ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວນຟຸກ ຊົມເຊີຍການນໍາຂັ້ນສູງສາມແຂວງພາກກາງຂອງອາກຊັງຕິນ ມາຢ້ຽມຢາມຫວຽດນາມ ເນື່ອງໃນໂອກາດສອງປະເທດສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດ; ສະແດງຄວາມເຊື່ອໝັ້ນວ່າການຢ້ຽມຢາມຈະປະກອບສ່ວນຊຸກຍູ້ການຮ່ວມມືສອງປະເທດໃນທຸກຂົງເຂດ. ທ່ານນາຍົກລັດຖະມົນຕີ ເນັ້ນໜັກວ່າຄວາມສາມາດບົ່ມຊ້ອນ, ທ່າແຮງຮ່ວມມືລະຫວ່າງຫວຽດນາມ ແລະອາກຊັງຕິນ ແມ່ນໃຫຍ່ຫຼວງທີ່ສຸດ, ໃນນັ້ນເງື່ອນໄຂສະດວກແມ່ນວົງເງິນການຄ້າສອງຝ່າຍໄດ້ເພີ່ມຂຶ້ນທົບ 10 ເທົ່າໃນຊຸມປີຜ່ານມາ.

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ຕ້ອນຮັບຄະນະການນໍາສາມແຂວງພາກກາງຂອງ ອາກຊັງຕິນ. ພາບ: ສໍານັກຂ່າວສານຫວຽດນາມ.

ຕາງໜ້າຄະນະ, ທ່ານ Borde ຜູ້ວ່າການແຂວງ Entre Ríos ສະແດງຄວາມຂອບໃຈຕໍ່ທ່ານນາຍົກລັດຖະມົນຕີ ຫງວຽນຊວນຟຸກ ທີ່ໄດ້ສະຫຼະເວລາອັນມີຄ່າໃຫ້ການຕ້ອນຮັບ ແລະໃຫ້ຮູ້ວ່າ, ບັນດາແຂວງພາກກາງຂອງອາກຊັງຕິນ ລ້ວນແຕ່ແມ່ນບັນດາທ້ອງຖິ່ນທີ່ໄດ້ປະກອບສ່ວນສໍໍາຄັນໃຫ້ແກ່ການພັດທະນາເສດຖະກິດຂອງປະເທດ. ພ້ອມທັງຖືວ່າ, ນອກຈາກການຊຸກຍູ້ດ້ານການຄ້າ ແລະການລົງທຶນແລ້ວບັນດາແຂວງພາກກາງຂອງອາກຊັງຕິນ ກໍ່ປາດຖະໜາຢາກຊຸກຍູ້ການຮ່ວມມື, ການພົບປະແລກປ່ຽນດ້ານວັດທະນະທໍາກັບຫວຽດນາມ.

ແປໂດຍ: ກວຽດເຕິມ