ເຫັນດີເປັນເອກະພາບຕໍ່ບັນດາຄໍາຄິດເຫັນໂດຍຖືວ່າຄວນສ້າງແຜນທີ່ມົນລະພິດດີໂອຊີນ ແລະລູກລະເບີດ, ໝາກມິນບໍ່ທັນແຕກທີ່ຍັງຕົກຄ້າງຢູ່ຫວຽດນາມ, ທ່ານນາຍົກລັດຖະມົນຕີ ຊີ້ນໍາວ່າ ຄວນເຮັດແຈ້ງວິວັດທະນາການຂອງວຽກງານນີ້. ຄະນະຊີ້ນໍາ 701 ຕ້ອງການຄົ້ນຄວ້າ, ກວດກາຄືນ, ພິຈາລະນາປັບປຸງບັນດານະໂຍບາຍຈ່າຍເງິນໃຫ້ບັນດາຜູ້ເຂົ້າຮ່ວມການຕໍ່ຕ້ານຖືກຕິດທາດພິດເຄມີ/ດີໂອຊີນ ແລະລູກຄີງຂອງເຂົາເຈົ້າ; ເພີ່ມທະວີການສົ່ງເສີມສຸຂະພາບ, ຟື້ນຟູອະໄວຍະວະ, ສະໜອງເຄື່ອງມືໜູນຊ່ວຍ, ຄຸ້ມຄອງສຸຂະພາບສໍາລັບຜູ້ປະສົບເຄາະຮ້າຍຈາກທາດພິດເຄມີ, ລູກລະເບີດ, ໝາກມິນ ແລະປະຊາຊົນດໍາລົງຊີວິດຢູ່ໃກ້ກັບບັນດາສະຖານທີ່ຖືກທາດພິດເຄມີພາຍຫຼັງສົງຄາມ.

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ແລະບັນດາຜູ້ແທນເຂົ້າຮ່ວມການພົບປະສັງສັນກັບສະມາຄົມຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ. ພາບ:  ສໍານັກຂ່າວສານຫວຽດນາມ.

ໃນວັນດຽວກັນ, ທ່ານ ຫງວຽນຊວນຟຸກ ໄດ້ມີການພົບປະສັງສັນກັບສະມາຄົມຜູ້ປະສົບເຄາະຮ້າຍທາດພິດສີສົ້ມ/ດີໂອຊີນຫວຽດນາມ ເນື່ອງໃນໂອກາດສະເຫຼີມສະຫຼອງ 57 ປີແຫ່ງວັນໄພພິບັດທາດພິດສີສົ້ມຫວຽດນາມ ແລະວັນເພື່ອຜູ້ປະສົບເຄາະຮ້າຍຈາກທາດພິດສີສົ້ມຫວຽດນາມ (10-8-1961 / 10-8-2018). ຕາງໜ້າໃຫ້ລັດຖະບານ, ທ່ານ ຫງວຽນຊວນຟຸກ ໄດ້ຝາກຄໍາຢື້ຢາມຖາມຂ່າວເຖິງຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊີນໃນທົ່ວປະເທດ.

ໃນໄລຍະຈະມາເຖິງ, ທ່ານ ຫງວຽນຊວນຟຸກ ສະເໜີບັນດາຄະນະພັກ, ອໍານາດການປົກຄອງທ້ອງຖິ່ນຕ່າງໆ, ບັນດາອົງການ, ວິສາຫະກິດ... ຈົ່ງສືບຕໍ່ຮ່ວມແຮງຮ່ວມໃຈແບ່ງປັນຄວາມເຈັບປວດກັບບັນດາຜູ້ປະສົບເຄາະຮ້າຍ; ຕັ້ງໜ້າໂຄສະນາ, ປຸກລະດົມ, ຮຽກຮ້ອງໃຫ້ປະຊາຄົມສະຫງວນການໜູນຊ່ວຍໃຫ້ບັນດາຜູ້ປະສົບເຄາະຮ້າຍຈາກທາດພິດເຄມີໃຫ້ເຊື່ອມຕົວເຂົ້າກັບປະຊາຄົມ.

 

ແປໂດຍ: ທູຈາງ