ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ, ຢູ່ ຫວຽດນາມ, ບານເຕະແມ່ນປະເພດກິລາໄດ້ຮັບຄວາມສົນໃຈເປັນພິເສດຂອງທົ່ວສັງຄົມ, ຫາຍາກທີ່ຈະມີປະເທດໃດ, ປະຊາຊົນນິຍົມບານເຕະຄືຢູ່ ຫວຽດນາມ. ພິເສດ, ຜົນງານຂອງທີມຊາດ U 23 ຫວຽດນາມ ຍາດໄດ້ລາງວັນທີ 2 ທີ່ການແຂ່ງຂັນບານເຕະຊິງແຊ໋ມ U 23 ອາຊີປີ 2018 ຫາກໍ່ຜ່ານມາໄດ້ເຮັດໃຫ້ແຟນບານມີຄວາມພໍໃຈ.

ພາຍຫຼັງຜົນງານດັງກ້ອງກັງວານນີ້, ລັດຖະບານຫວຽດນາມ ໄດ້ປຸກລະດົມການຂົນຂວາຍຮໍ່າຮຽນຕາມເນື້ອໃນຈິດໃຈແຂ່ງຂັນທີ່ອົງອາດກ້າແກ່ນ, ເຂັ້ມແຂງຂອງທີມຊາດ U 23 ຫວຽດນາມ ໃນຄວາມມານະພະຍາຍາມພັດທະນາດ້ານເສດຖະກິດ-ສັງຄົມ, ສ້າງສາປະເທດຊາດ.

leftcenterrightdel
ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ຕ້ອນຮັບທ່ານ Gianni Infantino ປະທານສະຫະພັນບານເຕະໂລກ (FIFA) . ພາບ: ສໍານັກຂ່າວສານຫວຽດນາມ

ທ່ານປະທານ FIFA Gianni Infantino ໄດ້ສະແດງຄວາມເປັນກຽດ ແລະມີຄວາມປິຕິຊົມຊື່ນເມື່ອໄດ້ມາຢ້ຽມຢາມຫວຽດນາມ, ພົບປະກັບທ່ານນາຍົກລັດຖະມົນຕີຫວຽດນາມ.

FIFA ຮັບຮູ້ ແລະຕີລາຄາສູງຄວາມມາມະພະຍາຍາມຂອງຫວຽດນາມໃນການພັດທະນາບານເຕະ. ໝາກຜົນຂອງທີມຊາດ U 23 ຫວຽດນາມ ຢູ່ຮອບຊີງຊະນະເລີດ U 23 ອາຊີ ຫາກໍ່ຜ່ານມານີ້ບໍ່ແມ່ນສິ່ງທີ່ເກີດຂຶ້ນມາເອງ, ແຕ່ນີ້ແມ່ນໝາກຜົນຂອງວິວັດແຫ່ງການເອົາໃຈໃສ່, ໜູນຊ່ວຍຈາກສະຫະພັນບານເຕະຫວຽດນາມ, ລັດຖະບານຫວຽດນາມ ຢ່າງເປັນປະຈໍາ ແລະພິເສດແມ່ນຍາມໃດກໍ່ໄດ້ຮັບກໍາລັງໃຈ, ຊ່ວຍເຊຍຍ້ອນຄວາມຮັກບານເຕະອັນໃຫຍ່ຫຼວງຂອງຊາວຫວຽດນາມ.

ຫວຽດນາມ ໄດ້ກາຍເປັນແບບຢ່າງກ່ຽວກັບລັກສະນະເປັນມືອາຊີບ, ຄວາມເຂັ້ມງວດໃນການຝຶກຝົນຫຼໍ່່ຫຼອມໄດ້ສະແດງອອກຜ່ານຜົນສໍາເລັດຂອງທີມຊາດ U 23 ຫວຽດນາມ. ຫວຽດນາມ ພວມກາຍເປັນແບບຢ່າງ ເພື່ອໃຫ້ບັນດາປະເທດໃນພາກພື້ນຮໍ່າຮຽນຕາມໃນວິວັດທະນາການພັດທະນາພື້ນຖານບານເຕະແຫ່ງຊາດ.

ທ່ານ Gianni Infantino  ໃຫ້ຮູ້ວ່າ, ໃນປະຈຸບັນ FIFA ພວມພັດທະນາໂຄງການໂຮງຮຽນຢູ່ ຫວຽດນາມ, ສະນັ້ນ, FIFA ປາດຖະໜາຢາກໄດ້ຮັບການໜູນຊ່ວຍຈາກລັດຖະບານກ່ຽວກັບກົນໄກ, ນະໂຍບາຍ ເພື່ອພ້ອມກັນສົ່ງເສີມຄວາມເກັ່ງກ້າສາມາດ, ຄວາມຮັກບານເຕະໃນບັນດາໝູ່ນັກຮຽນທັງຊາຍ ແລະຍິງ.

ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ, ລັດຖະບານຫວຽດນາມ ຍາມໃດກໍ່ສ້າງເງື່ອນໄຂໜູນຊ່ວຍ, ລົງທຶນ ເພື່ອໃຫ້ບານເຕະຢູ່ ຫວຽດນາມ ພັດທະນາປອດໃສ, ໝັ້ນຄົງຜ່ານການສ້າງກົນໄກນິຕິບັນຍັດພັດທະນາບານເຕະໃຫ້ສົມບູນແບບ; ຊຸກຍູ້ບັນດາຂະບວນການຝຶກຊ້ອມ ແລະແຂ່ງຂັນບານເຕະ. ສະໜາມແຂ່ງຂັນບານເຕະ; ມາດຕະການບານເຕະເປັນຂະບວນການ, ເປັນມືອາຊີບໄດ້ຈັດຕັ້ງຢູ່ທຸກລະດັບ, ທຸກເກນອາຍຸ, ຢ່າງເປັນປະຈໍາ.

ທ່ານນາຍົກລັດຖະມົນຕີ ຫງວຽນຊວນຟຸກ ຂອບໃຈ ແລະປາດຖະໜາຢາກສືບຕໍ່ໄດ້ຮັບການໜູນຊ່ວຍຈາກ FIFA ແລະຕົວທ່ານປະທານ Gianni Infantino ເອງ ເພື່ອສືບຕໍ່ພັດທະນາບານເຕະ ຫວຽດນາມ.

 

ແປໂດຍ: ເກື່ອງດັ້ງ