ທີ່ການເຮັດວຽກ, ທ່ານ ຫງວຽນຊວນຟຸກ ສະເໜີແຂວງກອນຕູມ ຮວບຮວມ, ກວດກາຄືນ, ຕີລາຄາໝາກຜົນບັນດາໂຄງການໄດ້ຜັນຂະຫຍາຍຢ່າງລະອຽດ; ສົມທົບກັບກະຊວງກະສິກໍາ ແລະພັດທະນາຊົນນະບົດ ລາຍງານຕໍ່ນາຍົກລັດຖະມົນຕີ ພິຈາລະນາ, ຕັດສິນບົນຈິດໃຈສ້າງເງື່ອນໄຂສະດວກເພື່ອໃຫ້ແຂວງກອນຕູມ ພັດທະນາຕົ້ນໄມ້ສະໝູນໄພທີ່ມີຄ່າຫາຍາກ ແລະມີມູນຄ່າດ້ານເສດຖະກິດສູງນັ້ນແມ່ນໂສມງອັກລີງ.

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ເຮັດວຽກກັບການນໍາຫຼັກແຫຼ່ງແຂວງກອນຕູມ. ພາບ: ສໍານັກຂ່າວສານຫວຽດນາມ.

ກ່ຽວກັບໜ້າທີ່, ມາດຕະການພັດທະນາເສດຖະກິດ-ສັງຄົມ, ທ່ານ ຫງວຽນຊວນຟຸກ ສະເໜີແຂວງເລືອກເຟັ້ນບາງຂົງເຂດສໍາຄັນ, ເໝາະສົມເພື່ອບຸລິມະສິດຍູ້ແຮງ; ສຸມໃສ່ຊອກຫາແຫຼ່ງກໍາລັງຮັບປະກັນຄຸນນະພາບການເຕີບໂຕແບບຍືນຍົງ, ເປັນຕົ້ນແມ່ນກ່ຽວກັບການຄົມມະນາຄົມ, ຊົນລະປະທານ. ຄຽງຂ້າງນັ້ນ, ແຂວງຄວນໃສ່ໃຈກວ່າເຖິງການຍົກສູງຄຸນນະພາບການສຶກສາ, ແກ້ໄຂບັນຫາທີ່ດິນເປັນຢ່າງດີ; ພັດທະນາບັນດາບັນຫາສັງຄົມ ແລະຍົກສູງຄວາມຮູ້ຢ່າງກົມກຽວ. ທ່ານນາຍົກລັດຖະມົນຕີ ຫວັງວ່າແຂວງກອນຕູມ ຖືເປັນສໍາຄັນການຊອກຫາ, ຮຽກຮ້ອງການລົງທຶນ, ເປັນຕົ້ນແມ່ນບັນດານັກລົງທຶນໃຫຍ່ທີ່ມີຄວາມສາມາດບົ່ມຊ້ອນກວ່າອີກ.

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ຢ້ຽມຢາມເຂດປູກໂສມງອັກລີງ. ພາບ: ສໍານັກຂ່າວສານຫວຽດນາມ.

ເຈາະຈີ້ມກ່ຽວກັບທິດພັດທະນາຂອງແຂວງກອນຕູມ, ທ່ານ ຫງວຽນຊວນຟຸກ ສະເໜີແຂວງເສີມຂະຫຍາຍຄວາມສາມາດບົ່ມຊ້ອນທີ່ມີຢູ່ແລ້ວໂດຍອີງໃສ່ບັນດາເສົາຄ້ຳ: ພັດທະນາປ່າໄມ້ແບບຍືນຍົງ, ຍົກສູງສະມັດຕະພາບປ່າໄມ້ຕິດພັນກັບການປູກຕົ້ນໄມ້ສະໝູນໄພ; ພັດທະນາກະສິກໍາປອດສານພິດ, ເຕັກໂນໂລຢີສູງຫຼາຍພາລະບົດບາດ; ພັດທະນາອຸດສາຫະກໍາພະລັງງານ; ພັດທະນາເສດຖະກິດດ່ານຊາຍແດນ, ການທ່ອງທ່ຽວ...

 

ໂດຍ: ເຈິ່ນຮວ່ຽນ