະການປະກອບສ່ວນຢ່າງຕັ້ງໜ້າຂອງ ຫວຽດນາມໃນບັນດາບັນຫາສາກົນ ແລະພາກພື້ນ; ຍີ່ປຸ່ນ ຈະໜູນຊ່ວຍ ຫວຽດນາມ ຍົກສູງສະມັດຕະພາບແຮງງານ, ແບ່ງປັນບົດຮຽນໃນການກໍ່ສ້າງລັດຖະບານເອເລັກໂຕນິກ; ສະໜັບສະໜູນທັດສະນະຂອງ ຫວຽດນາມ ແລະບັນດາປະເທດອາຊຽນ ໃນບັນຫາທະເລຕາເວັນອອກ.

ໂດຍ: ແສງເດືືອນ