leftcenterrightdel
ທ່ານ ເຈິ່ນດ້າຍກວາງ ແລະທ່ານ Joko Widodo ກວດແຖວກຽດຕິຍົດກອງທັບປະຊາຊົນຫວຽດນາມ. ພາບ: ຟຸເຊີນ.

ພາຍຫຼັງພິທີຕ້ອນຮັບ, ທ່ານ ເຈິ່ນດ້າຍກວາງ ແລະທ່ານ Joko Widodo ໄດ້ດໍາເນີນການພົບປະເຈລະຈາ.

ທີ່ການພົບປະເຈລະຈາ, ສອງຝ່າຍເຫັນດີເປັນເອກະພາບເພີ່ມທະວີການແລກປ່ຽນຄະນະຂັ້ນສູງ ແລະທຸກຂັ້ນ, ການພົບປະແລກປ່ຽນປະຊາຊົນ; ສືບຕໍ່ຜັນຂະຫຍາຍບັນດາກົນໄກຮ່ວມມືສອງຝ່າຍຢ່າງມີປະສິດທິຜົນ; ແລກປ່ຽນ, ເຫັນດີເປັນເອກະພາບຕໍ່ຫຼັກໝັ້ນໃນບັນດາບັນຫາພາກພື້ນ, ສາກົນທີ່ຕ່າງຝ່າຍຕ່າງມີຄວາມສົນໃຈ. ທ່ານ ເຈິ່ນດ້າຍກວາງ ແລະທ່ານ Joko Widodo ຖືວ່າ, ສອງຝ່າຍຍັງມີຄວາມສາມາດບົ່ມຊ້ອນ ແລະທ່າແຮງຫຼາຍຢ່າງທີ່ສາມາດຂຸດຄົ້ນໄດ້; ເຫັນດີເປັນເອກະພາບສູ້ຊົນນໍາວົງເງິນການຄ້າສອງຝ່າຍໃຫ້ບັນລຸ 10 ຕື້ໂດລາສະຫະລັດໂດຍໄວ...

ສອງຝ່າຍເຫັນດີເປັນເອກະພາບເພີ່ມທະວີການພົບປະເຈລະຈາກຳນົດເຂດເສດຖະກິດຈໍາເພາະລະຫວ່າງສອງປະເທດ ແລະມອບກອງປະຊຸມກຸ່ມເຕັກນິກຍູ້ໄວວິວັດການພົບປະເຈລະຈາເພື່ອແນໃສ່ບັນລຸໄດ້ຂໍ້ຕົກລົງໂດຍອີງໃສ່ກົດໝາຍສາກົນໂດຍໄວ. ການນໍາສອງທ່ານພ້ອມກັນແລກປ່ຽນບັນດາມາດຕະການເພີ່ມທະວີການຮ່ວມມືໃນບັນດາຂົງເຂດ ຄື: ພະລັງງານ, ກະສິກໍາ, ວັດທະນະທໍາ...

leftcenterrightdel
ບັນຍາກາດທີ່ການພົບປະເຈລະຈາ. ພາບ: congly.vn.

ທ່ານ ເຈິ່ນດ້າຍກວາງ ແລະທ່ານ Joko Widodo ເຫັນດີເປັນເອກະພາບຖືວ່າ, ໃນສະພາບການພາກພື້ນໃນປະຈຸບັນ, ສອງຝ່າຍຄວນຮັກສາການທາບທາມຄໍາເຫັນກ່ຽວກັບບັນຫາກ່ຽວຂ້ອງເຖິງຄວາມໝັ້ນຄົງ ແລະຍຸດທະສາດຢູ່ພາກພື້ນ. ສອງຝ່າຍຕີລາຄາສູງ ແລະໃຫ້ຄໍາໝັ້ນສັນຍາສືບຕໍ່ຮ່ວມມື, ສົມທົບກັນຢ່າງແໜ້ນແຟ້ນຢູ່ບັນດາເວທີປາໄສຫຼາຍຝ່າຍ.

ສອງຝ່າຍຢັ້ງຢືນຫຼັກໝັ້ນສະເໝີຕົ້ນສະເໝີປາຍໃນບັນຫາທະເລຕາເວັນອອກ, ຕາມນັ້ນແລ້ວຄໍາໝັ້ນສັນຍາສະໜັບສະໜູນການແກ້ໄຂບັນດາການຂັດແຍ້ງກັນໂດຍສັນຕິວິທີທີ່ສອດຄ່ອງກັບກົດໝາຍສາກົນ, ໃນນັ້ນມີ UNCLOS 1982, ບໍ່ນໍາໃຊ້ກໍາລັງອາວຸດ ຫຼື ນາບຂູ່ນໍາໃຊ້ກໍາລັງອາວຸດ, ເຄົາລົບບັນດາວິວັດທະນາການການທູດ ແລະນິຕິກໍາຢ່າງຄົບຖ້ວນ. ສອງຝ່າຍຢັ້ງຢືນຄືນໃໝ່ການສະໜັບສະໜູນການປະຕິບັດຖະແຫຼງການແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຄົບຖ້ວນ ແລະມີປະສິດທິຜົນ ແລະຊຸກຍູ້ການພົບປະເຈລະຈາກົດແຫ່ງການປະພຶດຢູ່ທະເລຕາເວັນອອກ (COC) ຢ່າງມີປະສິດທິຜົນ ແລະແທດຈິງ.

ພາຍຫຼັງການພົບປະເຈລະຈາ, ການນໍາສອງທ່ານໄດ້ເປັນສັກຂີພິຍານການລົງນາມໃນໂຄງການກະທໍາຜັນຂະຫຍາຍຄູ່ຮ່ວມມືຍຸດທະສາດຫວຽດນາມ-ອິນໂດເນເຊຍ ໄລຍະ 2019-2023 ແລະຖະແຫຼງການຮ່ວມກ່ຽວກັບການສະໝັກເຂົ້າຮ່ວມການຮ່ວມມືສາກົນກ່ຽວກັບການຕ້ານການຂຸດຄົ້ນສິນໃນນໍ້າຢ່າງຜິດກົດໝາຍ, ບໍ່ລາຍງານ ແລະບໍ່ປະຕິບັດຕາມກຳນົດ (IUU) ແລະຊຸກຍູ້ການຄຸ້ມຄອງອາຊີບຫາປາແບບຍືນຍົງລະຫວ່າງສອງປະເທດເນື່ອງໃນໂອກາດນີ້.

 

ໂດຍ: ຫງວຽນກຸກ