ຕາມທ່ານນາຍົກລັດຖະມົນຕີ ແລ້ວ, ສະພາບການໃນໂລກຍາມໃດກໍ່ມີການຜັນແປຫຼາຍຢ່າງ ແລະນັບມື້ນັບສັບສົນ. ບັນດາຄວາມຫຍຸ້ງຍາກ ແລະສິ່ງທ້າທາຍໃນໄລຍະປັດຈຸບັນຮຽກຮ້ອງໃຫ້ກໍາລັງຕໍາຫຼວດປະຊາຊົນຕ້ອງມີການປັບປຸງໃຫ້ໝັ້ນຄົງເຂັ້ມແຂງ, ສຸມໃສ່ການປ່ຽນແປງໃໝ່, ຍົກສູງຄຸນນະທາດ, ລະດັບຄວາມຮູ້, ປະສິດທິຜົນຄຸນນະພາບໃນວຽກງານທຸກດ້ານ, ສືບຕໍ່ເປັນກໍາລັງຫຼັກແຫຼ່ງ, ປະກອບສ່ວນສໍາຄັນສ້າງສະພາບແວດລ້ອມສະດວກໃຫ້ແກ່ການພັດທະນາເສດຖະກິດ-ສັງຄົມ ແລະຮັບປະກັນໃຫ້ຊີວິດການເປັນຢູ່ຂອງປະຊາຊົນມີຄວາມສະຫງົບສຸກ.

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ມອບນາມມະຍົດວິລະຊົນກໍາລັງປະກອບອາວຸດປະຊາຊົນສະໄໝຕ້ານອາເມລິກາ, ກູ້ຊາດໃຫ້ແກ່ວິທະຍາຄານຕໍາຫຼວດປະຊາຊົນ. ພາບ ກວາງຮ໋ຽວ.

ເພື່ອປະຕິບັດບັນດາໜ້າທີ່ດັ່ງກ່າວ, ວິທະຍາຄານຄວນກໍານົດຢ່າງຈະແຈ້ງວິໄສທັດໃນການພັດທະນາ, ມີຄວາມໃຝ່ຝັນສູງກວ່າ ແລະມີບັນດາບາດກ້າວໝັ້ນຄົງເຂັ້ມແຂງ ເພື່ອກາຍເປັນຮາກຖານການສຶກສາຈຸດສຸມ ແລະໂຮງຮຽນບັນລຸໄດ້ມາດຕະຖານຂອງຊາດໂດຍໄວ, ສູ້ຊົນກາຍເປັນສູນບໍາລຸງສ້າງຕໍາຫຼວດທີ່ມີຊື່ສຽງຂອງພາກພື້ນ ແລະສາກົນ.

ທີ່ພິທີ, ຕາງໜ້າການນໍາພັກ, ລັດ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມອບນາມມະຍົດວິລະຊົນກໍາລັງປະກອບອາວຸດປະຊາຊົນສະໄໝຕ້ານອາເມລິກາ, ກູ້ຊາດໃຫ້ແກ່ວິທະຍາຄານຕໍາຫຼວດປະຊາຊົນ. ເນື່ອງໃນໂອກາດນີ້, ທ່ານນາຍົກລັດຖະມົນຕີ ໄດ້ຕັດແຖບຜ້າເປີດການນຳໃຊ້ກິດຈະກໍາວັດທະນະທໍາສະເຫຼີມສະຫຼອງ 50 ປີແຫ່ງວັນສ້າງຕັ້ງວິທະຍາຄານຕໍາຫຼວດປະຊາຊົນ.

 

ແປໂດຍ: ທູຈາງ