ປະທານປະເທດ ມອບໜ້າທີ່ໃຫ້ບັນດາເອກອັກຄະລັດຖະທູດ, ຫົວໜ້າອົງການຕາງໜ້າຫວຽດນາມ ຢູ່ຕ່າງປະເທດ
ກປ.ອອນໄລ - ວັນທີ 9 ສິງຫາ, ທີ່ສໍານັກງານປະທານປະເທດ, ຫ້ອງວ່າການປະທານປະເທດ ໄດ້ສົມທົບກັບກະຊວງການຕ່າງປະເທດຫວຽດນາມ ຈັດຕັ້ງພິທີມອບຂໍ້ຕົກລົງຂອງປະທານປະເທດແຕ່ງຕັ້ງເອກອັກຄະລັດຖະທູດ 16 ຄົນໄປປະຈໍາຢູ່ 16 ປະເທດ ແລະທັງຮັບຜິດຊອບວຽກງານການທູດຢູ່ 29 ປະເທດ, ອາຍຸການ 2018-2021. ຕາງໜ້າການນໍາພັກ, ລັດ, ທ່ານປະທານປະເທດຫວຽດນາມ ເຈິ່ນດ້າຍກວາງ ໄດ້ເຂົ້າຮ່ວມ ແລະມອບຂໍ້ຕົກລົງໃຫ້ບັນດາເອກອັກຄະລັດຖະທູດ.
ທ່ານ ເຈິ່ນດ້າຍກວາງ ຊີ້ແຈ້ງວ່າ, ບັນດາເອກອັກຄະລັດຖະທູດ, ຫົວໜ້າອົງການຕາງໜ້າຮັບໜ້າທີ່ໃໝ່ໃນສະພາບທີ່ປະເທດຫວຽດນາມ ພວມຢູ່ໃນຈຸດເວລາສຳຄັນຂອງການເຊື່ອມໂຍງເຂົ້າກັບສາກົນຢ່າງເລິກເຊິ່ງກວ້າງຂວາງ, ຜັນຂະຫຍາຍຍຸດທະສາດພັດທະນາເສດຖະກິດ-ສັງຄົມ ໄລຍະ 2011-2020.
    |
 |
|
ທ່ານປະທານປະເທດ ເຈິ່ນດ້າຍກວາງ ມອບຂໍ້ຕົກລົງແຕ່ງຕັ້ງໃຫ້ເອກອັກຄະລັດຖະທູດຫວຽດນາມ 16 ຄົນໄປປະຈໍາຢູ່ 16 ປະເທດ, ອາຍຸການ 2018-2021. ພາບ: ສໍານັກຂ່າວສານຫວຽດນາມ. |
ທ່ານ ເຈິ່ນດ້າຍກວາງ ໄດ້ມອບໜ້າທີ່ໃຫ້ບັນດາເອກອັກຄະລັດຖະທູດ, ຫົວໜ້າອົງການຕາງໜ້າຄວນສຸມໃສ່ປະຕິບັດວຽກງານກຳແໜ້ນ, ໄຈ້ແຍກ, ຕີລາຄາ, ຄາດຄະເນສະພາບການ, ເປັນເຈົ້າການເປັນເສນາທິການ, ສະເໜີຕໍ່ພັກ, ລັດມີບັນດາແຜນນະໂຍບາຍ, ວິທີການແກ້ໄຂແນໃສ່ນຳບັນດາການພົວພັນການຕ່າງປະເທດກ້າວເຂົ້າສູ່ລວງເລິກ, ເປັນຕົ້ນແມ່ນສຳລັບບັນດາປະເທດຖານບ້ານໃກ້ເຮືອນຄຽງ, ປະເທດໃຫຍ່, ຄູ່ຮ່ວມມືສຳຄັນ, ເພີ່ມທະວີການສະຫຼັບກັນຜົນປະໂຫຍດທາງດ້ານເສດຖະກິດ, ການຄ້າ, ການລົງທຶນ, ການປ້ອງກັນຊາດ, ປ້ອງກັນຄວາມສະຫງົບໃຫ້ເປັນຢ່າງດີ…, ຮັກສາການພົວພັນກັບບັນດາປະເທດເປັນປົກກະຕິ.
|
|
 |
|
ທ່ານປະທານປະເທດ ເຈິ່ນດ້າຍກວາງ ພ້ອມກັບບັນດາເອກອັກຄະລັດຖະທູດ, ຫົວໜ້າອົງການຕາງໜ້າຢູ່ຕ່າງປະເທດ. ພາບ: ສໍານັກຂ່າວສານຫວຽດນາມ. |
ທ່ານ ເຈິ່ນດ້າຍກວາງ ເນັ້ນໜັກວ່າ, ພໍ່ແມ່ພີ່ນ້ອງ, ພົນລະເມືອງຫວຽດນາມ ອາໄສຢູ່ຕ່າງປະເທດແມ່ນພາກສ່ວນໜຶ່ງທີ່ບໍ່ອາດຕັດແຍກອອກຈາກຊາດໄດ້. ຍ້ອນແນວນັ້ນ, ວຽກງານກ່ຽວກັບຊາວຫວຽດນາມອາໄສຢູ່ຕ່າງປະເທດ ແລະປົກປ້ອງພົນລະເມືອງຄວນສືບຕໍ່ແມ່ນໜຶ່ງໃນບັນດາໜ້າທີ່ເປັນປະຈຳ, ສຳຄັນທີ່ສຸດຂອງບັນດາເອກອັກຄະລັດຖະທູດ, ຫົວໜ້າອົງການຕາງໜ້າ.
ໂດຍ: ເຈິ່ນຮວ່ຽນ