ກ່າວຄໍາເຫັນທີ່ພິທີລົງນາມ, ທ່ານລັດຖະມົນຕີກະຊວງຄົມມະນາຄົມ ແລະຂົນສົ່ງຫວຽດນາມ ຫງວຽນວັນເທ໋, ເນັ້ນໜັກວ່າ, ບັນດາໂຄງການລົງທຶນພື້ນຖານໂຄງລ່າງຂອງຂະແໜງຄົມມະນາຄົມ ແມ່ນສໍາຄັນເປັນພິເສດໃຫ້ແກ່ການເຕີບໂຕເສດຖະກິດແບບຍືນຍົງຢູ່ ຫວຽດນາມ. ລາຍການໜູນຊ່ວຍເຕັກນິກຂະແໜງຄົມມະນາຄົມ ແລະຂົນສົ່ງຈະຊ່ວຍ ຫວຽດນາມ ມີແຫຼ່ງການເງິນທີ່ໄຫວພິບ ແລະແຫຼ່ງກໍາລັງທີ່ຈໍາເປັນ ເພື່ອຮັບປະກັນວ່າບັນດາໂຄງການກໍ່ສ້າງບັນລຸໄດ້ຄຸນນະພາບດີທີ່ສຸດ.

leftcenterrightdel
ບັນຍາກາດພິທີເຊັນຂໍ້ຕົກລົງ. ພາບ: ຈາກສະຖານທູດ ອົດສະຕາລີ 

ຕາມທ່ານເອກອັກຄະລັດຖະທູດ ອົດສະຕາລີ ປະຈໍາ ຫວຽດນາມ Craig Chittick ແລ້ວ, ລາຍການໜູນຊ່ວຍເຕັກນິກຂະແໜງຄົມມະນາຄົມ ແລະຂົນສົ່ງແມ່ນຂີດໝາຍໃນໄລຍະໃໝ່ໃນໂຄງການອຸປະຖໍາຂອງ ອົດສະຕາລີ. ພວກຂ້າພະເຈົ້າ ເຮັດວຽກກັບ ຫວຽດນາມ ເພື່ອຮັບປະກັນວ່າບັນດາໂຄງການໄດ້ດຶງດູດການລົງທຶນການເງິນສາກົນ ແລະການປະຕິບັດໄດ້ດໍາເນີນໄປຢ່າງວອງໄວ. ນີ້ແມ່ນຫຼັກຖານພະຍານທີ່ມີຊີວິດຊີວາກ່ຽວກັບການພົວພັນຄູ່ຮ່ວມມືເສດຖະກິດລະຫວ່າງ ອົດສະຕາລີ ກັບ ຫວຽດນາມ.

ລາຍການໜູນຊ່ວຍເຕັກນິກຂະແໜງຄົມມະນາຄົມ ແລະຂົນສົ່ງຈະສະໜອງງົບປະມານ ແລະແຫຼ່ງກໍາລັງໃຫ້ບັນດາໂຄງການຄົມມະນາຄົມໃໝ່ຕ່າງໆ, ນັບແຕ່ໄລຍະສ້າງແນວຄວາມຄິດຈົນເຖິງກິດຈະການໄດ້ເລີ່ມປະຕິບັດ. ລາຍການກໍ່ຊ່ວຍເພີ່ມທະວີການຮ່ວມມືລະຫວ່າງບັນດາອົງການໃນຂົງເຂດຄົມມະນາຄົມຂອງ ອົດສະຕາລີ ແລະກະຊວງຄົມມະນາຄົມ ແລະຂົນສົ່ງຫວຽດນາມ ເພື່ອແນໃສ່ແບ່ງປັນບັນດາບົດຮຽນໃນການສ້າງແຜນການຂະແໜງຄົມມະນາຄົມ, ແຜນການການເງິນໃຫ້ພື້ນຖານໂຄງລ່າງ ແລະຄວາມປອດໄພໃນການຈາລະຈອນ. ລາຍການຈະໄດ້ປະຕິບັດນັບແຕ່ປີ 2018 ຈົນຮອດປີ 2022 ແລະໜູນຊ່ວຍໃຫ້ 5 ໂຄງການທາງບົກໃຫຍ່ທີ່ສຸດຢູ່ ຫວຽດນາມ.

 

ແປໂດຍ:ເກື່ອງດັ້ງ