ທ່ານຮອງນາຍົກລັດຖະມົນຕີຫວຽດນາມ ຈີ້ງດິ່ງຢຸງ ຢັ້ງຢືນວ່າ, ຫວຽດນາມ ຍາມໃດກໍ່ຮູ້ບຸນຄຸນຕໍ່ຄວາມຊ່ວຍເຫຼືອອັນໃຫຍ່ຫຼວງຂອງໂຊວຽດ ໃນເມື່ອກ່ອນ, ປະເທດລັດເຊຍ ໃນປະຈຸບັນໃນພາລະກິດຕໍ່ສູ້ຍາດເອົາເອກະລາດ, ສ້າງສາປະເທດຊາດໃນເມື່ອກ່ອນ ກໍ່ຄື ໃນໄລຍະຫັນເປັນອຸດສາຫະກໍາ ແລະທັນສະໄໝໃນປະຈຸບັນ.

leftcenterrightdel
ທ່ານຮອງນາຍົກລັດຖະມົນຕີຫວຽດນາມ ຈີ້ງດິ່ງຢຸງ ຕ້ອນຮັບທ່ານ Leonid Ivanovich Kalashnikov, ເລຂາທິການສູນກາງພັກກອມມູນິດສະຫະພັນລັດເຊຍ. ພາບ: ສໍານັກຂ່າວສານຫວຽດນາມ.

ມາຮອດປະຈຸບັນ, ສອງປະເທດໄດ້ສ້າງຕັ້ງ ແລະຜັນຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານ, ບັນລຸໄດ້ບັນດາໝາກຜົນອັນໃຫຍ່ຫຼວງ, ປະກອບສ່ວນສໍາຄັນເຂົ້າໃນພາລະກິດສ້າງສາ, ພັດທະນາປະເທດຊາດ. ການຮ່ວມມືໃນຂອບເຂດຄະນະກໍາມະການລະຫວ່າງລັດຖະບານສອງປະເທດໄດ້ຮັບການພັດທະນາຢ່າງແຮງໃນຫຼາຍຂົງເຂດ, ພິເສດແມ່ນດ້ານເສດຖະກິດ-ການຄ້າ, ການລົງທຶນ ແລະພະລັງງານ.

ຕາມທ່ານຮອງນາຍົກລັດຖະມົນຕີ ຈີ້ງດິ່ງຢຸງ ແລ້ວ, ບັນດາບາດກ້າວເຕີບໂຕທີ່ຜ່ານມາແມ່່ນຄວາມປະທັບໃຈທີ່ຍັງບໍ່ທັນສົມກັບກໍາລັງຄວາມບົ່ມຊ້ອນ ແລະຄວາມປາດຖະໜາຂອງແຕ່ລະຝ່າຍເທື່ອ. ຍ້ອນເຫດນັ້ນ, ສອງຝ່າຍຄວນສືບຕໍ່ມານະພະຍາຍາມ, ສ້າງເງື່ອນໄຂສະດວກໃຫ້ແກ່ພາລະກິດພັດທະນາຮອບດ້ານຂອງການຮ່ວມມືເສດຖະກິດສອງຝ່າຍກວ່າອີກ.

ທ່ານເລຂາທິການສູນກາງພັກກອມມູນິດສະຫະພັນລັດເຊຍ ຢັ້ງຢືນວ່າ ດ້ວຍອາລົມຈິດ ແລະຄວາມຮັບຜິດຊອບຂອງຕົນ, ຍາມໃດກໍ່ຈະມານະພະຍາຍາມຈົນສຸດຄວາມສາມາດ ເພື່ອພັດທະນາສາຍພົວພັນລະຫວ່າງການນໍາຂັ້ນສູງສອງພັກ, ເພີ່ມທະວີການຮ່ວມມືໃນທຸກໆຂົງເຂດ; ເສີມຂະຫຍາຍບັນດາໝາກຜົນທີ່ບັນລຸໄດ້, ເປີດກວ້າງການຮ່ວມມືໃນບັນດາຂົງເຂດເສດຖະກິດ, ການຄ້າ, ການລົງທຶນ, ການແລກປ່ຽນວັດທະນະທໍາ, ການສຶກສາ, ພົບປະແລກປ່ຽນປະຊາຊົນກວ່າອີກ.

ທີ່ການຕ້ອນຮັບ, ທ່ານ Leonid Ivanovich Kalashnikov ພ້ອມດ້ວຍຄະນະຜູ້ແທນລັດເຊຍ ໄດ້ແລກປ່ຽນກັບທ່ານຮອງນາຍົກລັດຖະມົນຕີ ຈີ້ງດິ່ງຢຸງ ບັນດາວິທີການແກ້ໄຂເພື່ອແນໃສ່ເພີ່ມທະວີການພົວພັນຮ່ວມມືໃນບັນດາຂົງເຂດອຸດສາຫະກໍາລົດໂອໂຕ, ທະນາຄານ, ການທ່ອງທ່ຽວ...

 

ແປໂດຍ: ຈາງຫງວຽນ