ວັນທີ 11 ມີນາ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ແລະພັນລະຍາ ພ້ອມດ້ວຍຄະນະຜູ້ແທນຂັ້ນສູງຫວຽດນາມ ໄດ້ອອກຈາກນະຄອນຫຼວງ ຮ່າໂນ້ຍ, ເດີນທາງໄປຢ້ຽມຢາມ ນິວຊີແລນ ຢ່າງເປັນທາງການ ແຕ່ວັນທີ 11 ຫາວັນທີ 14 ມີນາ 2018; ຢ້ຽມຢາມ ອົດສະຕາລີ ແລະເຂົ້າຮ່ວມກອງປະຊຸມຂັ້ນສູງພິເສດອາຊຽນ-ອົດສະຕາລີ ຢູ່ Sydney ແຕ່ວັນທີ 14 ຫາວັນທີ 18 ມີນາ 2018. ບັນດາການຢ້ຽມຢາມໄດ້ປະຕິບັດຕາມຄໍາເຊີນຂອງທ່ານນາງ Jacinda Ardern ນາຍົກລັດຖະມົນຕີ ນິວຊີແລນ   ແລະທ່ານນາຍົກລັດຖະມົນຕີ ອົດສະຕາລີ Malcolm Turnbull.

leftcenterrightdel
ຜູ້ຕາງໜ້າສະມາຄົມນັກສຶກສາຫວຽດນາມ ພວມຮໍ່າຮຽນຢູ່ ນິວຊີແລນ ຕ້ອນຮັບທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ແລະພັນລະຍາ. ພາບ: ສໍານັກຂ່າວສານຫວຽດນາມ.

ຮ່ວມເດີນທາງພ້ອມກັບທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ແລະພັນລະຍາ ມີທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຟ້າມບິ່ງມີງ; ທ່ານຮອງປະທານສະພາແຫ່ງຊາດ ອວງຈູລືວ; ທ່ານລັດຖະມົນຕີ, ຫົວໜ້າຫ້ອງວ່າການລັດຖະບານ ມາຍຕ໋ຽນຢູ໋ງ; ທ່ານລັດຖະມົນຕີກະຊວງແຜນການ ແລະການລົງທຶນ ຫງວຽນຈິຢູ໋ງ; ທ່ານລັດຖະມົນຕີກະຊວງອຸດສາຫະກໍາ ແລະການຄ້າ ເຈີ່ນຕ໋ວນແອງ; ທ່ານລັດຖະມົນຕີກະຊວງກະສິກໍາ ແລະພັດທະນາຊົນນະບົດ ຫງວຽນຊວນເກື່ອງ; ທ່ານລັດຖະມົນຕີກະຊວງວິທະຍາສາດ ແລະເຕັກໂນໂລຢີ ຈູຫງອກແອງ; ທ່ານລັດຖະມົນຕີກະຊວງແຮງງານ, ທະຫານເສຍອົງຄະ ແລະສັງຄົມ ດ່າວຫງອກຢູງ... ພ້ອມດ້ວຍບັນດາການນໍາບັນດາອົງການທີ່ກ່ຽວຂ້ອງ.

 

ແປໂດຍ: ຫງວຽນກຸກ