ດ້ວຍຖານະເປັນປະເທດເອກະລາດ ແລະມີອະທິປະໄຕສູງທີ່ສຸດໃນບັນດາການເຄື່ອນໄຫວການເມືອງ, ການພົວພັນຕ່າງປະເທດ, ກໍ່ຄືເສດຖະກິດ, ເລື່ອງຫວຽດນາມ ເຂົ້າຮ່ວມລົງນາມໃນສັນຍາ  CPTPP ກໍ່ແມ່ນບາດກ້າວຫັນຍຸດທະສາດເປັນລະອຽດກ່ຽວກັບການຫັນບັນດາການພົວພັນຮ່ວມມືເປັນຫຼາຍຮູບຫຼາຍແບບ, ຫຼາຍຝ່າຍ.

leftcenterrightdel
ທ່ານ ເຈີ່ນຕ໋ວນແອງ ລັດຖະມົນຕີກະຊວງອຸດສາຫະກໍາ ແລະການຄ້າຫວຽດນາມ. ພາບ: ສໍານັກຂ່າວສານຫວຽດນາມ.

ໃນໄລຍະຜ່ານມາ, ດ້ວຍບັນດາບົດຮຽນ, ປະສົບການອັນລໍ້າຄ່າ ແລະບັນດາໝາກຜົນບັນລຸໄດ້ໃນການເປີດປະຕູພື້ນຖານເສດຖະກິດ, ສະແດງໃຫ້ເຫັນການເປັນເຈົ້າການເຊື່ອມໂຍງ, ພວກເຮົາມີພື້ນຖານ, ມີຄວາມເຊື່ອໝັ້ນໃນຍຸດທະສາດເຊື່ອມໂຍງໃກ້ຈະມາເຖິງ ແລະສະນັ້ນ, CPTPP ອາດເວົ້າວ່າເປັນການສະແດງຢູ່ໃນລະດັບໃໝ່, ລະດັບຄວາມຮູ້ໃໝ່ຂອງຫວຽດນາມ  ໃນວິວັດການເຊື່ອມໂຍງເຂົ້າກັບພາກພື້ນ ແລະສາກົນ. ພິເສດ, ດ້ວຍຖານະບົດບາດເປັນປະເທດສ້າງຕັ້ງ CPTPP, ຫວຽດນາມ ອາດເວົ້າວ່າແມ່ນບັນລຸໄດ້ເປົ້າໝາຍຫຼາຍຢ່າງ.

ທີໜຶ່ງ ແມ່ນການພົວພັນຕ່າງປະເທດດ້ານການເມືອງຂອງຫວຽດນາມ ຢັ້ງຢືນໄດ້ບົດບາດໃນບັນດາເວທີປາໄສການເມືອງສອງຝ່າຍ, ຫຼາຍຝ່າຍ, ພາກພື້ນ ແລະສາກົນ. ທີສອງ ແມ່ນເມື່ອເຊື່ອມໂຍງເຂົ້າກັບ CPTPP, ກ່ຽວກັບດ້ານລະບອບລະບຽບການ, ຫວຽດນາມ ຈະມີເງື່ອນໄຂເພື່ອປັບປຸງລັດແຫ່ງອຳນາດນິຕິບັນຍັດ ແລະພື້ນຖານເສດຖະກິດ ເຊິ່ງກໍາລັງຄວາມສາມາດແກ່ງແຍ້ງທີ່ນັບມື້ນັບສູງໂດຍອີງໃສ່ພື້ນຖານຄວາມໂປ່ງໃສຂອງສິນຄ້າ, ຄວາມເປີດເຜີຍຂອງສິນຄ້າ, ກໍ່ຄືສືບຕໍ່ຫັນບັນດາການເຄື່ອນໄຫວການຄ້າເປັນສະດວກຕາມຫຼັກການຂອງພື້ນຖານເສດຖະກິດຕະຫຼາດ. ສຸດທ້າຍ, ບັນດາຜົນປະໂຫຍດກ່ຽວກັບເສດຖະກິດ, ການຄ້າຕິດພັນກັບຜົນປະໂຫຍດທີ່ມີລັກສະນະຍຸດທະສາດຍາວນານຈະຊ່ວຍຫວຽດນາມ ມີເງື່ອນໄຂສືບຕໍ່ບືນຕົວຂຶ້ນຢູ່ໃນລະດັບໃໝ່, ສູງກວ່າຢູ່ບັນດາຕະຫຼາດໃໝ່.

ກ່ຽວກັບການກະກຽມຂອງຫວຽດນາມ ໃນການຜັນຂະຫຍາຍການປະຕິບັດສັນຍາ CPTPP, ທ່ານ ເຈີ່ນຕ໋ວນແອງ ຢືນຢັນວ່າ, ຈະມີໂຄງການດໍາເນີນງານໄດ້ຮັບການປະກາດໃຊ້ໂດຍລັດຖະບານ ເພື່ອກໍານົດແຈ້ງບັນດາເນື້ອໃນ, ໜ້າທີ່, ໃນນັ້ນເລື່ອງທໍາອິດ ແລະສໍາຄັນທີ່ສຸດແມ່ນຕ້ອງກວດກາຄືນດ້ານນິຕິກໍາ ແລະດັດປັບບັນດາກອບກົດໝາຍຂອງລັດເພື່ອປະຕິບັດບັນດາຄໍາໝັ້ນສັນຍາເຊື່ອມໂຍງຂອງສັນຍາ CPTPP.

leftcenterrightdel
ຜູ້ຕາງໜ້າບັນດາປະເທດເຂົ້າຮ່ວມລົງນາມໃນສັນຍາ CPTPP ຖ່າຍຮູບລວມຢູ່ນະຄອນຫຼວງ Santiago, ປະເທດ ຈີເລ. ພາບ: ສໍານັກຂ່າວສານຫວຽດນາມ.

ຈາກນັ້ນ, ຈະມີລາຍການຈັດຕັ້ງປະກາດ ແລະສະໜອງຂໍ້ມູນຂ່າວສານຢ່າງຄົບຖ້ວນ, ກໍ່ຄື ປະຕິບັດບັນດາການເຄື່ອນໄຫວໂຄສະນາ, ແນະນໍາກ່ຽວກັບສັນຍາ CPTPP ໃຫ້ທັງໝົດບັນດາພາກສ່ວນເປົ້າໝາຍໃນການເຊື່ອມໂຍງເຂົ້າກັບສາກົນຂອງຫວຽດນາມ, ໃນນັ້ນເອົາໃຈໃສ່ພິເສດເຖິງບົດບາດ, ຄວາມຮັບຜິດຊອບຂອງບັນດາອົງການຄຸ້ມຄອງລັດ ໃນການຜັນຂະຫຍາຍການປະຕິບັດ; ບົດບາດຂອງປະຊາຄົມວິສາຫະກິດໃນການສໍາຜັດກັບບັນດາເນື້ອໃນ, ເງື່ອນໄຂ ແລະກາລະໂອກາດ, ກໍ່ຄື ບັນດາສິ່ງທ້າທາຍ, ຄວາມຮຽກຮ້ອງຕ້ອງການຂອງສັນຍາ CPTPP ເພື່ອໃຫ້ບັນດາວິສາຫະກິດຫັນສັນຍາກາຍເປັນບັນດາໂຄງການດໍາເນີນງານໃນການປະຕິບັດຄໍາໝັ້ນສັນຍາເຊື່ອມໂຍງ, ພ້ອມທັງຂຸດຄົ້ນບັນດາກາລະໂອກາດ ແລະເງື່ອນໄຂສະດວກຂອງສັນຍາ CPTPP ແລະປະຕິບັດສ້າງໂຄງປະກອບຄືນໃໝ່ເພື່ອຮັບມື, ກໍ່ຄື ຈໍາກັດບັນດາຄວາມເສຍຫາຍ ແລະຜົນກະທົບຕາມທິດອື່ນຂອງສັນຍາເຊື່ອມໂຍງສະບັບນີ້.

ນອກຈາກນັ້ນ, ຕາມທ່ານ ເຈີ່ນຕ໋ວນແອງ ແລ້ວ, ຕ້ອງການສ້າງຕັ້ງລະບອບລະບຽບການບັນດາກົນໄກເພື່ອກະຕຸກຊຸກຍູ້, ຕິດຕາມກວດກາ, ກວດກາການປະຕິບັດສັນຍາ CPTPP. ທ່ານ ເຈີ່ນຕ໋ວນແອງ ກໍ່ເນັ້ນໜັກເຖິງບົດບາດ, ການເປັນເຈົ້າການຂອງແຕ່ລະອົງການຄຸ້ມຄອງລັດ, ພິເສດແມ່ນບັນດາກະຊວງ, ຂະແໜງການເປັນສະມາຊິກຂອງລັດຖະບານ, ເພາະວ່າບັນດາເນື້ອໃນ, ໜ້າທີ່ທີ່ກ່ຽວຂ້ອງເຖິງການປະຕິບັດສັນຍາ CPTPP ຮຽກຮ້ອງການເຂົ້າຮ່ວມຢ່າງເລິກເຊິ່ງ, ກວ້າງຂວາງທີ່ສຸດ ແລະການເປັນເຈົ້າການຂອງແຕ່ລະກະຊວງ, ຂະແໜງການ. ນອກຈາກນັ້ນ, ບໍ່ພຽງແຕ່ບັນດາອົງການຂອງລັດເທົ່ານັ້ນ, ຫາກນັບທັງບັນດາອົງການຈັດຕັ້ງໃນລະບົບການເມືອງ ກໍ່ຕ້ອງກໍານົດ ແລະມີຄວາມເຂົ້າໃຈຢ່າງຈະແຈ້ງບັນດາໜ້າທີ່ ແລະຄວາມຮຽກຮ້ອງຕ້ອງການທີ່ວາງອອກໃນການຈັດຕັ້ງປະຕິບັດສັນຍາ CPTPP.

 

ແປໂດຍ: ທູຈາງ