ທ່ານນາຍົກລັດຖະມົນຕີ ຫງວຽນຊວນຟຸກ ຈະເຂົ້າຮ່ວມກອງປະຊຸມ ACMECS 8 ແລະ CLMV 9

ທ່ານ ຫງວຽນຊວນຟຸກ ນາຍົກລັດຖະມົນຕີແຫ່ງ ສສ ຫວຽດນາມ. ພາບ: ສໍານັກຂ່າວສານຫວຽດນາມ.

ວັນທີ 11 ມິຖຸນາ, ກະຊວງການຕ່າງປະເທດຫວຽດນາມ ອອກແຈ້ງການໃຫ້ຮູ້ວ່າ: ໂດຍຕອບສະໜອງຕາມຄໍາເຊີນຂອງທ່ານ ປຣະຢຸດ ຈັນໂອຊາ ນາຍົກລັດຖະມົນຕີແຫ່ງລາຊະອານາຈັກ ໄທ ແລະສົມເດັດອັກຄະມະຫາເສນາບໍດີ ເຕໂຈ ຮຸນແຊນ ນາຍົກລັດຖະມົນຕີແຫ່ງລາຊະອານາຈັກ ກໍາປູເຈຍ, ທ່ານນາຍົກລັດຖະມົນຕີ ຫງວຽນຊວນຟຸກ ຈະນໍາໜ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມສຸດຍອດຍຸດທະສາດຂອບການຮ່ວມມືດ້ານເສດຖະກິດແມ່ນໍ້າອີຣາວະດີ-ແມ່ນໍ້າເຈົ້າພະຍາ-ແມ່ນໍ້າຂອງ (ACMECS)  ຄັ້ງທີ 8 ແລະກອງປະຊຸມສຸດຍອດການຮ່ວມມື ກໍາປູເຈຍ-ລາວ-ມຽນມາ-ຫວຽດນາມ (CLMV)  ຄັ້ງທີ 9 ເຊິ່ງຈັດຕັ້ງທີ່ ບາງກອກ, ປະເທດ ໄທ ໃນລະຫວ່າງວັນທີ 15-16 ມິຖຸນາ.

ແປໂດຍ: ຮວ່າງເຈື່ອງ