ໃນບັນຍາກາດທີ່ເຄັ່ງຂຶມ, ເຄົາລົບນັບຖື, ຕາງໜ້າສະພາແຫ່ງຊາດ, ຜູ້ມີສິດເລືອກຕັ້ງ ແລະພໍ່ແມ່ປະຊາຊົນທົ່ວປະເທດ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ແລະບັນດາສະມາຊິກໃນຄະນະໄດ້ສະແດງຄວາມເຄົາລົບນັບຖື, ຮູ້ບຸນຄຸນອັນໃຫຍ່ຫຼວງທີ່ມີຕໍ່ປະທານ ໂຮ່ຈິມິນ, ຜູ້ນໍາແສນເຄົາລົບຮັກຂອງປະເທດຫວຽດນາມ.

ເຮືອນເລກທີ 67 - ໄດ້ເອີ້ນຊື່ຕາມປີກໍ່ສ້າງ ແລະສໍາເລັດກິດຈະກໍາໃນປີ 1967, ເຊິ່ງໄດ້ຮັບການກໍ່ສ້າງຕາມຄໍາສັ່ງຂອງກົມການເມືອງທີ່ຈັດບ່ອນເຮັດວຽກຂອງ ລຸງໂຮ່ ເພື່ອຫຼີກລ່ຽງສົງຄາມທໍາລາຍຂອງຈັກກະພັດອາເມລິກາ ຢູ່ພາກເໜືອ. ຢູ່ສະຖານທີ່ແຫ່ງນີ້, ລຸງໂຮ່ ໄດ້ຕ້ອນຮັບບັນດາການນໍາສູນກາງເຂດພາກໃຕ້, ທະຫານເຂດ 5 ມາປະຊຸມ ແລະເຮັດວຽກ. ເຮືອນຫຼັງນີ້ກໍ່ແມ່ນບ່ອນເພິ່ນປິ່ນປົວພະຍາດ ແລະເຖິງແກ່ມໍລະນະກຳ.

leftcenterrightdel
ທ່ານນາງປະທານສະພາແຫ່ງຊາດ ຫງວຽນທິກິມເງິນ ແລະທ່ານຮອງປະທານສະພາແຫ່ງຊາດ ໂດ໋ບ໋າຕິ, ໄປຖະຫວາຍທູບທຽນອາໄລຫາປະທານ ໂຮ່ຈິມິນ ຢູ່ເຮືອນເລກທີ 67 ເຂດປູຊະນີຍະສະຖານປະຫວັດສາດສໍານັກງານປະທານປະເທດ. ພາບ: ສໍານັກຂ່າວສານຫວຽດນາມ

ຕາງໜ້າການນໍາພັກ, ລັດ, ທ່ານນາງປະທານສະພາແຫ່ງຊາດຮັບຮູ້ ແລະຍ້ອງຍໍຊົມເຊີຍໝູ່ຄະນະພະນັກງານ, ກຳມະກອນ, ພາລະກອນເຂດປູຊະນີຍະສະຖານປະຫວັດສາດທີ່ໄດ້ປະຕິບັດສໍາເລັດໜ້າທີ່ຮັກສາ, ປົກປັກຮັກສາບັນດາຄວາມຊົງຈໍາ ແລະວັດຖຸພັນທີ່ຕິດພັນກັບການດໍາລົງຊີວິດຂອງ ລຸງໂຮ່.

ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ໃສ່ໃຈວ່າພະນັກງານ, ກຳມະກອນ, ພາລະກອນເຂດປູຊະນີຍະສະຖານສືບຕໍ່ມານະພະຍາຍາມໃນການຮັກສາ, ຄຸ້ມຄອງບັນດາວັດຖຸພັນ, ສາລະຄະດີກ່ຽວກັບ ລຸງໂຮ່ ໃຫ້ຄົນຮຸ່ນຫຼັງ, ປະຕິບັດວຽກງານແນະນໍາກັບປະຊາຊົນທົ່ວປະເທດ ແລະເພື່ອນມິດ, ແຂກທ່ອງທ່ຽວສາກົນກ່ຽວກັບຊີວິດ ແລະພາລະກິດຂອງປະທານ ໂຮ່ຈິມິນ ໃຫ້ເປັນຢ່າງດີ...

 

ແປໂດຍ: ດັ້ງເກື່ອງ