ທ່ານນາຍົກລັດຖະມົນຕີ ຫງວຽນຊວນຟຸກ ຢັ້ງຢືນວ່າ ຫວຽດນາມ ຍາມໃດກໍ່ຖືເປັນສຳຄັນ ແລະປາດຖະໜາຢາກເພີ່ມທະວີການພົວພັນຄູ່ຮ່ວມມືຮອບດ້ານກັບ ການາດາ.

leftcenterrightdel
ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ແລະທ່ານນາຍົກລັດຖະມົນຕີ ການາດາ Justin Trudeau. ພາບ: ສໍານັກຂ່າວສານຫວຽດນາມ.

ທ່ານນາຍົກລັດຖະມົນຕີ Justin Trudeau ຕີລາຄາສູງບົດບາດຂອງ ຫວຽດນາມ ໃນເວທີສາກົນ, ພິເສດແມ່ນບັນດາຂໍ້ລິເລີ່ມຂອງຫວຽດນາມ ໃນການຮ່ວມມືຍົກສູງຄວາມສາມາດຮັບມືຂອງບັນດາປະຊາຄົມຢູ່ແຄມທະເລ, ໜູນຊ່ວຍການພັດທະນາອາຊີບຫາປາແບບຍືນຍົງ ແລະປົກປັກຮັກສາສິ່ງແວດລ້ອມຢູ່ມະຫາສະໝຸດ, ພ້ອມທັງຢັ້ງຢືນວ່າ ຫວຽດນາມ ແມ່ນຄູ່ຮ່ວມມືສຳຄັນຂອງ ການາດາ ຢູ່ພາກພື້ນ.

ທ່ານນາຍົກລັດຖະມົນຕີ ຫງວຽນຊວນຟຸກ ແລະທ່ານນາຍົກລັດຖະມົນຕີ Justin Trudeau ໄດ້ແລກປ່ຽນ ແລະເຫັນດີເປັນເອກະພາບຕໍ່ບັນດາມາດຕະການຊຸກຍູ້ການພົວພັນດ້ານການເມືອງ-ການທູດ; ການຄ້າ, ການລົງທຶນ ແລະພັດທະນາ; ດ້ານປ້ອງກັນຊາດ-ປ້ອງກັນຄວາມສະຫງົບ...

leftcenterrightdel
ບັນຍາກາດທີ່ການເຈລະຈາ. ພາບ: ສໍານັກຂ່າວສານຫວຽດນາມ.

ສອງຝ່າຍກໍ່ເຫັນດີເປັນເອກະພາບສົມທົບກັນຈັດຕັ້ງບັນດາການເຄື່ອນໄຫວສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ-ການາດາ (1973-2018), ໃນນັ້ນມີ “ສັບປະດາວັດທະນະທໍາຫວຽດນາມ ຢູ່ ການາດາ”. ນາຍົກລັດຖະມົນຕີສອງທ່ານຊົມເຊີຍບັນດາຄູ່ຮ່ວມມືສອງຝ່າຍໄດ້ລົງນາມໃນຂໍ້ຕົກລົງຮ່ວມມືບາງສະບັບໃນຂົງເຂດວິທະຍາສາດ-ເຕັກໂນໂລຢີ; ການສຶກສາ-ບໍາລຸງສ້າງ...

ກ່ຽວກັບບັນຫາທະເລຕາເວັນອອກ, ການນໍາສອງທ່ານໄດ້ເຫັນດີເປັນເອກະພາບຄວນຮັບປະກັນຄວາມໝັ້ນຄົງ, ຄວາມປອດໄພ, ຄວາມເສລີໃນການເດີນທະເລ ແລະການບິນຢູ່ທະເລຕາເວັນອອກ; ບໍ່ໄດ້ນໍາໃຊ້ອາວຸດ ຫຼື ນາບຂູ່ນໍາໃຊ້ອາວຸດ, ເຄົາລົບກົດໝາຍສາກົນ, ໃນນັ້ນມີສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ກໍ່ຄືຖະແຫຼງການແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ແລະກ້າວໄປເຖິງກົດແຫ່ງການປະພຶດຢູ່ທະເລຕາເວັນອອກ (COC) ໂດຍໄວ; ຊຸກຍູ້ການນໍາໃຊ້ມະຫາສະໝຸດ ເພື່ອບັນດາເປົ້າໝາຍສັນຕິພາບ, ປົກປັກຮັກສາສິ່ງແວດລ້ອມ ແລະລະບົບຊີວະພາບທະເລ.

 

ແປໂດຍ: ຫງວຽນກຸກ