ຫວຽດນາມ ໄດ້ຮັບເລືອກຕັ້ງເປັນປະທານກຸ່ມເອກອັກຄະລັດຖະທູດອົງການຝະລັ່ງໂກໂຟນີສາກົນ ຢູ່ສະວິດ
ກປ.ອອນໄລ - ວັນທີ 19 ກຸມພາ, ຢູ່ນະຄອນຫຼວງ Bern, ຫົວໜ້າບັນດາອົງການຜູ້ຕາງໜ້າທູຕານຸທູດໄດ້ເຂົ້າຮ່ວມກອງປະຊຸມຄົບຄະນະຄັ້ງທີ 8 ຂອງກຸ່ມເອກອັກຄະລັດຖະທູດອົງການຝະລັ່ງໂກໂຟນີສາກົນຢູ່ສະວິດ (GAF) ໄດ້ເຫັນດີເປັນເອກະພາບເລືອກຕັ້ງຫວຽດນາມເປັນປະທານ GAF ອາຍຸການ 2018.
ທີ່ກອງປະຊຸມຄົບຄະນະ, ທ່ານນາງເອກອັກຄະລັດຖະທູດສະວິດ Anne Lugon-Moulin ໃຫ້ຮູ້ວ່າ, ປະເທດເຈົ້າພາບ ເຊິ່ງຕົວແທນແມ່ນກະຊວງການຕ່າງປະເທດ ສະວິດ ໄດ້ປະຕິບັດສຳເລັດໜ້າທີ່ເປັນປະທານຂອງ GAF ພາຍຫຼັງ 2 ປີທຳອິດທີ່ກຸ່ມນີ້ໄດ້ຮັບການສ້າງຕັ້ງ. ປະຕິບັດຂໍ້ກຳນົດຂອງ GAF ກ່ຽວກັບການເລືອກຕັ້ງປະທານຜັດປ່ຽນແຕ່ລະປີ, ພາຍຫຼັງທາບທາມຄຳເຫັນບັນດາປະເທດສະມາຊິກ, ສະວິດ ໄດ້ສະເໜີຫວຽດນາມ ແມ່ນປະເທດທຳອິດຮັບດຳລົງຕຳແໜ່ງເປັນປະທານ GAF ພາຍຫຼັງອາຍຸການຂອງປະເທດເຈົ້າພາບ ສະວິດ.
|
|
ທ່ານເອກອັກຄະລັດຖະທູດຫວຽດນາມ ປະຈໍາ ສະວິດ ຟ້າມຫາຍບັ່ງ. ພາບ: ສໍານັກຂ່າວສານຫວຽດ ນາມ. |
ຂອບໃຈບັນດາປະເທດສະມາຊິກທີ່ມີຄວາມໄວ້ເນື້ອເຊື່ອໃຈຫວຽດນາມ, ທ່ານເອກອັກຄະລັດຖະທູດ ຟ້າມຫາຍບັ່ງ ຢັ້ງຢືນວ່າ, ຈະມານະພະຍາຍາມປະກອບສ່ວນເຂົ້າໃນການພັດທະນາຂອງ GAF, ປະຕິບັດບົດບາດເປັນຂົວເຊື່ອມຕໍ່ລະຫວ່າງບັນດາປະເທດສະມາຊິກຂອງອົງການຝະລັ່ງໂກໂຟນີສາກົນ ໃຫ້ເປັນຢ່າງດີ ແລະກ່ອນອື່ນໝົດແມ່ນສົມທົບກັນຜັນຂະຫຍາຍບັນດາການເຄື່ອນໄຫວໃນຂອບເຂດສັບປະດາຝະລັ່ງໂກໂຟນີຢູ່ສະວິດໃນເດືອນມີນາຈະມາເຖິງ.
ແປໂດຍ: ເຈິ່ນຮວ່ຽນ