ບັນດາການປະກອບຄໍາເຫັນທີ່ການເຮັດວຽກລ້ວນແຕ່ເຫັນດີເປັນເອກະພາບໂດຍຖືວ່າ, ບັນດາລາຍການ, ໂຄງການ ODA ແລະກູ້ຢືມພິເສດຈາກຕ່າງປະເທດຕ້ອງຮັບປະກັນຫຼັກການພຽງແຕ່ກູ້ຢືມໃຫ້ແກ່ການລົງທຶນພັດທະນາເທົ່ານັ້ນ, ບໍ່ກູ້ຢືມໃຫ້ແກ່ການໃຊ້ຈ່າຍປົກກະຕິ. ທັດສະນະນີ້ຄວນໄດ້ຮັບການຊາບຊຶມຈາກຂັ້ນຕອນສະເໜີແຜນນະໂຍບາຍ, ການເຈລະຈາ, ການລົງນາມກໍ່ຄືການປະຕິບັດ.

ສະຫຼຸບການປະຊຸມ, ທ່ານນາຍົກລັດຖະມົນຕີ ໄດ້ເນັ້ນໜັກເຖິງບົດບາດຂອງ ODA ຕໍ່ກັບການພັດທະນາເສດຖະກິດ-ສັງຄົມຂອງຫວຽດນາມ ໃນໄລຍະຜ່ານມາ, ໂດຍສະເພາະແມ່ນສໍາລັບການພັດທະນາພື້ນຖານໂຄງລ່າງ, ເພີ່ມທະວີກໍາລັງຄວາມສາມາດຂອງກົງຈັກການຈັດຕັ້ງ. “ເມື່ອຫັນປ່ຽນຈາກພື້ນຖານເສດຖະກິດອາດຍາສິດ, ເກື້ອກູນໄປຍັງເສດຖະກິດຕະຫຼາດກໍານົດທິດສັງຄົມນິຍົມນັ້ນກໍາລັງຄວາມສາມາດກໍ່ສ້າງລະບອບລະບຽບການ, ກໍາລັງຄວາມສາມາດຂອງກົງຈັກການຈັດຕັ້ງແມ່ນສໍາຄັນທີ່ສຸດ”, ໃນໄລຍະຜ່ານມາ, ວຽກງານຄຸ້ມຄອງ ODA ມີຄວາມຄືບໜ້າຫຼາຍຢ່າງ, ຮັດກຸມກວ່າ, ແຕ່ເຖິງຢ່າງໃດກໍ່ຕາມຍັງມີຂໍ້ຄົງຄ້າງ, ຂໍ້ຈໍາກັດຢູ່.

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ເປັນປະທານການປະຊຸມຂ່າວກັບບາງກະຊວງ, ຂະແໜງການກ່ຽວກັບການຄຸ້ມຄອງທຶນກູ້ຢືມ ODA ແລະກູ້ຢືມພິເສດ. ພາບ: ກວາງຮ໋ຽວ.

ສະນັ້ນ, ທ່ານນາຍົກລັດຖະມົນຕີ ຮຽກຮ້ອງໃນໄລຍະຈະມາເຖິງຕ້ອງຮັດແໜ້ນການຄຸ້ມຄອງ, ຍົກສູງປະສິດທິຜົນການນໍາໃຊ້ບັນດາບ້ວງເງິນກູ້ຢືມ ODA, ນັບທັງບັນດາໂຄງການໜູນຊ່ວຍດ້ານເຕັກນິກ. ຕ້ອງຮັດແໜ້ນກວ່າ, ມີປະສິດທິຜົນກວ່າເພື່ອໃຫ້ກະແສທຶນນີ້ໄດ້ເຂົ້າສູ່ການຮັບໃຊ້ການພັດທະນາໃຫ້ດີກວ່າ. ກວດກາຄືນ, ຫຼຸດຜ່ອນບັນດາບ້ວງເງິນໃຊ້ຈ່າຍທີ່ບໍ່ຈໍາເປັນໃນບັນດາໂຄງການ ODA ຄື ຊື້ລົດໃຫຍ່.

ທ່ານນາຍົກລັດຖະມົນຕີ ເຫັນດີກັບບັນດາການປະກອບຄໍາເຫັນວ່າຕ້ອງມີມາດຖານຈະແຈ້ງກວ່າຄື: ອັນໃດແມ່ນການໃຊ້ຈ່າຍລົງທຶນພັດທະນາ, ອັນໃດແມ່ນການໃຊ້ຈ່າຍປົກກະຕິໃນບັນດາໂຄງການ ODA. ຕ້ອງເຮັດແຈ້ງບັນດານິຍາມນີ້, ບໍ່ໃຫ້ຫຼົງກັນ, ພາໃຫ້ພົບຄວາມຫຍຸ້ງຍາກໃນການຄຸ້ມຄອງ.

ທ່ານນາຍົກລັດຖະມົນຕີ ມອບໃຫ້ກະຊວງການເງິນເປັນປະທານຮຽບຮຽງຄໍາສັ່ງຂອງນາຍົກລັດຖະມົນຕີ ກ່ຽວກັບທຶນ ODA ໃນໄລຍະຈະມາເຖິງ, ເອົາຄໍາເຫັນຈາກບັນດາກະຊວງ, ຂະແໜງການແລ້ວຍື່ນສະເໜີຕໍ່ນາຍົກລັດຖະມົນຕີ.

 

ແປໂດຍ: ຮວ່າງເຈື່ອງ