ເອົາໃຈໃສ່ເບິ່ງແຍງດູແລ, ສ້າງເງື່ອນໄຂເພື່ອໃຫ້ເຍົາວະຊົນ, ອະນຸຊົນພັດທະນາຢ່າງຮອບດ້ານ
ກປ.ອອນໄລ - ໃນຕອນເຊົ້າວັນທີ 10 ສິງຫາ, ທີ່ສໍານັກງານປະທານປະເທດ, ທ່ານປະທານປະເທດຫວຽດນາມ ເຈິ່ນດ້າຍກວາງ ໄດ້ມີການພົບປະກັບຜູ້ແທນເຍົາວະຊົນ 200 ຄົນທີ່ເຂົ້າຮ່ວມງານມະໂຫລານຜູ້ບັນຊາກອງເຍົາວະຊົນທີ່ເກັ່ງທົ່ວປະເທດຄັ້ງທີ III, ປີ 2018.
ທີ່ການພົບປະ, ທ່ານ ເຈິ່ນດ້າຍກວາງ ໄດ້ສະແດງຄວາມປິຕິຊົມຊື່ນເມື່ອໄດ້ຮັບຟັງການລາຍງານກ່ຽວກັບບັນດາຜົນງານທີ່ບັນລຸໄດ້ຂອງພວກນ້ອງໃນການຮໍ່າຮຽນ, ຝຶກຝົນຫຼໍ່ຫຼອມ ແລະໃນວຽກງານກອງເຍົາວະຊົນ.
    |
 |
|
ທ່ານປະທານປະເທດ ເຈິ່ນດ້າຍກວາງ ແລະການນໍາສູນກາງຊາວໜຸ່ມ ແລະບັນດາຜູ້ແທນແມ່ນຜູ້ບັນຊາກອງເຍົາວະຊົນທີ່ເກັ່ງ. ພາບ: ສໍານັກຂ່າວສານຫວຽດນາມ. |
ທ່ານປະທານປະເທດຊີ້ແຈ້ງວ່າ: ໃນການເບິ່ງແຍງດູແລ, ການສຶກສາ ແລະການປົກປັກຮັກສາເດັກແມ່ນບັນຫາທີ່ມີລັກສະນະຍຸດທະສາດ, ປະກອບສ່ວນສໍາຄັນໃນການກະກຽມ ແລະຍົກສູງຄຸນນະພາບແຫຼ່ງຊັບພະຍາກອນມະນຸດເພື່ອຮັບໃຊ້ພາລະກິດຫັນເປັນອຸດສາຫະກຳ, ທັນສະໄໝ ແລະເຊື່ອມໂຍງເຂົ້າກັບສາກົນຂອງປະເທດ. ການລົງທຶນໃຫ້ເດັກນ້ອຍແມ່ນການລົງທຶນໃຫ້ອະນາຄົດຂອງປະເທດ.
|
|
 |
|
ທ່ານປະທານປະເທດ ເຈິ່ນດ້າຍກວາງ ກັບການນໍາສູນກາງຊາວໜຸ່ມ, ພະນັກງານຮັບຜິດຊອບວຽກງານເຍົາວະຊົນ ແລະບັນດາຜູ້ແທນແມ່ນຜູ້ບັນຊາການກອງເຍົາວະຊົນທີ່ເກັ່ງ. ພາບ: ສໍານັກຂ່າວສານຫວຽດນາມ. |
ທ່ານປະທານປະເທດປາດຖະໜາວ່າພວກນ້ອງເຍົາວະຊົນ, ອະນຸຊົນຈະເສີມຂະຫຍາຍມູນເຊື້ອຂອງຮຸ້ນພໍ່ຮຸ້ນອ້າຍ, ປະຕິບັດຄໍາສັ່ງສອນ 5 ຄໍາຂອງລຸງໂຮ່ ເປັນຢ່າງດີ, ສະແດງນໍ້າໃຈຮັກບ້ານເກີດເມືອງນອນ, ປະເທດຊາດດ້ວຍບັນດາວຽກງານທີ່ລະອຽດ, ແທດຈິງ.
|
|
 |
|
ທ່ານປະທານປະເທດ ເຈິ່ນດ້າຍກວາງ ມອບຂອງຂວັນໃຫ້ບັນດາຜູ້ບັນຊາການກອງເຍົາວະຊົນທີ່ເກັ່ງ. ພາບ: ສໍານັກຂ່າວສານຫວຽດນາມ. |
ທ່ານປະທານປະເທດສະເໜີ, ຄະນະພັກ, ອໍານາດການປົກຄອງທຸກຂັ້ນເພີ່ມທະວີການຊີ້ນໍາ, ນໍາພາວຽກງານປົກປັກຮັກສາ, ເບິ່ງແຍງດູແລ, ສຶກສາໃຫ້ເດັກ; ຕັ້ງໜ້າໂຄສະນາ, ສຶກສານະໂຍບາຍ, ກົດໝາຍວ່າດ້ວຍເດັກນ້ອຍ; ເອົາໃຈໃສ່ລົງທຶນດ້ານພື້ນຖານວັດຖຸ, ໂຮງຮຽນ, ຫ້ອງຮຽນ, ສະຖານທີ່ລະຫຼີ້ນ, ສ້າງເງື່ອນໄຂເພື່ອໃຫ້ເດັກໄດ້ຮັບການລະຫຼີ້ນ, ຮໍ່າຮຽນ, ບັນເທິງ, ພັດທະນາຢ່າງຮອບດ້ານ.
ທີ່ການພົບປະ, ທ່ານປະທານປະເທດໄດ້ຮັບຮູ້ບັນດາຄໍາຄິດເຫັນ, ຄວາມມຸ່ງມາດປາຖະໜາອັນຊອບທຳຂອງບັນດາຜູ້ແທນບັນຊາກອງເຍົາວະຊົນທີ່ເກັ່ງ ແລະສະເໜີບັນດາຄະນະ, ກະຊວງ, ຂະແໜງການສູນກາງ, ທ້ອງຖິ່ນຮັບເອົາຢ່າງຄົບຖ້ວນ ແລະແກ້ໄຂບັນດາຂໍ້ສະເໜີຂອງພວກນ້ອງ.
ແປໂດຍ: ເກື່ອງດັ້ງ