ທີ່ການພົບປະເຈລະຈາໃນວັນທີ 12 ພຶດສະພາ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ແລະທ່ານລັດຖະມົນຕີ Aloysio Nunes Ferreira ຕີລາຄາການພົວພັນຮ່ວມມືຫວຽດນາມ-ບຣາຊິນ ໃນໄລຍະຜ່ານມາສືບຕໍ່ໄດ້ຮັບການພັດທະນາຢ່າງຕັ້ງໜ້າໃນທຸກຂົງເຂດຄື: ການພົວພັນດ້ານການເມືອງນັບມື້ນັບສະໜິດຕິດພັນ ແລະມີຄວາມໄວ້ເນື້ອເຊື່ອໃຈເຊິ່ງກັນແລະກັນສະແດງອອກຜ່ານຜົນການຢ້ຽມຢາມ, ພົບປະເປັນປະຈໍາລະຫວ່າງການນໍາຂັ້ນສູງ ແລະບັນດາກະຊວງ, ຂະແໜງການ, ການພົວພັນດ້ານເສດຖະກິດການຄ້ານັບມື້ນັບເພີ່ມຂຶ້ນ.... 

leftcenterrightdel
ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ແລະທ່ານ Aloysio Nunes Ferreira  ລັດຖະມົນຕີການຕ່າງປະເທດ ບຣາຊິນ. ພາບ: baochinhphu.vn

ເພື່ອສືບຕໍ່ພັດທະນາການພົວພັນຄູ່ຮ່ວມມືຮອບດ້ານ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ແລະທ່ານລັດຖະມົນຕີ Aloysio Nunes Ferreira ເຫັນດີເປັນເອກະສັນນຳກັນວ່າສອງຝ່າຍຄວນເພີ່ມທະວີການຢ້ຽມຢາມເຊິ່ງກັນແລະກັນ, ເປັນຕົ້ນແມ່ນລະຫວ່າງການນຳຂັ້ນສູງ, ຊຸກຍູ້ສອງຝ່າຍຜັນຂະຫຍາຍກົນໄກຄະນະກໍາມະການລະຫວ່າງລັດຖະບານກ່ຽວກັບການຮ່ວມມືດ້ານເສດຖະກິດ-ການຄ້າ ແລະວິທະຍາສາດເຕັກນິກຢ່າງມີປະສິດທິຜົນ ກໍ່ຄືຮັກສາກົນໄກທາບທາມຄໍາເຫັນດ້ານການເມືອງຂັ້ນຮອງລັດຖະມົນຕີການຕ່າງປະເທດຢ່າງເປັນປະຈໍາ ແລະສືບຕໍ່ຜັນຂະຫຍາຍບັນດາເອກະສານຮ່ວມມືທີ່ໄດ້ລົງນາມ ແລະປັບປຸງຂອບນິຕິກໍາໃຫ້ແກ່ການຮ່ວມມືສອງຝ່າຍໃນບັນດາຂົງເຂດການຕ່າງປະເທດ, ອຸດສາຫະກໍາປ້ອງກັນຊາດ, ການຄ້າ, ການລົງທຶນ...

ສອງຝ່າຍກໍ່ຢືນຢັນຈະສືບຕໍ່ຮ່ວມມືຢ່າງແໜ້ນແຟ້ນ ແລະສະໜັບສະໜູນເຊິ່ງກັນ ແລະກັນຢູ່ບັນດາອົງການຈັດຕັ້ງສາກົນ ແລະເວທີປາໄສຫຼາຍຝ່າຍ. ເນື່ອງໃນໂອກາດນີ້, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິງ ສະເໜີ ບຣາຊິນ ຮັບຮອງກົດລະບຽບເສດຖະກິດຕະຫຼາດໃຫ້ແກ່ຫວຽດນາມ ໂດຍໄວ.

ແປໂດຍ: ກວຽດເຕິມ