ທີ່ການພົບປະ, ບັນດາຜູ້ມີສິດເລືອກຕັ້ງໄດ້ເຕື້ອງເຖິງບັນດາບັນຫາການດຳລົງຊີວິດຂອງປະຊາຊົນຄື ຫຼັກອະນາໄມດ້ານສະບຽງອາຫານ, ການວາງແຜນຜັງທີ່ດິນ; ວຽກງານເບິ່ງແຍງດູແລ, ປົກປ້ອງເດັກ ແລະວຽກງານຕ້ານ ແລະສະກັດກັ້ນການສໍ້ລາດບັງຫຼວງ.

ເມື່ອແລກປ່ຽນກັບຜູ້ມີສິດເລືອກຕັ້ງກ່ຽວກັບວຽກງານຕ້ານ ແລະສະກັດກັ້ນການສໍ້ລາດບັງຫຼວງໃນໄລຍະຜ່ານມາ, ທ່ານນາງ ຫງວຽນທິກິມເງິນ ປະທານສະພາແຫ່ງຊາດ ຢືນຢັນວ່າ: “ເພື່ອເພີ່ມທະວີການຕ້ານການສໍ້ລາດບັງຫຼວງ, ຄະນະຊີ້ນຳຕ້ານ ແລະສະກັດກັ້ນການສໍ້ລາດບັງຫຼວງມີຄວາມຕັດສິນໃຈດ້ານການເມືອງຢ່າງສູງ. ມີຫຼາຍກໍລະນີ, ເຖິງວ່ານັ້ນແມ່ນໜ້າທີ່ຕຳແໜ່ງໃດກໍ່ຕາມ, ຖ້າວ່າມີການລະເມີດກົດໝາຍຈະຖືກຕັດສິນລົງໂທດ. ໃນໄລຍະຈະມາເຖິງ, ສະພາແຫ່ງຊາດຈະພິຈາລະນາຖານະຕຳແໜ່ງຖ້າວ່າສະມາຊິກສະພາແຫ່ງຊາດຜູ້ໃດລະເມີດກົດໝາຍ ແລະບໍ່ມີຄວາມໄວ້ເນື້ອເຊື່ອໃຈຈາກປະຊາຊົນ, ສະພາແຫ່ງຊາດ ກໍ່ຕ້ອງມີການພິຈາລະນາຄືນ.”

leftcenterrightdel
ທ່ານນາງ ຫງວຽນທິກິມເງິນ ປະທານສະພາແຫ່ງຊາດຫວຽດນາມ ພ້ອມກັບບັນດາຜູ້ມີສິດເລືອກຕັ້ງ ຕາແສງ ເຕີນຟູ໋, ເມືອງ ກ໋າຍຣັງ, ເກີ່ນເທີ. ພາບ: ສຳນັກຂ່າວສານຫວຽດນາມ.

ທີ່ການພົບປະກັບຜູ້ມີສິດເລືອກຕັ້ງ, ທ່ານນາງ ຫງວຽນທິກິມເງິນ ປະທານສະພາແຫ່ງຊາດ ໄດ້ແຈ້ງໃຫ້ຜູ້ມີສິດເລືອກຕັ້ງຮັບຊາບບັນດາຈຸດພົ້ນເດັ່ນດ້ານເສດຖະກິດ, ສັງຄົມ, ພິເສດແມ່ນຂະແໜງກະສິກຳ, ອຸດສາຫະກຳ; ວຽກງານຕິດຕາມກວດກາຂອງຄະນະປະຈຳສະພາແຫ່ງຊາດກ່ຽວກັບບັນດາບັນຫາປະຈຸບັນເຊິ່ງຫາງສຽງມີຄວາມສົນໃຈ.

ວັນທີ 3 ພຶດສະພາ, ທ່ານ ຫວໍວັນເຖືອງ, ກຳມະການກົມການເມືອງ, ເລຂາທິການສູນກາງພັກ, ຫົວໜ້າຄະນະໂຄສະນາສຶກສາສູນກາງ ພ້ອມກັບບັນດາຄະນະສະມາຊິກສະພາແຫ່ງຊາດ ຫົວໜ່ວຍທີ 1, ຄະນະສະມາຊິກສະພາແຫ່ງຊາດແຂວງ ດົ່ງນາຍ ໄດ້ພົບປະກັບຜູ້ມີສິດເລືອກຕັ້ງ ກ່ອນທີ່ຈັດກອງປະຊຸມສະໄໝສາມັນເທື່ອທີ V, ສະພາແຫ່ງຊາດຊຸດທີ XIV ຢູ່ນະຄອນ ບຽນຮ່ວາ (ດົ່ງນາຍ).

 

ແປໂດຍ: ຮຸຍດົງ