ກ່າວຄໍາເຫັນຖອດຖອນບົດຮຽນທີ່ການລົງກວດກາ, ທ່ານ ຫງວຽນຊວນຟຸກ ເນັ້ນໜັກວ່າ, ກອງປະຊຸມ WEF ASEAN ແມ່ນການເຄື່ອນໄຫວທາງການທູດສໍາຄັນທີ່ສຸດໃນປີ 2018; ຕີລາຄາສູງບັນດາອະນຸກໍາມະການທີ່ໄດ້ປະສານສົມທົບກັນ, ເປັນເຈົ້າການ ແລະພິເສດແມ່ນການສົມທົບກັບ WEF ໃນວຽກງານກະກຽມໃຫ້ແກ່ກອງປະຊຸມ WEF ASEAN ເປັນຢ່າງດີ. ທ່ານ ຫງວຽນຊວນຟຸກ ເນັ້ນໜັກວ່າ, ນີ້ແມ່ນໂອກາດເພື່ອຢືນຢັນຄວາມປາດຖະໜາ, ຄວາມມຸ່ງຫວັງຢາກບືນຕົວຂຶ້ນສູ່ລະດັບສູງໃໝ່ຂອງຫວຽດນາມ. ສະນັ້ນ, ວຽກງານກະກຽມມີຄວາມໝາຍສໍາຄັນເພື່ອຮັບປະກັນໃຫ້ແກ່ຜົນສໍາເລັດຂອງກອງປະຊຸມ.

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ລົງກວດກາ ແລະຊີ້ນໍາວຽກງານກະກຽມກອງປະຊຸມ. ພາບ: ສໍານັກຂ່າວສານຫວຽດນາມ.

ເນັ້ນໜັກເຖິງຄວາມຮຽກຮ້ອງ “ຄວາມປອດໄພຢ່າງເດັດຂາດ” ໃນວິວັດການດໍາເນີນກອງປະຊຸມ, ທ່ານນາຍົກລັດຖະມົນຕີ ຊີ້ແຈ້ງວ່າ: “ນີ້ແມ່ນໜ້າທີ່ການເມືອງຂອງກໍາລັງຕໍາຫຼວດ, ກອງທັບ”; ພ້ອມທັງສະເໜີບັນດາກໍາລັງທີ່ກ່ຽວຂ້ອງກະກຽມ ແລະຜັນຂະຫຍາຍບັນດາວິທີການຮັບປະກັນຄວາມສະຫງົບ, ຄວາມປອດໄພໃຫ້ແກ່ກອງປະຊຸມເປັນຢ່າງດີ; ພິເສດແມ່ນປະຕິບັດວຽກງານສະກັດກັ້ນ, ຕ້ານ ແລະແກ້ໄຂບັນດາກໍລະນີ, ການທໍາລາຍຂອງຄົນບໍ່ດີ, ຂອງບັນດາອິດທິກໍາລັງປໍລະປັກໃຫ້ເປັນຢ່າງດີ.

ທ່ານນາຍົກລັດຖະມົນຕີ ຊີ້ນໍາບັນດາອົງການ, ຄະນະ, ຂະແໜງການທີ່ກ່ຽວຂ້ອງກວດກາຄືນທຸກຂັ້ນຕອນໃນວຽກງານກະກຽມເພື່ອຄົ້ນພົບບັນດາຊ່ອງຫວ່າງ, ຂອດທີ່ຍັງຂາດຕົກບົກພ່ອງຢ່າງທັນການເພື່ອຮັບປະກັນຈັດຕັ້ງກອງປະຊຸມໃຫ້ສໍາເລັດຜົນ.

ໂດຍ: ຮວ່າງເຈື່ອງ