ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ, ລັດຖະບານກໍາລັງປຸກລະດົມໂຄງການເລີ່ມທຸລະກິດແຫ່ງຊາດ ແລະປາດຖະໜາຢາກ IFC ໜູນຊ່ວຍຫວຽດນາມ, ໂດຍສະເພາະແມ່ນສໍາລັບຄົນຮຸ່ນໜຸ່ມ. ຫວຽດນາມ ກໍ່ປາດຖະໜາວ່າ IFC ຈະພ້ອມກັບບັນດາອົງການຈັດຕັ້ງສາກົນເຂົ້າມາລົງທຶນໃນຂົງເຂດພະລັງງານຜະລິດຄືນໃໝ່, ເພາະວ່ານີ້ແມ່ນຂົງເຂດ ເຊິ່ງ ຫວຽດນາມມີຄວາມສາມາດບົ່ມຊ້ອນຫຼາຍຢ່າງ. ທ່ານນາຍົກລັດຖະມົນຕີ ປາດຖະໜາຢາກ IFC ຮ່ວມມືກັບບາງອົງການຈັດຕັ້ງການເງິນຫວຽດນາມ, ໜູນຊ່ວຍຫວຽດນາມ ຍົກສູງລະດັບການບໍລິຫານ.

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ຕ້ອນຮັບທ່ານນາງ Snezana Stoiljkovic  ຮອງປະທານອົງການການເງິນສາກົນ. ພາບ: ສໍານັກຂ່າວສານຫວຽດນາມ.

ຂອບໃຈທ່ານນາຍົກລັດຖະມົນຕີ ຫງວຽນຊວນຟຸກ ທີ່ໄດ້ສະຫງວນເວລາຕ້ອນຮັບຄະນະ, ທ່ານນາງ Snezana Stoiljkovic ຊົມເຊີຍລັດຖະບານຫວຽດນາມ ທີ່ມີການບໍລິຫານພື້ນຖານເສດຖະກິດບັນລຸໄດ້ໝາກຜົນຕັ້ງໜ້າຫຼາຍຢ່າງໃນໄລຍະຜ່ານມາ. ນີ້ແມ່ນພື້ນຖານສໍາຄັນເພື່ອໃຫ້ IFC ສືບຕໍ່ຮ່ວມມືກັບຫວຽດນາມ ຢ່າງແຮງກວ່າອີກໃນໄລຍະຈະມາເຖິງ. ທ່ານນາງ Snezana Stoiljkovic ໃຫ້ຮູ້ວ່າ, IFC ປາດຖະໜາຢາກຮ່ວມມື, ໜູນຊ່ວຍຫວຽດນາມ ເປີດປະຕູບັນດາຂົງເຂດ ແລະຂະແໜງອາຊີບໃໝ່, ຜ່ານນັ້ນຊ່ວຍຫວຽດນາມ ດຶງດູດ FDI ເຂົ້າໃນບັນດາຂົງເຂດນີ້, ໃນນັ້ນມີບັນດາຂົງເຂດຄື: ການພັດທະນາວິສາຫະກິດຂະໜາດນ້ອຍ ແລະຂະໜາດກາງ, ການລົງທຶນເຂົ້າໃນຂົງເຂດກະສິກໍາ, ພະລັງງານຜະລິດຄືນໃໝ່.

 

ແປໂດຍ: ຮວ່າງເຈື່ອງ