ກ່າວຄຳເຫັນທີ່ການຕ້ອນຮັບ, ທ່ານ ຫງວຽນຊວນຟຸກ ຊົມເຊີຍຄະນະວິສາຫະກິດອາເມລິກາມາເຂົ້າຮ່ວມກອງປະຊຸມເວທີປາໄສເສດຖະກິດໂລກກ່ຽວກັບອາຊຽນ ປີ 2018 (WEF ASEAN 2018) ຢູ່ຫວຽດນາມ, ກອງປະຊຸມສຸດຍອດດຳເນີນທຸລະກິດຫວຽດນາມ-ອາເມລິກາ 2018. ທ່ານນາຍົກລັດຖະມົນຕີ ຕີລາຄາວ່າ, ປະຈຸບັນ, ການພົວພັນຫວຽດນາມ ແລະອາເມລິກາ ພວມພັດທະນາໃນບັນດາຂົງເຂດຢ່າງແຮງ. ຫວຽດນາມ ຖືເປັນສຳຄັນການພົວພັນຮ່ວມມືກັບອາເມລິກາ. ໃນໄລຍະຜ່ານມາ, ການພົວພັນນີ້ພວມພັດທະນາຢ່າງແຮງ. ວົງເງິນການຄ້າສົ່ງອອກຂອງອາເມລິກາ ເຂົ້າຕະຫຼາດຫວຽດນາມ ກໍ່ເພີ່ມຂຶ້ນຢ່າງແຮງ. ທ່ານນາຍົກລັດຖະມົນຕີ ປາດຖະໜາຢາກໃຫ້ບັນດາວິສາຫະກິດອາເມລິກາທີ່ມີທ່າແຮງໃນຂົງເຂດເສດຖະກິດດີຈີຕອນເພີ່ມທະວີການຮ່ວມມື, ຖ່າຍທອດເຕັກໂນໂລຢີໃຫ້ຝ່າຍຫວຽດນາມ.

leftcenterrightdel
ທ່ານ ຫງວຽນຊວນຟຸກ  ນາຍົກລັດຖະມົນຕີຫວຽດນາມ ກັບບັນດາຜູ້ຕາງໜ້າຄະນະວິສາຫະກິດ ອາເມລິກາ. ພາບ: ສຳນັກຂ່າວສານຫວຽດນາມ.

ທ່ານ Adam Sitkoff ໃຫ້ຮູ້ວ່າ, ມີຫຼາຍກຸ່ມບໍລິສັດຂອງອາເມລິກາມາເຂົ້າຮ່ວມກອງປະຊຸມ ແລະບັນດາວິສາຫະກິດອາເມລິກາ ກໍ່ມີຄວາມສົນໃຈເຖິງຕະຫຼາດຫວຽດນາມ. ຕາງໜ້າບາງກຸ່ມບໍລິສັດອາເມລິກາ ກໍ່ສະແດງຄວາມຕັດສິນໃຈເປີດກວ້າງການລົງທຶນດຳເນີນທຸລະກິດຢູ່ຫວຽດນາມ; ປາດຖະໜາວ່າ, ລັດຖະບານ, ທ່ານນາຍົກລັດຖະມົນຕີຫວຽດນາມ ຈະເອົາໃຈໃສ່, ສ້າງເງື່ອນໄຂສະດວກໃຫ້ບັນດາວິສາຫະກິດເຫຼົ່ານີ້ລົງທຶນໃຫ້ປະສົບຜົນສຳເລັດຢູ່ຫວຽດນາມ ກວ່າອີກ, ໂດຍສະເພາະແມ່ນບັນດາຂົງເຂດເສດຖະກິດດີຈີຕອນ, ນະຄອນອັດສະລິຍະ, ພັດທະນາພະລັງງານ..., ກໍ່ຄື ເພີ່ມທະວີການໜູນຊ່ວຍຫວຽດນາມ ບຳລຸງສ້າງແຫຼ່ງຊັບພະຍາກອນມະນຸດໃຫ້ມີຄຸນນະພາບສູງ, ຜ່ານນັ້ນປະກອບສ່ວນພັດທະນາການພົວພັນດ້ານເສດຖະກິດ, ການຄ້າ, ການລົງທຶນສອງຝ່າຍ.

ໂດຍ: ສົມເພັດ