ທີ່ການຕ້ອນຮັບ, ທ່ານປະທານປະເທດ ເຈີ່ນດ້າຍກວາງ ສະແດງຄວາມປິຕິຊົມຊ່ືນເມື່ອເຫັນວ່າບັນດາຂົງເຂດຮ່ວມມືລະຫວ່າງຫວຽດນາມ ແລະ ສ. ເກົາຫຼີ ໃນຕະຫຼອດໄລຍະ 25 ປີຜ່ານມາ ໄດ້ມີບາດກ້າວພັດທະນາຢ່າງແຮງ, ນັບມື້ນັບເຂົ້າສູ່ລວງເລິກ, ໂດຍສະເພາະແມ່ນນັບແຕ່ສອງປະເທດຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດເມື່ອ ປີ 2009.

leftcenterrightdel
ທ່ານປະທານປະເທດຫວຽດນາມ ເຈີ່ນດ້າຍກວາງ ໃຫ້ການຕ້ອນຮັບທ່ານນາງ Kang Kyung Wha ລັດຖະມົນຕີການຕ່າງປະເທດ ສ. ເກົາຫຼີ. ພາບ: ສໍານັກຂ່າວສານຫວຽດນາມ.

ແລກປ່ຽນກ່ຽວກັບການພົວພັນສອງຝ່າຍ, ທ່ານປະທານປະເທດ ເຈີ່ນດ້າຍກວາງ ສະເໜີສອງປະເທດຄວນເພີ່ມທະວີການຂຸດຄົ້ນລັກສະນະຊ່ວຍຊູກັນ, ຄວາມສາມາດບົ່ມຊ້ອນໃນການຮ່ວມມື; ຫວຽດນາມ ປາດຖະໜາວ່າ ສ. ເກົາຫຼີ ຈະເອົາໃຈໃສ່ ແລະເພີ່ມທະວີການໜູນຊ່ວຍກ່ຽວກັບເຕັກໂນໂລຢີ, ປະຕິບັດການຫັນເປັນອຸດສາຫະກໍາ ແລະທັນສະໄໝ ແລະພັດທະນາແບບ ຍືນຍົງ, ຍົກສູງລັກສະນະແກ່ງແຍ້ງ, ອໍານວຍຄວາມສະດວກໃຫ້ແກ່ການສົ່ງອອກບັນດາຜະລິດຕະພັນກະເສດ, ເຄື່ອງປ່າຂອງດົງ, ສິນໃນນໍ້າຂອງຫວຽດນາມ ໄປຍັງ ສ.ເກົາຫຼີ, ຊຸກຍູ້ການຮ່ວມມືດ້ານການຄ້າໃຫ້ພັດທະນາເປັນປົກກະຕິ, ດຸນດ່ຽງ, ຍືນຍົງ, ສືບຕໍ່ສະຫງວນບັນດາບ້ວງເງິນຊ່ວຍເຫຼືອ ODA ໃຫ້ແກ່ຫວຽດນາມດ້ວຍກໍາໄລບູລິມະສິດ.

ທ່ານປະທານປະເທດ ເຈີ່ນດ້າຍກວາງ ເນັ້ນໜັກວ່າ, ຫວຽດນາມ ຊົມເຊີຍນະໂຍບາຍມຸ່ງໄປສູ່ທິດໃຕ້ໃໝ່ຂອງ ສ. ເກົາຫຼີ ເພື່ອເປົ້າໝາຍສັນຕິພາບ, ຮ່ວມມື ແລະພັດທະນາ; ປາດຖະໜາວ່າສອງປະເທດຈະເພີ່ມທະວີການສົມທົບກັນໃນບັນດາບັນຫາສາກົນ ແລະພາກພື້ນທີ່ຕ່າງຝ່າຍຕ່າງມີຄວາມສົນໃຈ, ສະໜັບສະໜູນເຊິ່ງກັນແລະກັນຢູ່ບັນດາເວທີປາໄສພາກພື້ນ ແລະສາກົນ.

ເນື່ອງໃນໂອກາດນີ້, ທ່ານປະທານປະເທດຫວຽດນາມ ເນັ້ນນັກວ່າ, ຫວຽດນາມ ຊົມເຊີຍ ແລະພ້ອມແລ້ວທີ່ຈະຂໍ່ານັບຮັບຕ້ອນການຢ້ຽມຢາມທາງລັດຖະກິດຫວຽດນາມຂອງທ່ານ Moon Jae-in ປະທານາທິບໍດີ ສ.ເກົາຫຼີ. ພ້ອມທັງປາດຖະໜາວ່າການຢ້ຽມຢາມຈະເປັນຂີດໝາຍສໍາຄັນດ້ວຍບັນດາໝາກຜົນແທດຈິງ, ລະອຽດ.

 

ແປໂດຍ: ຮວ່າງເຈື່ອງ