ກ່າວຄໍາເຫັນທີ່ການຕ້ອນຮັບ, ທ່ານປະທານປະເທດ ເຈີ່ນດ້າຍກວາງ ອວຍພອນທ່ານ Claudio Andres De Negri Quintana ເອກອັກຄະລັດຖະທູດຈີເລ ໄດ້ສໍາເລັດອາຍຸການປະຕິບັດງານທາງການທູດຢູ່ຫວຽດນາມ ເປັນຢ່າງດີ, ປະກອບສ່ວນສໍາຄັນເຂົ້າໃນການຊຸກຍູ້, ເພີ່ມທະວີການພົວພັນມິດຕະພາບທີ່ເປັນມູນເຊື້ອ ຫວຽດນາມ-ຈີເລ.

leftcenterrightdel
ທ່ານປະທານປະເທດຫວຽດນາມ ເຈີ່ນດ້າຍກວາງ  ຕ້ອນຮັບທ່ານ Claudio Andres De Negri Quintana ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສາທາລະນະລັດ ຈີເລ ເຂົ້າຢ້ຽມອຳລາເນື່ອງໃນໂອກາດສິ້ນສຸດການປະຕິບັດໜ້າທີ່ການທູດ. ພາບ: ສໍານັກຂ່າວສານຫວຽດນາມ.

ທ່ານປະທານປະເທດ ເຈີ່ນດ້າຍກວາງ ຮັບຮູ້, ໃນອາຍຸການປະຕິບັດງານຂອງທ່ານ Claudio Andres De Negri Quintana ເອກອັກຄະລັດຖະທູດ ຈີເລ, ການຮ່ວມມືດ້ານເສດຖະກິດ, ການຄ້າ ແລະການລົງທຶນລະຫວ່າງຫວຽດນາມ ແລະຈີເລ ນັບມື້ນັບພັດທະນາ; ສັນຍາການຄ້າເສລີ ຫວຽດນາມ-ຈີເລ ທີ່ລົງນາມໄດ້ນໍາວົງເງິນການຄ້າສອງສົ້ນເພີ່ມຂຶ້ນຢ່າງວ່ອງໄວ.

ທ່ານປະທານປະເທດ ເຈີ່ນດ້າຍກວາງ ປາດຖະໜາວ່າ, ໃນຖານະຕຳແໜ່ງປະຕິບັດງານໃໝ່, ທ່ານ Claudio Andres De Negri Quintana ເອກອັກຄະລັດຖະທູດ ຈີເລ ຈະສືບຕໍ່ມີບັນດາການເຄື່ອນໄຫວປະກອບສ່ວນເຂົ້າໃນການປັບປຸງ ແລະເພີ່ມທະວີການພົວພັນມິດຕະພາບ,  ການຮ່ວມມືລະຫວ່າງຫວຽດນາມ ແລະຈີເລ.

ຂອບອົກຂອບໃຈທ່ານປະທານປະເທດ ເຈີ່ນດ້າຍກວາງ ໄດ້ສະຫງວນເວລາຕ້ອນຮັບ, ທ່ານ Claudio Andres De Negri Quintana ເອກອັກຄະລັດຖະທູດຈີເລ ເນັ້ນໜັກວ່າໃນກົນໄກຮ່ວມມືໃໝ່ໃນຂອບເຂດ CPTPP, ອະນາຄົດຂຶ້ນກັບອາຊີ, ໃນອາຊີນັ້ນ ອາຊຽນ ສວມບົດບາດຫຼັກແຫຼ່ງ, ຫວຽດນາມ ແມ່ນໜຶ່ງໃນບັນດາຕ່ອງໂສ້ສໍາຄັນຂອງ ອາຊຽນ ແລະສິ່ງນີ້ໄດ້ເປີດອອກບັນດາຄວາມສາມາດບົ່ມຊ້ອນໃໝ່ໃຫ້ການພົວພັນຮ່ວມມືລະຫວ່າງສອງປະເທດ, ພ້ອມກັບການເປີດກວ້າງ ແລະເຮັດໃຫ້ບັນດາຂົງເຂດທີ່ມີຢູ່ແລ້ວເລິກເຊິ່ງຕື່ມອີກ, ຈີເລ ປາດຖະໜາຢາກຊຸກຍູ້ການພົວພັນຮ່ວມມືກັບ ຫວຽດນາມ ໃນທຸກຂົງເຂດ.

 

ແປໂດຍ: ເຈິ່ນຮວ່ຽນ