ເພີ່ມທະວີການຮ່ວມມືລະຫວ່າງບັນດາອົງການລັດຖະສະພາສອງປະເທດ

ຕອນບ່າຍວັນທີ 7 ກັນຍາ (ຕາມເວລາທ້ອງຖິ່ນ), ຢູ່ສໍານັກງານສະພາສະຫະພັນ (ສະພາສູງ) ລັດເຊຍຢູ່ນະຄອນຫຼວງ ມົດສະກູ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ມີການພົບປະເຈລະຈາກັບທ່ານ Andrey Turchak ຮອງປະທານສະພາສະຫະພັນລັດເຊຍ.

leftcenterrightdel
ທ່ານເລຂາທິການໃຫຍ່ ຫງວຽນຟູ໋ຈ້ອງ ພົບປະເຈລະຈາກັບທ່ານ Andrey Turchak ຮອງປະທານສະພາສະຫະພັນລັດເຊຍ. ພາບ: ສໍານັກຂ່າວສານຫວຽດນາມ.

ສອງຝ່າຍຊົມເຊີຍການປະກອບສ່ວນຂອງບັນດາສະມາຊິກລັດຖະສະພາໃນວິວັດແຫ່ງການຊຸກຍູ້ການຮ່ວມມືລະຫວ່າງບັນດາທ້ອງຖິ່ນສອງປະເທດ, ເຫັນດີເປັນເອກະພາບຊຸກຍູ້ການຮ່ວມມືລະຫວ່າງທ້ອງຖິ່ນ ແລະວິສາຫະກິດສອງປະເທດ; ເພີ່ມທະວີການພົບປະແລກປ່ຽນປະຊາຊົນ, ໜູນຊ່ວຍຢ່າງຕັ້ງໜ້າໃຫ້ແກ່ການເຊື່ອມຕໍ່, ສ້າງຕັ້ງການພົວພັນ ແລະຜັນຂະຫຍາຍການຮ່ວມມືລະຫວ່າງບັນດາທ້ອງຖິ່ນສອງປະເທດຕາມທິດແທດຈິງ, ມີປະສິດທິຜົນ, ເໝາະສົມກັບຄວາມສາມາດບົ່ມຊ້ອນ ແລະຄວາມຕ້ອງການຂອງສອງຝ່າຍ.

ເສີມຂະຫຍາຍກົນໄກທາບທາມຄໍາເຫັນ ແລະສົມທົບກັນຢ່າງແໜ້ນແຟ້ນໃນບັນດາເວທີປາໄສລະຫວ່າງລັດຖະສະພາ

ຕອນບ່າຍວັນດຽວກັນ, ຢູ່ສໍານັກງານດູມາແຫ່ງຊາດ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ມີການພົບປະເຈລະຈາກັບທ່ານ Vyacheslav Volodin ປະທານ Duma ແຫ່ງຊາດສະພາແຫ່ງຊາດສະຫະພັນລັດເຊຍ (ສະພາຕ່ຳ).

leftcenterrightdel
ທ່ານເລຂາທິການໃຫຍ່ ຫງວຽນຟູ໋ຈ້ອງ ພົບປະເຈລະຈາກັບທ່ານ Vyacheslav Volodin ປະທານ Duma ແຫ່ງຊາດລັດເຊຍ. ພາບ: ສໍານັກຂ່າວສານຫວຽດນາມ.

ທ່ານ Vyacheslav Volodin ແລະທ່ານ ຫງວຽນຟູ໋ຈ້ອງ ຕີລາຄາສູງການຮ່ວມມືທີ່ມີປະສິດທິຜົນລະຫວ່າງ Duma ແຫ່ງຊາດ ແລະສະພາແຫ່ງຊາດຫວຽດນາມ ໃນຫຼາຍປີຜ່ານມາ; ເຫັນດີເປັນເອກະພາບນຳກັນວ່າ ລັດຖະສະພາສອງປະເທດຄວນສືບຕໍ່ເພີມທະວີການແລກປ່ຽນຄະນະຜູ້ແທນຂັ້ນສູງ, ຂັ້ນກໍາມາທິການ ແລະບັນດາກຸ່ມສະມາຊິກລັດຖະສະພາມິດຕະພາບ ເພື່ອແນໃສ່ເພີ່ມທະວີຄວາມເຂົ້າອົກເຂົ້າໃຈເຊິ່ງກັນ ແລະກັນ, ແລກປ່ຽນບົດຮຽນນິຕິບັນຍັດ... ຄຽງຂ້າງການຮ່ວມມືສອງຝ່າຍ, ຄວນສືບຕໍ່ເພີ່ມທະວີການຮ່ວມມື, ເສີມຂະຫຍາຍກົນໄກທາບທາມຄໍາເຫັນ ແລະສົມທົບກັນຢ່າງແໜ້ນແຟ້ນໃນບັນດາເວທີປາໄສລະຫວ່າງລັດຖະສະພາ ຄື: ສະຫະພັນລັດຖະສະພາສາກົນ (IPU), ເວທີລັດຖະສະພາອາຊີ-ປາຊີຟິກ (APPF).

ກ່ອນໜ້ານັ້ນ, ຕອນບ່າຍວັນທີ 7 ກັນຍາ,  ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ໃຫ້ການຕ້ອນຮັບທ່ານ Seigey Mironov ປະທານພັກປະເທດລັດເຊຍ ຍຸຕິທຳ.

ທ່ານ Seigey Mironov ປາດຖະໜາວ່າ ສອງຝ່າຍສືບຕໍ່ເພີ່ມທະວີການແລກປ່ຽນບົດຮຽນ, ປະຕິບັດເນື້ອໃນບັນດາບົດບັນທຶກຮ່ວມມືທີ່ຫາກໍ່ລົງນາມຢ່າງມີປະສິດທິຜົນ. ທ່ານ ຫງວຽນຟູ໋ຈ້ອງ ສະແດງຄວາມປິຕິຊົມຊື່ນເມື່ອຄະນະການນໍາພັກຍາມໃດກໍ່ຕັ້ງໜ້າສະໜັບສະໜູນແຜນນະໂຍບາຍຂອງທ່ານປະທານາທິບໍດີ Vladimir Putin ແລະລັດຖະບານສະຫະພັນ ລັດເຊຍ, ໃນນັ້ນມີການພັດທະນາສາຍພົວພັນມິດຕະພາບ, ການຮ່ວມມືຮອບດ້ານກັບຫວຽດນາມ.

ຕອນເຊົ້າວັນດຽວກັນ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ມີການເຮັດວຽກກັບການນໍາແຂວງ Kaluga ຢູ່ເຂດເສດຖະກິດພິເສດ Borovsk (Kaluga, ສະຫະພັນລັດເຊຍ).

ຕໍ່ຈາກນັ້ນ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ເຂົ້າຮ່ວມພິທີລົງມືກໍ່ສ້າງໂຮງງານປຸງແຕ່ງນ້ຳນົມຂອງກຸ່ມບໍລິສັດ TH True Milk ຢູ່ເຂດອຸດສາຫະກໍາສັງກັດເຂດເສດຖະກິດພິເສດ Kaluga, ເມືອງ Borovsk, ແຂວງ Kaluga.

ຕອນບ່າຍວັນດຽວກັນ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ໃຫ້ການຕ້ອນຮັບການນໍາກຸ່ມບໍລິສັດ Gazprom ແລະກຸ່ມບໍລິສັດ Zarubezhneft ຂອງລັດເຊຍ.

 

ໂດຍ: ເຈິ່ນຮວ່ຽນ