ທ່ານນາງປະທານສະພາແຫ່ງຊາດ ຫງວຽນທິກິມເງິນ ຊົມເຊີຍບັນດາຜົນງານຂອງປະເທດມຽນມາ ໃນການພັດທະນາເສດຖະກິດ-ສັງຄົມ ແລະໃນການໄກ່ເກ່ຍ, ປອງດອງຊາດ; ສະແດງຄວາມປິຕິຊົມຊື່ນເມື່ອການພົວພັນສອງປະເທດນັບມື້ນັບໄດ້ຮັບການພັດທະນາອັນດີງາມ.

leftcenterrightdel
ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ແລະທ່ານຮອງປະທານສະພາແຫ່ງຊາດມຽນມາ Aye Thar Aung. ພາບ: ຈ໋ຽນຖັ໋ງ.

ທ່ານ Aye Thar Aung ຮອງປະທານສະພາແຫ່ງຊາດມຽນມາ ຢັ້ງຢືນວ່າ, ມຽນມາ ໄດ້ຕີລາຄາສູງບັນດາຜົນງານເຊິ່ງພັກ ແລະລັດຖະບານຫວຽດນາມ ບັນລຸໄດ້ໃນໄລຍະຜ່ານມາ, ສະແດງໄດ້ທີ່ຕັ້ງຂອງຕົນຢູ່ພາກພື້ນ; ເຊື່ອໝັ້ນວ່າພາຍໃຕ້ການນໍາພາຂອງພັກ ແລະລັດຖະບານຫວຽດນາມ, ຫວຽດນາມ ຍັງຈະມີການພັດທະນາກວ່າອີກ. ມຽນມາ ຕີລາຄາສູງເລື່ອງສອງປະເທດຍາມໃດກໍ່ສະໜັບສະໜູນເຊິ່ງກັນ ແລະກັນ ໃນບັນດາເວທີປາໄສພາກພື້ນ ແລະສາກົນ. ມຽນມາ ປາດຖະໜາຢາກທາບທາມບົດຮຽນຂອງຫວຽດນາມ ໃນຂົງເຂດພັດທະນາເສດຖະກິດ, ຄວາມໝັ້ນຄົງດ້ານການເມືອງ, ນິຕິບັນຍັດ ແລະການບໍລິຫານ...

ທ່ານນາງປະທານສະພາແຫ່ງຊາດ ຫງວຽນທິກິມເງິນ ປາດຖະໜາວ່າສອງປະເທດສືບຕໍ່ມີການແລກປ່ຽນຄະນະຜູ້ແທນຂັ້ນສູງລະດັບລັດ, ໃນນັ້ນມີຄະນະຜູ້ແທນສະພາແຫ່ງຊາດ; ຍູ້ແຮງການພົບປະແລກປ່ຽນຮ່ວມມືລະຫວ່າງບັນດາທ້ອງຖິ່ນ, ປະຊາຊົນສອງປະເທດ.

ທ່ານນາງປະທານສະພາແຫ່ງຊາດ ສະເໜີສ້າງຕັ້ງກົນໄກເຈລະຈານະໂຍບາຍດ້ານປ້ອງກັນຊາດຂັ້ນຮອງລັດຖະມົນຕີລະຫວ່າງສອງປະເທດໂດຍໄວ; ຊຸກຍູ້ການພົບປະເຈລະຈາ, ກ້າວໄປເຖິງການລົງນາມໃນເອກະສານຮ່ວມມືໃນບັນດາຂົງເຂດກະສິກໍາ-ປ່າໄມ້-ການປະມົງ...; ສະເໜີ ມຽນມາ ສ້າງເງື່ອນໄຂສະດວກເພື່ອໃຫ້ບັນດາວິສາຫະກິດຫວຽດນາມ ທີ່ພວມລົງທຶນຢູ່ມຽນມາ ພັດທະນາ, ເປີດກວ້າງການລົງທຶນ ແລະແກ່ງແຍ້ງຢ່າງສະເໝີພາບກັບບັນດານັກລົງທຶນຕ່າງປະເທດອື່ນຕາມກົດໝາຍ ມຽນມາ ໃນບັນດາຂົງເຂດໂທລະຄົມມະນາຄົມ, ການເງິນ, ທະນາຄານ...

 

ແປໂດຍ: ຫງວຽນກຸກ