ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວນຟຸກ ຖືວ່າ, ເພື່ອສືບຕໍ່ຮັກສາທ່າອຽງພັດທະນາຢ່າງຕັ້ງໜ້າໃນປັດຈຸບັນ, ເຮັດໃຫ້ການພົວພັນຮ່ວມມືລະຫວ່າງສອງປະເທດເລິກເຊິ່ງກວ່າອີກ, ສອງຝ່າຍຕ້ອງສືບຕໍ່ເພີ່ມທະວີການພົວພັນທີ່ໄວ້ເນື້ອເຊື່ອໃຈໂດຍຜ່ານການຮັກສາການພົບປະແລກປ່ຽນ, ພົບປະຂັ້ນສູງຢ່າງເປັນປະຈໍາ. ທ່ານນາຍົກລັດຖະມົນຕີ ກໍ່ສະເໜີສອງຝ່າຍ ຈົ່ງມີວິທີການເພື່ອຮັບປະກັນປະຕິບັດສໍາເລັດຄາດໝາຍທີ່ໄດ້ວາງໄວ້ແມ່ນບັນລຸວົງເງິນການຄ້າໃຫ້ໄດ້ 100 ຕື້ໂດລາສະຫະລັດໃນປີ 2020 ໄປຄຽງຄູ່ກັບການຊຸກຍູ້ຄວາມດຸນດ່ຽງດ້ານການຄ້າ, ແກ້ໄຂຄວາມຫຍຸ້ງຍາກໃນການກວດໂລກພະຍາດເພື່ອສ້າງເງື່ອນໄຂສະດວກໃຫ້ບັນດາຜະລິດຕະພັນກະເສດ, ເຄື່ອງປ່າຂອງດົງ, ສິນໃນນໍ້າ, ໝາກໄມ້ຂອງຫວຽດນາມ, ໃນນັ້ນມີໝາກນໍ້ານົມທີ່ສາມາດສົ່ງອອກໄປຍັງຕະຫຼາດ ສ. ເກົາຫຼີ ໃນປີ 2018.

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ຕ້ອນຮັບທ່ານນາງ Kang Kyung-wha  ລັດຖະມົນຕີການຕ່າງປະເທດ ສ.ເກົາຫຼີ. ພາບ: baochinhphu.vn

ທ່ານນາຍົກລັດຖະມົນຕີ ປາດຖະໜາວ່າ ສ. ເກົາຫຼີ ສືບຕໍ່ຮັກສາທີ່ຕັ້ງເປັນນັກລົງທຶນແຖວໜ້າຢູ່ຫວຽດນາມ; ເຂົ້າຮ່ວມລົງທຶນເຂົ້າບັນດາໂຄງການພື້ນຖານໂຄງລ່າງໃຫຍ່, ພັດທະນາພະລັງງານຜະລິດຄືນໃໝ່, ພະລັງງານສະອາດ, ເຂົ້າຮ່ວມການຫັນລັດວິສາຫະກິດເປັນຫຸ້ນສ່ວນ, ຖ່າຍທອດເຕັກໂນໂລຢີ, ສ້າງເງື່ອນໄຂເພື່ອໃຫ້ວິສາຫະກິດຫວຽດນາມເຂົ້າຮ່ວມລະບົບການຜະລິດຂອງບັນດາກຸ່ມບໍລິສັດ ສ. ເກົາຫຼີ; ໜູນຊ່ວຍການພັດທະນາຂະແໜງອຸດສາຫະກໍາສຳຮອງຂອງຫວຽດນາມພັດທະນາໃຫ້ສົມກັບຄວາມຮຽກຮ້ອງຕ້ອງການ.

ສະແດງຄວາມປະທັບໃຈກ່ຽວກັບເລື່ອງໂທລະສັບມືຖື Samsung ຜະລິດຢູ່ ຫວຽດນາມ ໄດ້ສົ່ງອອກໄປທົ່ວໂລກ, ທ່ານນາງ Kang Kyung Wha  ຂອບໃຈລັດຖະບານ, ນາຍົກລັດຖະມົນຕີຫວຽດນາມ ຍາມໃດກໍ່ເອົາໃຈໃສ່, ໜູນຊ່ວຍກຸ່ມບໍລິສັດນີ້ທໍາມາຫາກິນຢ່າງມີປະສິດທິຜົນຢູ່ ຫວຽດນາມ. ພ້ອມທັງຢືນຢັນວ່າ, ສ .ເກົາຫຼີ ຖືເປັນສໍາຄັນການພົວພັນຮ່ວມມືລະຫວ່າງອາຊຽນ-ສ.ເກົາຫຼີ, ໃນນັ້ນມີຫວຽດນາມ ແລະຫວຽດນາມມີບົດບາດສໍາຄັນໃນການພົວພັນຮ່ວມມືນີ້. ທ່ານນາງ  Kang Kyung Wha ໃຫ້ຮູ້ວ່າ, ສ. ເກົາຫຼີ ຄາດຄະເນວ່າຈະຈັດຕັ້ງກອງປະຊຸມຂັ້ນສູງພິເສດອາຊຽນ-ສ.ເກົາຫຼີ ໃນປີ 2019, ແລະປາດຖະໜາດວ່າ ຫວຽດນາມ ຈະສະໜັບສະໜູນເຫດການນີ້ ເພື່ອໃຫ້ສອງຝ່າຍເພີ່ມທະວີການຮ່ວມມື, ພ້ອມກັນແບ່ງປັນຜົນປະໂຫຍດ. ສ. ເກົາຫຼີ ສະໜັບສະໜູນທັດສະນະຂອງຫວຽດນາມກ່ຽວກັບບັນຫາທະເລຕາເວັນອອກ.

 

ແປໂດຍ: ກວຽດເຕິມ