ກ່າວຄໍາເຫັນທີ່ພິທີ, ທ່ານນາງ ດັ້ງທີ້ຫງອກທີ້ງ ຮອງປະທານປະເທດຫວຽດນາມ ເນັ້ນໜັກເຖິງສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ຫວຽດນາມ-ລາວ, ທ່ານນາງ ດັ້ງທີ້ຫງອກທີ້ງ ໃຫ້ຮູ້ວ່າ, ປີ 2017 ແມ່ນປີພິເສດໃນການພົວພັນຮ່ວມມືລະຫວ່າງສອງປະເທດ, ພົ້ນເດັ່ນແມ່ນສອງຝ່າຍໄດ້ສົມທົບກັນຈັດຕັ້ງປີສາມັກຄີມິດຕະພາບ ຫວຽດນາມ-ລາວ 2017 ສຳເລັດຜົນ, ຊ່ວຍໃຫ້ຮຸ່ນໜຸ່ມຂອງສອງປະເທດເຂົ້າໃຈກ່ຽວກັບການພົວພັນສະໜິດຕິດແໜ້ນ ຫວຽດນາມ-ລາວ ຢ່າງເລິກເຊິ່ງກວ່າອີກ.

leftcenterrightdel
ທ່ານນາງ ດັ້ງທີ້ຫງອກທີ້ງ ຮອງປະທານປະເທດ ກ່າວຄໍາເຫັນທີ່ພິທີ. ພາບ: ຮວ່າງຫວູ໊.

ທ່ານນາງ ດັ້ງທີ້ຫງອກທີ້ງ ຮອງປະທານປະເທດ ສະແດງຄວາມເຊື່ອໝັ້ນວ່າ, ໂດຍເສີມຂະຫຍາຍບັນດາຜົນສໍາເລັດອັນດີງາມຂອງປີ 2017, ປີ 2018 ຈະແມ່ນຈຸດເວລາສະດວກທີ່ສຸດ ເພື່ອໃຫ້ສອງປະເທດຮັດແໜ້ນ ແລະເພີ່ມທະວີສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະການຮ່ວມມືຮອບດ້ານ ຫວຽດນາມ-ລາວ ດ້ວຍຫຼາຍບາດກ້າວພັດທະນາໃໝ່.

ທ່ານນາງ ດັ້ງທີ້ຫງອກທີ້ງ ຮອງປະທານປະເທດ ຢືນຢັນວ່າ, ພັກ, ລັດ ແລະປະຊາຊົນຫວຽດນາມ ໝັ້ນໝາຍຈະພ້ອມກັບພັກ, ລັດ ແລະປະຊາຊົນລາວ ອ້າຍນ້ອງຮັກສາ ແລະເພີ່ມພູນຄູນສ້າງໃຫ້ສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະການຮ່ວມມືຮອບດ້ານ ຫວຽດນາມ-ລາວ ນັບມື້ນັບໝັ້ນແກ່ນ, ມີປະສິດທິຜົນ; ປະກອບສ່ວນຢ່າງຕັ້ງໜ້າເຂົ້າໃນພາລະກິດແຫ່ງການສ້າງສາ ແລະປົກປັກຮັກສາປະເທດຊາດສັງຄົມນິຍົມຢູ່ແຕ່ລະປະເທດ, ປະກອບສ່ວນສ້າງປະຊາຄົມອາຊຽນ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະພັດທະນາວັດທະນາຖາວອນຢູ່ພາກພື້ນ ແລະໃນໂລກ.

leftcenterrightdel
ບັນດາຜູ້ແທນເຂົ້າຮ່ວມພິທີບາສີສູ່ຂວັນໃນໂອກາດບຸນປີໃໝ່ລາວ. ພາບ: ຮວ່າງຫວູ໊.

ສ່ວນທ່ານ ທອງສະຫວັນ ພົມວິຫານ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ຫວຽດນາມ ກໍ່ຫວນຄືນບັນດາຜົນງານອັນໃຫຍ່ຫຼວງ ແລະສຳຄັນທີ່ສຸດໃນທຸກຂົງເຂດເຊິ່ງປະຊາຊົນລາວ ຍາດມາໄດ້ໃນປີຜ່ານມາ. ທ່ານເນັ້ນໜັກວ່າ, ປະກອບສ່ວນເຂົ້າໃນບັນດາຜົນງານດັ່ງກ່າວແມ່ນມີການຮ່ວມມືທີ່ຈິງໃຈ, ການຊ່ວຍເຫຼືອອັນລໍ້າຄ່າ ແລະມີປະສິດທິຜົນ, ການສະໜັບສະໜູນຢ່າງສຸດຈິດສຸດໃຈຂອງພັກ, ລັດ ແລະປະຊາຊົນຫວຽດນາມ ອ້າຍນ້ອງ.

ນັ້ນແມ່ນການສະແດງໃຫ້ເຫັນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງ ລາວ-ຫວຽດນາມ ໂດຍປະທານ ໂຮ່ຈິມິນ, ປະທານ ໄກສອນ ພົມວິຫານ ແລະປະທານ ສຸພານຸວົງ ກໍ່ຕັ້ງ ແລະໄດ້ຮັບການເພີ່ມພູນຄູນສ້າງຈາກການນຳສອງພັກ, ສອງລັດ ແລະປະຊາຊົນສອງປະເທດຫຼາຍຮຸ່ນຄົນ.

 

ແປໂດຍ: ເຈິ່ນຮວ່ຽນ