ໃນປີຜ່ານມາ, ຄະນະພັກ, ກອງບັນຊາການທະຫານເຂດ 5 ໄດ້ສົມທົບກັບຄະນະພັກ, ອໍານາດການປົກຄອງທ້ອງຖິ່ນຕ່າງໆຢ່າງແໜ້ນແຟ້ນ, ຊາບຊຶມ, ຜັນຂະຫຍາຍຢ່າງຮອບດ້ານ, ປະຕິບັດສໍາເລັດບັນດາເປົ້າໝາຍ, ໜ້າທີ່ການທະຫານ, ການປ້ອງກັນຊາດທີ່ໄດ້ວາງອອກ; ກໍາລັງປະກອບອາວຸດທະຫານເຂດປະຕິບັດໜ້າທີ່ຊ່ວຍປະຊາຊົນ ແກ້ໄຂຜົນຮ້າຍຢ້ອນຫຼັງຈາກໄພທໍາມະຊາດ, ນໍ້າຖ້ວມ, ກູ້ໄພກູ້ຊີບຢ່າງມີປະສິດທິຜົນ. ບັນດາອົງການ, ກົມກອງປະຕິບັດວຽກງານກະກຽມຝຶກຊ້ອມປ້ອງກັນຢູ່ບັນດາທ້ອງຖິ່ນ, ວຽກງານມອບສົ່ງທະຫານປີ 2018 ເປັນຢ່າງດີ; ຜັນຂະຫຍາຍການສ້າງແຜນການ, ວິທີການກຽມພ້ອມສູ້ຮົບຢ່າງຄົບຖ້ວນ, ກະກຽມວັດຖຸ ແລະຈິດໃຈເພື່ອໃຫ້ທະຫານຕ້ອນຮັບປີໃໝ່ ປີຈໍ 2018 ຢ່າງຮອບຄອບຖິ່ຖ້ວນ...

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ກວດແຖວກຽດຕິຍົດ. ພາບ: ຕ໋ຽນຢຸງ-ວັນຈຸງ
leftcenterrightdel
ການນໍາກອງບັນຊາການທະຫານເຂດ 5 ຕ້ອນຮັບທ່ານນາຍົກລັດຖະມົນຕີ ຫງວຽນຊວນຟຸກ. ພາບ: ຕ໋ຽນຢຸງ-ວັນຈຸງ

ຕາງໜ້າການນໍາພັກ, ລັດ, ທ່ານນາຍົກລັດຖະມົນຕີ ຫງວຽນຊວນຟຸກ ຮັບຮູ້, ຕີລາຄາສູງຜົນງານໃນການປະຕິບັດໜ້າທີ່ຮອບດ້ານຂອງທະຫານເຂດ 5 ໃນໄລຍະຜ່ານມາ. ທ່ານກໍ່ໃສ່ໃຈວ່າ, ທະຫານເຂດ 5 ແມ່ນບໍລິເວນຍຸດທະສາດມີເສັ້ນຊາຍແດນ ແລະຝັ່ງທະເລຍາວຢຽດ, ຄະນະພັກ, ກອງບັນຊາການທະຫານເຂດ 5 ຄວນສົມທົບກັບຄະນະພັກ, ອໍານາດການປົກຄອງທ້ອງຖິ່ນຕ່າງໆ, ບັນດາກົມກອງຕັ້ງທັບໃນບໍລິເວນຢ່າງແໜ້ນແຟ້ນ ເພື່ອກໍາແໜ້ນສະພາບການ, ເປັນເສນາທິການໃຫ້ພັກ, ລັດ, ຄະນະພັກການທະຫານສູນກາງ, ກະຊວງປ້ອງກັນປະເທດ ແກ້ໄຂບັນດາກໍລະນີຢ່າງທັນການ, ບໍ່ປະໃຫ້ຕົກຢູ່ໃນທ່າຮັບ, ບັງເອີນ; ຈັດຕັ້ງການຝຶກແອບ, ຝຶກຊ້ອມຢ່າງເຂັ້ມງວດ, ໃກ້ຊິດຕິດແທດກັບສະພາບການ ແລະບໍລິເວນ; ກໍ່ສ້າງກໍາລັງທະຫານລາດປ້ອງກັນຕົວຢ່າງໝັ້ນຄົງເຂັ້ມແຂງ; ກວ້າງຂວາງ; ສືບຕໍ່ເອົາໃຈໃສ່ປະຕິບັດວຽກງານຂົນຂວາຍປະຊາຊົນເປັນຢ່າງດີ, ສະໜິດຕິດພັນກັບປະຊາຊົນ, ຮັກສາ ແລະເສີມຂະຫຍາຍມູນເຊື້ອ, ຄຸນນະທາດທະຫານລຸງໂຮ່ ໄວ້ຢ່າງໝັ້ນຄົງ. ສຳລັບວຽກງານກະກຽມຕ້ອນຮັບປີໃໝ່ປີຈໍ 2018, ທະຫານເຂດ 5 ຄວນສືບຕໍ່ເອົາໃຈໃສ່ເບິ່ງແຍງດູແລຊີວີດການເປັນຢູ່ທັງດ້ານວັດຖຸ ແລະຈິດໃຈໃຫ້ແກ່ທະຫານ, ໂດຍສະເພາະແມ່ນບັນດາຄອບຄົວປະສົບກັບຄວາມຫຍຸ້ງຍາກ, ຮັກສາລະບອບເວັນຍາມກຽມພ້ອມສູ້ຮົບຢ່າງເຂັ້ມງວດ.

leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ກ່າວຄໍາເຫັນທີ່ການເຮັດວຽກ. ພາບ: ຕ໋ຽນຢຸງ-ວັນຈຸງ
leftcenterrightdel
ທ່ານນາຍົກລັດຖະມົນຕີ ຫງວຽນຊວນຟຸກ ພ້ອມດ້ວຍຄະນະປະຕິບັດງານ ຖ່າຍຮູບກັບກອງບັນຊາການທະຫານເຂດ 5. ພາບ: ຕ໋ຽນຢຸງ-ວັນຈຸງ

ເນື່ອງໃນໂອກາດກະກຽມຕ້ອນຮັບປີໃໝ່ປະຈໍາຊາດ, ທ່ານ ຫງວຽນຊວນຟຸກ ມອບຂອງຂວັນ ແລະອວຍພອນກອງບັນຊາການທະຫານເຂດ 5, ບັນດາກົມກອງ, ພະນັກງານ, ນັກຮົບກໍາລັງປະກອບອາວຸດທະຫານເຂດ ແລະກໍາລັງທະຫານລາດປ້ອງກັນຕົວ ໃຫ້ມີສຸຂະພາບແຂງແຮງ, ມີຄວາມຜາສຸກ, ປະຕິບັດສໍາເລັດໜ້າທີ່ ທີ່ໄດ້ຮັບມອບໝາຍເປັນຢ່າງດີ.

 

ແປໂດຍ: ທູຈາງ