ລາຍງານຕໍ່ທ່ານນາຍົກລັດຖະມົນຕີ ຫງວຽນຊວນຟຸກ ກ່ຽວກັບມູນເຊື້ອຂອງກຳລັງປະກອບອາວຸດນະຄອນຫຼວງ ຮ່າໂນ້ຍ ແລະໝາກຜົນແຫ່ງການປະຕິບັດໜ້າທີ່ປີ 2017 ຂອງກອງບັນຊາການນະຄອນຫຼວງ ຮ່າໂນ້ຍ, ທ່ານພົນຈັດຕະວາ ຫງວຽນຢວານແອງ, ຜູ້ບັນຊາການກອງບັນຊາການນະຄອນຫຼວງ ຮ່າໂນ້ຍ ຊີ້ແຈ້ງວ່າ: ປີ 2017, ກອງບັນຊາການນະຄອນຫຼວງ ຮ່າໂນ້ຍ ໄດ້ເປັນເຈົ້າການແກ້ໄຂຄວາມຫຍຸ້ງຍາກ, ຜັນຂະຫຍາຍບັນດາວຽກງານຢ່າງຄົບຊຸດ, ສຳເລັດທຸກໜ້າທີ່ທີ່ໄດ້ຮັບມອບໝາຍເປັນຢ່າງດີ.

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ກວດແຖວກຽດຕິຍົດກອງບັນຊາການນະຄອນຫຼວງ ຮ່າໂນ້ຍ. ພາບ: ວັນໂລກ-ຮ່ວາງຫາຍ

ກ່ຽວກັບວຽກງານຮັບປະກັນຕ້ອນຮັບບຸນເຕັດປີຈໍ 2018, ກອງບັນຊາການນະຄອນຫຼວງ ຮ່າໂນ້ຍ ໄດ້ຊາບຊຶມຢ່າງເລິກເຊິ່ງ, ຜັນຂະຫຍາຍ ແລະປະຕິບັດບັນດາຄຳສັ່ງຂອງຄະນະເລຂາທິການສູນກາງພັກ, ນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ, ຄະນະກຳມະການປະຊາຊົນນະຄອນ ຮ່າໂນ້ຍ ກ່ຽວກັບວຽກງານກຽມພ້ອມສູ້ຮົບ ແລະຈັດຕັ້ງບຸນປີໃໝ່ປະຈຳຊາດ ປີຈໍ 2018 ຢ່າງເຂັ້ມງວດ.

ຕາງໜ້າການນຳພັກ ແລະລັດ, ລັດຖະບານ, ທ່ານນາຍົກລັດຖະມົນຕີ ຫງວຽນຊວນຟຸກ ຮັບຮູ້, ອວຍພອນ ແລະຊົມເຊີຍບັນດາຜົນງານເຊິ່ງກອງບັນຊາການນະຄອນຫຼວງ ຮ່າໂນ້ຍ ບັນລຸໄດ້. ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ, ໃນໄລຍະຈະມາເຖິງ, ກຳລັງປະກອບອາວຸດ ນະຄອນຫຼວງຕ້ອງຮັບຮູ້ຢ່າງຄົບຖ້ວນ ແລະເລິກເຊິ່ງກ່ຽວກັບຄວາມໝາຍ, ຄວາມສຳຄັນຂອງໜ້າທີ່ຮັກສາຄວາມໝັ້ນຄົງການເມືອງ, ປົກປັກຮັກສາປະເທດຊາດໃນສະພາບການໃໝ່, ພິເສດແມ່ນນະຄອນຫຼວງ ຮ່າໂນ້ຍ, ໃຈກາງດ້ານການເມືອງ, ບໍລິຫານແຫ່ງຊາດ; ເປັນສູນກາງດ້ານວັດທະນະທຳ, ວິທະຍາສາດ, ການສຶກສາ... ກອງບັນຊາການນະຄອນຫຼວງ ຮ່າໂນ້ຍ ຕ້ອງເອົາໃຈໃສ່ເປັນພິເສດເຖິງການຈັດຕັ້ງ, ກໍ່ສ້າງກຳລັງປະກອບອາວຸດນະຄອນຫຼວງໃຫ້ໝັ້ນຄົງເຂັ້ມແຂງຮອບດ້ານ. ຍົກສູງຄຸນນະພາບໃນການກໍ່ສ້າງກຳລັງກອງຫຼອນປ້ອງກັນຕົວ, ກຳລັງສຳຮອງປຸກລະດົມ; ໝູນໃຊ້ເຕັກໂນໂລຢີຂໍ້ມູນຂ່າວສານ, ຄວາມກ້າວໜ້າໃໝ່ດ້ານເຕັກນິກການທະຫານ. ຍົກສູງຄຸນນະພາບການຝຶກຊ້ອມ, ກຽມພ້ອມສູ້ຮົບ, ບໍ່ໃຫ້ຕົກຢູ່ໃນທ່າຮັບ, ບັງເອີນໃນທຸກສະຖານະການ. ສົມທົບກັນຢ່າງແໜ້ນແຟ້ນກັບຕຳຫຼວດ ຮ່າໂນ້ຍ ແລະບັນດາກຳລັງກຳແໜ້ນສະພາບການ, ຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍ, ຄວາມປອດໄພທາງສັງຄົມໃນບໍລິເວນນະຄອນຫຼວງ.

 

ແປໂດຍ: ຮຸຍດົງ