ທີ່ການຕ້ອນຮັບ, ທ່ານ ຫງວຽນຊວນຟຸກ ຊີ້ແຈ້ງວ່າ ຍີ່ປຸ່ນ ເປັນຄູ່ຮ່ວມມືດ້ານເສດຖະກິດທີ່ສໍາຄັນແຖວໜ້າຂອງຫວຽດນາມ, ຢືນອັນດັບທີ 1 ກ່ຽວກັບການສະໜອງທຶນກູ້ຢືມ ODA, ທີສອງແມ່ນການລົງທຶນ, ທີສາມແມ່ນການທ່ອງທ່ຽວ ແລະທີສີ່ແມ່ນການຄ້າ. ການຮ່ວມມື, ການພົບປະແລກປ່ຽນລະຫວ່າງບັນດາທ້ອງຖິ່ນ, ການພົບປະແລກປ່ຽນລະຫວ່າງປະຊາຊົນ ຫວຽດນາມ-ຍີ່ປຸ່ນ ນັບມື້ນັບໄດ້ຮັບການເພີ່ມທະວີ, ປະກອບສ່ວນເຮັດໃຫ້ຄວາມເຂົ້າອົກເຂົ້າໃຈ ແລະອາລົມຈິດມິດຕະພາບລະຫວ່າງປະຊາຊົນສອງປະເທດເລິກເຊິ່ງກວ່າອີກ.

leftcenterrightdel
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ແລກປ່ຽນກັບທ່ານ Tsutomu Takebe ທີ່ປຶກສາພິເສດສໍາພັນທະມິດສະມາຊິກລັດຖະສະພາມິດຕະພາບ ຍີ່ປຸ່ນ-ຫວຽດນາມ. ພາບ: ສໍານັກຂ່າວສານຫວຽດນາມ.

ທ່ານ ຫງວຽນຊວນຟຸກ ຢືນຢັນວ່າ ຫວຽດນາມ ແລະຍີ່ປຸ່ນ ເປັນຄູ່ຮ່ວມມືຍຸດທະສາດເລິກເຊິ່ງກວ້າງຂວາງ, ຍາມໃດກໍ່ແບ່ງປັນບັນດາບັນຫາສອງຝ່າຍ ແລະທົ່ວໂລກນຳກັນ. ລັດຖະບານຫວຽດນາມ ຕີລາຄາສູງສາຍພົວພັນນີ້ ແລະຍາມໃດກໍ່ເຮັດຈົນສຸດຄວາມສາມາດຂອງຕົນ, ແກ້ໄຂບັນດາຄວາມຫຍຸ້ງຍາກ, ຂໍ້ຕິດຂັດເພື່ອໃຫ້ສາຍພົວພັນນີ້ພັດທະນາຢ່າງແຮງ.

leftcenterrightdel
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ແລະທ່ານ Tsutomu Takebe ທີ່ປຶກສາພິເສດສໍາພັນທະມິດສະມາຊິກລັດຖະສະພາມິດຕະພາບ ຍີ່ປຸ່ນ-ຫວຽດນາມ. ພາບ: Chinhphu.vn.

ສ່ວນທ່ານ Tsutomu Takebe ໃຫ້ຮູ້ວ່າ, ສໍາພັນທະມິດສະມາຊິກລັດຖະສະພາມິດຕະພາບ ຍີ່ປຸ່ນ-ຫວຽດນາມ ຍາມໃດກໍ່ມານະພະຍາຍາມຊຸກຍູ້ການພົວພັນສອງປະເທດ ແລະປະຈຸບັນ, ທ່ານພວມສຸມໃສ່ຊຸກຍູ້ໂຄງການມະຫາວິທະຍາໄລ ຫວຽດນາມ-ຍີ່ປຸ່ນ. ທ່ານ Tsutomu Takebe ປາດຖະໜາວ່າ, ລັດຖະບານ, ນາຍົກລັດຖະມົນຕີຫວຽດນາມ ຍາມໃດກໍ່ເອົາໃຈໃສ່ເຖິງການພັດທະນາຂອງໂຮງຮຽນ, ເປັນຕົ້ນແມ່ນກົນໄກດ້ານການເງິນ; ພ້ອມທັງປາດຖະໜາວ່າ ນາຍົກລັດຖະມົນຕີສອງປະເທດຈະມີບັນດາມາດຕະການເພື່ອໃຫ້ໂຮງຮຽນພັດທະນາຢ່າງແຮງກວ່າອີກ.

 

ໂດຍ: ເຈິ່ນຮວ່ຽນ