ທ່ານ ໂຄ໋ງແຊວຢູ້ງ ສະແດງຄວາມເປັນກຽດໄດ້ພົບປະກັບທ່ານເລຂາທິການໃຫຍ່ ຫງວຽນຟູ໋ຈ້ອງ,  ສະແດງຄວາມຂອບໃຈການນໍາພັກ, ລັດ, ບັນດາກະຊວງ, ຂະແໜງການ ແລະທ້ອງຖິ່ນຂອງຫວຽດນາມ ຢ່າງຈິງໃຈທີ່ສະຫງວນໃຫ້ທ່ານເອກອັກຄະລັດຖະທູດ ຄວາມເອົາໃຈໃສ່, ການສະໜັບສະໜູນອັນໃຫຍ່ຫຼວງໃນຕະຫຼອດອາຍຸການປະຕິບັດງານທາງການທູດ.

leftcenterrightdel
ທ່ານເລຂາທິການໃຫຍ່ ຫງວຽນຟູ໋ຈ້ອງ ຕ້ອນຮັບທ່ານ ໂຄ໋ງແຊວຢູ້ງ, ເອກອັກຄະລັດຖະທູດຈີນ ເຂົ້າຢ້ຽມອຳລາ. ພາບ: ສໍານັກຂ່າວສານຫວຽດນາມ

ທ່ານ ໂຄ໋ງແຊວຢູ້ງ ສະແດງຄວາມປະທັບໃຈຢ່າງເລິກເຊິ່ງທີ່ໄດ້ເຫັນປະຈັກຕາບັນດາຜົນງານອັນໃຫຍ່ຫຼວງໃນບັນດາຂົງເຂດຂອງຫວຽດນາມ ແລະນ້ຳໃຈຮັກຊາດຂອງປະຊາຊົນຫວຽດນາມ; ມີຄວາມພາກພູມໃຈຕໍ່ການພັດທະນາອັນດີງາມຂອງການພົວພັນສອງພັກ, ສອງລັດ; ຢືນຢັນວ່າ ຈີນ ປາດຖະໜາຢາກພ້ອມກັບຫວຽດນາມ ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງຢ່າງບໍ່ຢຸດຢັ້ງ, ຍູ້ແຮງການຮ່ວມມືຢ່າງແທດຈິງໃນບັນດາຂົງເຂດ, ເປີດກວ້າງການພົບປະແລກປ່ຽນປະຊາຊົນ, ປັບປຸງມິດຕະພາບພ້ອມກັນພັດທະນາເພື່ອຜົນປະໂຫຍດຂອງປະຊາຊົນສອງປະເທດ.

ທ່ານເລຂາທິການໃຫຍ່ ຫງວຽນຟູ໋ຈ້ອງ ຂອບໃຈບັນດາອາລົມຈິດອັນດີງາມຂອງທ່ານ ໂຄ໋ງແຊວຢູ້ງ, ຕີລາຄາສູງບັນດາການປະກອບສ່ວນສໍາຄັນຂອງທ່ານເອກອັກຄະລັດຖະທູດໃຫ້ແກ່ການພົວພັນຫວຽດນາມ-ຈີນ ໃນຊຸມປີຜ່ານມາ, ເປັນຕົ້ນແມ່ນໃນການເປີດກວ້າງການພົບປະແລກປ່ຽນລະຫວ່າງບັນດາຂະແໜງການ, ທ້ອງຖິ່ນ ແລະປະຊາຊົນສອງປະເທດ.

ຕີລາຄາຢ່າງຕັ້ງໜ້າກ່ຽວກັບທ່າພັດທະນາອັນດີງາມຂອງການພົວພັນສອງພັກ, ສອງລັດໃນປະຈຸບັນ, ທ່ານເລຂາທິການໃຫຍ່  ຫງວຽນຟູ໋ຈ້ອງ ສະເໜີສອງຝ່າຍສືບຕໍ່ການປະຕິບັດບັນດາຂໍ້ຕົກລົງບັນລຸໄດ້ເປັນຢ່າງດີ; ປາດຖະໜາວ່າທ່ານ ໂຄ໋ງແຊວຢູ້ງ ສືບຕໍ່ປະກອບສ່ວນໃຫ້ການພົວພັນມິດຕະພາບທີ່ເປັນມູນເຊື້ອ ແລະຄູ່ຮ່ວມມືຍຸດທະສາດຫວຽດນາມ-ຈີນ.

 

ແປໂດຍ: ເຈິ່ນຮວ່ຽນ