leftcenterrightdel
ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ແລະພັນລະຍາ ຢ້ຽມຢາມມະຫາວິທະຍາໄລເຕັກໂນໂລຢີ Auckland (AUT). ພາບ: ສໍານັກຂ່າວສານຫວຽດນາມ

ພາຍຫຼັງຢ້ຽມຢາມຫ້ອງຮຽນ, ຫ້ອງຄົ້ນຄວ້າ ແລະບາງພື້ນຖານວັດຖຸຂອງ AUT, ທ່ານນາຍົກລັດຖະມົນຕີ ໄດ້ໄປຢ້ຽມຢາມຖາມຂ່າວ, ໂອ້ລົມກັບບັນດານັກສຶກສາຫວຽດນາມ ທີ່ພວມຮໍ່າຮຽນຢູ່ AUT ແລະພົບປະກັບຜູ້ຕາງໜ້າປະຊາຄົມຊາວຫວຽດນາມ ທີ່ພວມດໍາລົງຊີວິດ, ອອກແຮງງານ, ຮໍ່າຮຽນຢູ່ ນິວຊີແລນ.

ກ່າວຄໍາເຫັນທີ່ການພົບປະ, ທ່ານນາຍົກລັດຖະມົນຕີ ໄດ້ຕີລາຄາສູງໝູ່ຄະນະພະນັກງານ, ພາລະກອນສະຖານທູດຫວຽດນາມ ປະຈໍາ ນິວຊີແລນ ໃນໄລຍະຜ່ານມາໄດ້ປະຕິບັດສໍາເລັດໜ້າທີ່ວຽກງານການຕ່າງປະເທດ, ກົງສຸນ, ຊຸກຍູ້ ແລະເປີດກວ້າງການພົວພັນຮ່ວມມືລະຫວ່າງຫວຽດນາມ ແລະນິວຊີແລນ ເປັນຢ່າງດີ. ແຈ້ງໃຫ້ພໍ່ແມ່ປະຊາຊົນຮັບຊາບກ່ຽວກັບສະພາບເສດຖະກິດ-ສັງຄົມຂອງປະເທດໃນໄຕມາດທີ I-2018, ທ່ານນາຍົກລັດຖະມົນຕີ ໃຫ້ຮູ້ວ່າ, ລະດັບການເຕີບໂຕເສດຖະກິດຂອງປະເທດຊາດຄາດວ່າບັນລຸໄດ້ 7,41%.

leftcenterrightdel
ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ຖ່າຍຮູບເປັນທີ່ລະນຶກກັບປະຊາຄົມຊາວຫວຽດນາມ ອາໄສຢູ່ ນິວຊີແລນ. ພາບ: ສໍານັກຂ່າວສານຫວຽດນາມ.

ເນັ້ນໜັກວ່າປະເທດຊາດພວມພັດທະນາດ້ວຍຄວາມໃຝ່ຝັນອັນແຮງກ້າ,  ທ່ານນາຍົກລັດຖະມົນຕີ ປາດຖະໜາວ່າໝູ່ຄະນະພະນັກງານ, ພາລະກອນສະຖານທູດຫວຽດນາມ, ພໍ່ແມ່ປະຊາຊົນ ແລະນັກສຶກສາຫວຽດນາມ ຢູ່ນິວຊີແລນ ຈະມານະພະຍາຍາມ, ສູ້ຊົນກວ່າອີກໃນວຽກງານ, ການຮໍ່າຮຽນ, ປະກອບສ່ວນພັດທະນາຕົນເອງ, ຄອບຄົວ ແລະມຸ່ງໄປຫາບ້ານເກີດເມືອງນອນ, ປະເທດຊາດຢ່າງບໍ່ຢຸດຢັ້ງ.

ກ່ຽວກັບສາຍພົວພັນຫວຽດນາມ-ນິວຊີແລນ, ທ່ານນາຍົກລັດຖະມົນຕີ ເນັ້ນໜັກເຖິງວົງເງິນສອງສົ້ນບັນລຸໄດ້ເກືອບ 1 ຕື້ໂດລາສະຫະລັດ. ປະຈຸບັນມີນັກສຶກສາຫວຽດນາມ ພວມຮໍ່າຮຽນຢູ່ ນິວຊີແລນ ນັບຫຼາຍພັນຄົນ ແລະສອງປະເທດໄດ້ມີບັນດາການຮ່ວມມືເບື້ອງຕົ້ນໃນຫຼາຍຂົງເຂດ, ໃນນັ້ນ, ໜ້າເອົາໃຈໃສ່ແມ່ນກະສິກໍາເຕັກໂນໂລຢີສູງ...

ເຫັນດີເຫັນພ້ອມກັບເລື່ອງຍູ້ແຮງການຮ່ວມມືກ່ຽວກັບການສຶກສາ, ການບໍາລຸງສ້າງໃຫ້ຫຼາຍກວ່າອີກ, ທ່ານນາຍົກລັດຖະມົນຕີ ກໍ່ສະເໜີສະຖານທູດຫວຽດນາມ ປະຈໍາ ນິວຊີແລນ ເອົາໃຈໃສ່ເປັນພິເສດເຖິງການເປີດກວ້າງການຮ່ວມມືລະຫວ່າງສອງປະເທດກ່ຽວກັບການທ່ອງທ່ຽວ....

 

ແປໂດຍ: ຫງວຽນກຸກ