ທ່ານເລຂາທິການໃຫຍ່ ຫງວຽນຟຸຈ້ອງ: ກ່ອນອື່ນໝົດ, ເນື່ອງໃນໂອກາດປີໃໝ່, ຕາງໜ້າສູນກາງ, ຄະນະພັກການທະຫານສູນກາງ, ຂ້າພະເຈົ້າຂໍສົ່ງຄໍາຢື້ຢາມຖາມຂ່າວ ແລະພອນໄຊອັນປະເສີດທີ່ສຸດມາຍັງພະນັກງານ, ນັກຮົບກໍາລັງປະກອບອາວຸດປະຊາຊົນທຸກໆຄົນ.

ນັກຂ່າວ: ຂໍຂອບອົກຂອບໃຈຄໍາອວຍພອນປີໃໝ່ຂອງທ່ານເລຂາທິການໃຫຍ່! ດ້ວຍນໍ້າໃຈພິເສດນັ້ນ, ທ່ານເລຂາທິການໃຫຍ່ສາມາດແບ່ງປັນການຕີລາຄາກ່ຽວກັບບັນດາຜົນງານ ເຊິ່ງກອງທັບປະຊາຊົນຫວຽດນາມ ບັນລຸໄດ້ໃນປີຜ່ານມາ?

ທ່ານເລຂາທິການໃຫຍ່ ຫງວຽນຟຸຈ້ອງ: ປີ 2017 ຮັບຮູ້ຜົນງານຫຼາຍຢ່າງທີ່ໜ້າເອກອ້າງທະນົງໃຈກ່ຽວກັບທຸກໆຂົງເຂດ. ໃນນັ້ນ, ຜົນງານຮັກສາ ເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນຂອງປະເທດຊາດໄວ້ຢ່າງໝັ້ນຄົງ, ຮັບປະກັນສະພາບແວດລ້ອມແຫ່ງສັນຕິພາບໃຫ້ພາລະກິດສ້າງສາ ແລະພັດທະນາແມ່ນມີຄວາມໝາຍສໍາຄັນແຖວໜ້າ.

leftcenterrightdel
ທ່ານເລຂາທິການໃຫຍ່ ຫງວຽນຟຸຈ້ອງ ກັບພະນັກງານ, ນັກຮົບກອງທັບປະຊາຊົນຫວຽດນາມ ( ເດືອນ ພະຈິກ 2017). ພາບ: ເຕີນຕວນ

ໃນການປະຕິບັດໜ້າທີ່ປົກປັກຮັກສາປະເທດຊາດ, ພວກເຮົາໄດ້ເສີມຂະຫຍາຍກໍາລັງແຮງຂອງປະເທດຊາດກັບກໍາລັງແຮງຂອງສະໄໝ, ນັບທັງດ້ານຍຸດທະສາດ ແລະຍຸດໂທບາຍ. ເຊື່ອມໂຍງເຂົ້າກັບສາກົນ ແລະການພົວພັນຕ່າງປະເທດ, ກ່ຽວກັບການປ້ອງກັນຊາດແມ່ນກໍານົດທິດ ຍຸດທະສາດຢ່າງຖືກຕ້ອງ, ແມ່ນອຸບາຍ, ນະໂຍບາຍປົກປັກຮັກສາປະເທດ ຊາດໄວ້ກ່ອນ, ແຕ່ໄກ, ແຕ່ເມື່ອປະເທດຍັງບໍ່ທັນຕົກຢູ່ໃນສະພາບອັນຕະລາຍ. ຜ່ານການເຊື່ອມໂຍງດ້ານປ້ອງກັນຊາດ-ປ້ອງກັນຄວາມສະຫງົບເຂົ້າກັບສາກົນ ເພື່ອເພີ່ມທະວີ, ປັບປຸງຄວາມໄວ້ເນື້ອເຊື່ອໃຈຕໍ່ຍຸດທະສາດ, ຮັກສາສະພາບແວດລ້ອມແຫ່ງສັນຕິພາບ, ຮ່ວມມືພ້ອມກັນພັດທະນາ, ປັບປຸງທ່າຮົບປ້ອງກັນຊາດ-ປ້ອງກັນຄວາມສະຫງົບຂອງປະເທດຊາດ. ຕັ້ງໜ້າ, ເປັນເຈົ້າການ, ໜັກແໜ້ນ, ມີໄຫວພິບ, ມີປະສິດທິຜົນ, ບໍ່ປະໃຫ້ຕົກຢູ່ໃນທ່າຮັບ, ບັງເອີນ. ສົມທົບກັນລະຫວ່າງຄົ້ນພົບ, ສະກັດກັ້ນບັນດາໄພອັນຕະລາຍຈາກພາຍນອກກັບການຍູ້ບັນດາໜໍ່ແໜງອັນຕະລາຍຂອງ “ສັດຕູຈາກພາຍໃນ” ໃຫ້ຖອຍໄປ, ເພື່ອແນໃສ່ຮັບໃຊ້ພາລະກິດປ່ຽນແປງໃໝ່ເປັນຢ່າງດີ.

ນັກຂ່າວ: ຄືດັ່ງທີ່ທ່ານເລຂາທິການໃຫຍ່ຫາກໍ່ຢັ້ງຢືນ, ການຕ້ານ “ສັດຕູຈາກພາຍໃນ”, ຮັກສາຄວາມໝັ້ນຄົງແຕ່ພາຍໃນກໍ່ແມ່ນວິທີໜຶ່ງເພື່ອປັກປັກຮັກສາປະເທດຊາດ?

ທ່ານເລຂາທິການໃຫຍ່ ຫງວຽນຟຸຈ້ອງ: ນີ້ແມ່ນບົດຮຽນທີ່ມີມາແຕ່ດົນນານ, ຕິດພັນກັບວິວັດການສ້າງສາ ແລະປົກປັກຮັກສາປະເທດຂອງຊາດເຮົາ. ທັດສະນະນີ້ໄດ້ຮັບການຢືນຢັນລັກສະນະຖືກຕ້ອງດ້ວຍພຶດຕິກຳຕົວຈິງໃນການຊີ້ນຳນໍາພາຕ້ານ “ສັດຕູຈາກພາຍໃນ, ສັດຕູຈາກພາຍນອກ” ຂອງປະທານ ໂຮ່ຈິມິນ ແລະຂອງພັກເຮົາພາຍຫຼັງອໍານາດການປົກຄອງປະຕິວັດທີ່ໜຸ່ມແໜ້ນໄດ້ຮັບການສ້າງຕັ້ງຂຶ້ນ. ນັ້ນແມ່ນທັດສະນະຖືໄພອາດຍາສິດ, ສໍ້ລາດບັງຫຼວງ, ຟຸ່ມເຟືອຍ... ເປັນສັດຕູປະເພດໜຶ່ງ -“ສັດຕູຈາກພາຍໃນ”. ແລະພຽງແຕ່ປາບປາມສັດຕູປະເພດນີ້ໄດ້ປະເທດຊາດຈຶ່ງມີສະຖຽນລະພາບ, ມີຄວາມໝັ້ນຄົງ, ອໍານາດການປົກຄອງໄດ້ຮັບການຮັກສາໄວ້ຢ່າງໝັ້ນຄົງ, ປະເທດຊາດຈຶ່ງມີທ່ວງທ່າ ແລະກໍາລັງແຮງຢ່າງພຽງພໍ ເພື່ອຕີເອົາຊະນະການຮຸກຮານຈາກພາຍນອກ ແລະສ້າງສາ, ພັດທະນາປະເທດຊາດ.

ຍ້ອນເຫດນັ້ນ, ໃນຊຸມປີຜ່ານມາ, ເຖິງວ່າສູນກາງໄດ້ມີມະຕິສູນກາງທີ 4 (ຂຸດ XI) ແລ້ວກໍ່ຕາມ, ແຕ່ຍັງສືບຕໍ່ປະກາດໃຊ້ມະຕິສູນກາງທີ 4 (ຂຸດ XII), ແລ້ວຍັງວາງອອກບັນດາແຜນນະໂຍບາຍ, ວິທີການແກ້ໄຂໃຫຍ່ໃນມະຕິສູນກາງທີ 6 (ຂຸດ XII) ເພື່ອສຸມໃສ່ກໍ່ສ້າງ, ປັບປຸງພັກ. ພ້ອມກັນນັ້ນ, ພວກເຮົາຕັ້ງໜ້າຍູ້ແຮງການຮໍ່າຮຽນ ແລະປະຕິບັດຕາມແນວຄິດ, ຄຸນສົມບັດ, ແບບແຜນການດໍາລົງຊີວິດຂອງປະທານ ໂຮ່ຈິມິນ ໃນທົ່ວພັກ, ທົ່ວປວງຊົນ, ທົ່ວກອງທັບ.

ເຖິງຢ່າງໃດກໍ່ຕາມ, ໄພສໍ້ລາດບັງຫຼວງຍັງຜັນແປໄປຢ່າງສັບສົນ, ແຍບຍົນທີ່ສຸດ... ໝາກຜົນແຫ່ງການປະຕິບັດວຽກງານຕ້ານ, ສະກັດກັ້ນໄພສໍ້ລາດບັງຫຼວງ, ຫຍໍ້ທໍ້ໃນ ປີ 2017 ແມ່ນຜະລິດຕະພັນຂອງການສືບທອດບັນດາ ຄວາມມານະພະຍາຍາມ ຂອງສູນກາງຜ່ານຫຼາຍອາຍຸການກ່ອນ. ເຖິງຢ່າງໃດກໍ່ຕາມ, ກໍ່ຕ້ອງຮູ້ວ່າ, ການກໍ່ສ້າງ, ປັບປຸງພັກ, ຕໍ່ສູ້ຕ້ານໄພຫຍໍ້ທໍ້, ຕ້ານ, ສະກັດກັ້ນໄພສໍ້ລາດບັງຫຼວງແມ່ນການຕໍ່ສູ້ທີ່ເຕັມໄປດ້ວຍຄວາມຫຍຸ້ງຍາກ, ລໍາບາກກາກກໍາ ແລະຈຳເປັນຕ້ອງຢຶດໝັ້ນ, ເດັກດ່ຽວ, ມີຄວາມຕັດສິນໃຈ, ຂ້ຽງຂາດຈຶ່ງສາມາດປະ ຕິບັດໄດ້.

ນັກຂ່າວ: ຮຽນທ່ານເລຂາທິການໃຫຍ່ ພ້ອມກັບຜົນງານຄືທ່ານ ຫາກໍ່ແບ່ງປັນນັ້ນ, ປີ 2017 ຍັງມີບັນດາຂີດໝາຍສໍາຄັນໃດທີ່ໄດ້ຮັບການຮັບຮອງ,?

ທ່ານເລຂາທິການໃຫຍ່ ຫງວຽນຟຸຈ້ອງ: ປີ 2017, ເຖິງວ່າຕ້ອງປະເຊີນໜ້າກັບຄວາມຫຍຸ້ງຍາກ, ສິ່ງທ້າທາຍຫຼາຍຢ່າງກໍ່ຕາມ, ແຕ່ປະເທດເຮົາຍັງສືບຕໍ່ໄດ້ຮັບການພັດທະນາຢ່າງວ່ອງໄວ ແລະຮອບດ້ານພໍສົມຄວນ. ນັ້ນແມ່ນຄັ້ງທໍາອິດພາຍຫຼັງຫຼາຍປີທີ່ພວກເຮົາສໍາເລັດ ແລະສຳເລັດລື່ນກາຍທັງ 13 ຕົວເລກຄາດໝາຍແຜນການທີ່ໄດ້ວາງອອກດ້ວຍລະດັບເຕີບໂຕບັນລຸໄດ້ 6,81%, ແມ່ນລະດັບສູງເມື່ອທຽບໃສ່ ບັນດາປະເທດໃນພາກພື້ນ ແລະໃນໂລກ. ນັ້ນແມ່ນໜຶ່ງໃນຊຸມປີປະສົບຜົນສໍາເລັດໃນການເຄື່ອນໄຫວພົວພັນຕ່າງປະເທດ, ນໍາສາຍພົວພັນກັບບັນດາຄູ່ຮ່ວມມືເຂົ້າ ສູ່ລວງເລິກ, ເປັນເຈົ້າການ, ຕັ້ງໜ້າເຊື່ອມໂຍງ, ຍົກສູງທີ່ຕັ້ງ ແລະອິດທິພົນສາກົນ ຂອງປະເທດ. ປະຕິບັດບົດບາດເປັນປະເທດເຈົ້າພາບຈັດກອງປະຊຸມຂັ້ນສູງ  APEC- ດ່ານັ້ງ ເປັນຢ່າງດີ....

ນັກຂ່າວ: ເນື່ອງໃນໂອກາດບຸນປີໃໝ່, ທ່ານເລຂາທິການໃຫຍ່ ຈະສົ່ງສານຫຍັງແດ່ເຖິງ ນັກຮົບ, ພໍ່ແມ່ປະຊາຊົນໃນທົ່ວປະເທດ?

ທ່ານເລຂາທິການໃຫຍ່ ຫງວຽນຟຸຈ້ອງ: ປີຜ່ານມາ, ພວກເຮົາບັນລຸໄດ້ບັນດາຜົນງານອັນລໍ້າຄ່າທີ່ສຸດ, ເປັນພື້ນຖານສໍາຄັນ ໃຫ້ແກ່ພາລະກິດພັດທະນາແບບຍືນຍົງຂອງປະເທດ. ທຸກສິ່ງທຸກຢ່າງລ້ວນແຕ່ອີງໃສ່ກໍາລັງແຮງຂອງກຸ່ມກ້ອນມະຫາສາມັກຄີທົ່ວປວງຊົນພາຍໃຕ້ການນໍາພາຂອງພັກ.

ໃນປີ 2018, ແຕ່ລະຄົນຕ້ອງມີສະຕິໃຫ້ດີກວ່າ, ສູງກວ່າກ່ຽວກັບຄວາມຮັບ ຜິດຊອບຂອງພົນລະເມືອງທີ່ມີຕໍ່ປະເທດຊາດ, ໃນນັ້ນ, ບັນຫາສຳຄັນແຖວໜ້າແມ່ນການຍົກສູງຄວາມຮັບຜິດຊອບ, ຕັ້ງໜ້າປະກອບສ່ວນນັບມື້ນັບຫຼາຍຂຶ້ນໃຫ້ພາລະກິດສ້າງສາ ແລະປົກປັກຮັກສາປະເທດຊາດ.

ກອງທັບປະຊາຊົນຫວຽດນາມ ແມ່ນກອງທັບໄດ້ຮັບການກໍາເນີດຈາກປະຊາຊົນ, ໄດ້ຮັບຄວາມຮັກແພງຈາກປະຊາຊົນ, ໄດ້ຮັບນາມມະຍົດເປັນທະຫານລຸງໂຮ່-ນາມມະຍົກອັນລໍ້າຄ່າທີ່ສຸດ, ສັນຍາລັກອັນສູງສົ່ງຂອງສາຍພົວພັນເລືອດເນື້ອລະຫວ່າງພັກ, ກອງທັບ ແລະປະຊາຊົນ. ຍ້ອນເຫດນັ້ນ, ໃນບໍ່ວ່າສະຖານະການໃດ, ພະນັກງານ, ນັກຮົບກອງທັບ ປະຊາຊົນຫວຽດນາມ ກໍ່ລ້ວນແຕ່ຍົກສູງຄວາມຮັບຜິດຊອບ, ຮັກສາຄຸນນະທາດ, ພາບພົດທະຫານລຸງໂຮ່ ສວຍງາມຕະຫຼອດໄປໃນຈິດໃຈປະຊາຊົນ.

ຕ້ອນຮັບປີ 2018, ພວກເຮົາເອກອ້າງທະນົງໃຈຕໍ່ບັນດາຜົນງານທີ່ບັນລຸໄດ້ໃນປີ 2017. ນີ້ບໍ່ພຽງແຕ່ແມ່ນການພິສູດໃຫ້ແນວທາງທີ່ຖືກຕ້ອງເທົ່ານັ້ນ ຫາກຍັງແມ່ນພື້ນຖານ, ກໍາລັງໜູນທີ່ນໍາມາເຊິ່ງຄວາມຫວັງໃຫຍ່ຫຼວງ: ປະເທດເຮົາຈະກ້າວເຂົ້າສູ່ປີໃໝ່-ໄລຍະໃໝ່ດ້ວຍມະໂນຈິດ, ທ່າທາງໃໝ່, ບັນຍາກາດໃໝ່, ສະຫງ່າຜ່າເຜີຍ ແລະໝັ້ນໝາຍຈະຮັບຜົນສຳເລັດໃໝ່.

ນັກຂ່າວ: ຂໍຂອບໃຈທ່ານເລຂາທິການໃຫຍ່ ຫງວຽນຟຸຈ້ອງ!

ແປໂດຍ: ຫງວຽນກຸກ