ທ່ານຮອງນາຍົກລັດຖະມົນຕີ ຟ້າມບິ່ງມິງ ຢືນຢັນວ່າ, ຫວຽດນາມ ຖືເປັນສໍາຄັນ ແລະປາດຖະໜາຢາກເພີ່ມທະວີການພົວພັນມິດຕະພາບ, ການຮ່ວມມືກັບການາດາ ຕາມທິດຮອບດ້ານ, ມີປະສິດທິຜົນ, ແທດຈິງ, ໝັ້ນຄົງ ແລະຍາວນານ. ທ່ານຮອງນາຍົກລັດຖະມົນຕີ ຟ້າມບິ່ງມິງ ຕີລາຄາສູງການມາຢ້ຽມຢາມ ຫວຽດນາມ ຄັ້ງທໍາອິດຂອງທ່ານລັດຖະມົນຕີກະຊວງປ້ອງກັນປະເທດການາດາ; ເຊື່ອໝັ້ນວ່າການຢ້ຽມຢາມຄັ້ງນີ້ຈະປະກອບສ່ວນເພີ່ມທະວີການຮ່ວມມືດ້ານປ້ອງກັນຊາດລະຫວ່າງສອງປະເທດ ແລະຊຸກຍູ້ທ່າພັດທະນາຢ່າງຕັ້ງໜ້າຂອງການພົວພັນສອງປະເທດໃນໄລຍະຈະມາເຖິງ; ສະເໜີຝ່າຍ ການາດາ ເພີ່ມທະວີການໜູນຊ່ວຍຫວຽດນາມ ໃນຂົງເຂດບໍາລຸງສ້າງ, ຮັກສາສັນຕິພາບຂອງສະຫະປະຊາຊາດ, ເຫັນດີເປັນເອກະພາບນຳກັນວ່າສອງຝ່າຍຄວນເປີດກວ້າງ ແລະເພີ່ມທະວີການຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມ, ອຸດສາຫະກໍາປ້ອງກັນຊາດ...

leftcenterrightdel
ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຟ້າມບິ່ງມິງ ຕ້ອນຮັບທ່ານ Harjit Singh Sajjan ລັດຖະມົນຕີກະຊວງປ້ອງກັນປະເທດການາດາ. ພາບ: ສໍານັກຂ່າວສານຫວຽດນາມ.

ກ່ຽວກັບບັນຫາສາກົນ ແລະພາກພື້ນ, ສອງຝ່າຍແບ່ງປັນຄວາມສໍາຄັນຂອງການຮັກສາສັນຕິພາບ, ສະຖຽນລະພາບຢູ່ພາກພື້ນ. ຕໍ່ໜ້າບັນດາການຜັນແປຢ່າງສັບສົນໃນປັດຈຸບັນ, ສອງຝ່າຍຢືນຢັນຫຼັກໝັ້ນສະໜັບສະໜູນການແກ້ໄຂການຂັດແຍ່ງກັນຢູ່ທະເລຕາເວັນອອກໂດຍສັນຕິວິທີ, ບໍ່ນໍາໃຊ້ອາວຸດ ຫຼື ນາບຂູ່ນໍາໃຊ້ອາວຸດ, ເຄົາລົບບັນດາວິວັດທະນາການທາງການທູດ ແລະນິຕິກໍາບົນພື້ນຖານກົດໝາຍສາກົນ, ໃນນັ້ນມີສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS), ຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ (DOC), ມຸ່ງໄປເຖິງກົດແຫ່ງການປະພຶດຢູ່ທະເລຕາເວັນອອກ (COC).

ແປໂດຍ: ຮວ່າງເຈື່ອງ