ທີ່ການຕ້ອນຮັບ, ທ່ານ ເຈິ່ນດ້າຍກວາງ ຕີລາຄາສູງບັນດາການປະກອບສ່ວນຕັ້ງໜ້າຂອງທ່ານ Ryotaro Sugi ໃຫ້ແກ່ສາຍພົວພັນຫວຽດນາມ - ຍີ່ປຸ່ນ ໃນກວ່າ  30 ປີຜ່ານມາຜ່ານບັນດາການເຄື່ອນໄຫວທີ່ເຕັມໄປດ້ວຍຄວາມໝາຍ, ໂດຍສະເພາະແມ່ນໃນບັນດາຂົງເຂດວັດທະນະທໍາ, ສິລະປະ, ການພົບປະແລກປ່ຽນປະຊາຊົນ...

leftcenterrightdel
ທ່ານປະທານປະເທດຫວຽດນາມ ເຈິ່ນດ້າຍກວາງ ຕ້ອນຮັບທ່ານ Ryotaro Sugi ເອກອັກຄະລັດຖະທູດພິເສດ ຫວຽດນາມ-ຍີ່ປຸ່ນ, ຍີ່ປຸ່ນ-ຫວຽດນາມ. ພາບ: ສໍານັກຂ່າວສານຫວຽດນາມ.

ທ່ານ ເຈິ່ນດ້າຍກວາງ ປາດຖະໜາວ່າທ່ານ Ryotaro Sugi ຈະສືບຕໍ່ມີຫຼາຍຂໍ້ລິເລີ່ມ, ການເຄື່ອນໄຫວຢ່າງແທດຈິງ, ປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ສາຍພົວພັນຄູ່ຮ່ວມມືຍຸດທະສາດທີ່ເລິກເຊິ່ງ, ກວ້າງຂວາງລະຫວ່າງສອງປະເທດ, ເປັນຕົ້ນແມ່ນໃນຂົງເຂດວັດທະນະທໍາ, ສິລະປະ, ການພົບປະແລກປ່ຽນປະຊາຊົນ, ການຮ່ວມມືລະຫວ່າງບັນດາທ້ອງຖິ່ນສອງປະເທດ ແລະຍູ້ແຮງໂຄສະນາເຜີຍແຜ່ຮູບພາບຫວຽດນາມ ຢູ່ຍີ່ປຸ່ນ. ທ່ານ ເຈິ່ນດ້າຍກວາງ ສະເໜີທ່ານ Ryotaro Sugi ໜູນຊ່ວຍສະຖານທູດຫວຽດນາມ ປະຈໍາ ຍີ່ປຸ່ນ ໃນບົດບາດເປັນຂົວເຊື່ອມຕໍ່ຊຸກຍູ້ການຮ່ວມມືໃນບັນດາຂົງເຂດ ເຊິ່ງສອງປະເທດມີຄວາມສາມາດບົ່ມຊອ້ນຫຼາຍຢ່າງ ຄື: ກະສິກໍາ, ການອອກແຮງງານ, ສາທາລະນະສຸກ.

ທ່ານ Ryotaro Sugi ໃຫ້ຮູ້ວ່າໄດ້ຮັບການສົມທົບກັນຢ່າງແໜ້ນແຟ້ນຈາກກະຊວງວັດທະນະທໍາ, ກິລາ ແລະທ່ອງທ່ຽວ, ສະຖານີໂທລະພາບຫວຽດນາມ ໃນການຈັດຕັ້ງງານດົນຕີຫວຽດນາມ - ຍີ່ປຸ່ນ 2018; ຢ້ັງຢືນວ່າຈະສືບຕໍ່ເຮັດຈົນສຸດຄວາມສາມາດຂອງຕົນເພື່ອຊຸກຍູ້ການພົວພັນ ຍີ່ປຸ່ນ - ຫວຽດນາມ ຢ່າງແຮງກວ່າອີກ.

ໂດຍ: ທູຈາງ