ທີ່ການຕ້ອນຮັບ, ທ່ານປະທານປະເທດ ເຈີ່ນດ້າຍກວາງ ຕີລາຄາສູງບັນດາການປະກອບສ່ວນຢ່າງຕັ້ງໜ້າ, ມີປະສິດທິຜົນຂອງທ່ານ ໂຄ໋ງແຊວຢູ້ງ, ເອກອັກຄະລັດຖະທູດຈີນ ໃນການຊຸກຍູ້ການພົວພັນຖານບ້ານໃກ້ເຮືອນຄຽງມິດຕະພາບ ແລະການຮ່ວມມືຮອບດ້ານຫວຽດນາມ-ຈີນ ໃນໄລຍະຜ່ານມາ.

leftcenterrightdel
ທ່ານ ໂຄ໋ງແຊວຢູ້ງ ເອກອັກຄະລັດຖະທູດຈີນ ແລະ ທ່ານປະທານປະເທດຫວຽດນາມ ເຈີ່ນດ້າຍກວາງ. ພາບ: vov.vn

ທ່ານປະທານປະເທດ ຢືນຢັນວ່າ: ຫວຽດນາມ-ຈີນ ແມ່ນສອງປະເທດຖານບ້ານໃກ້ເຮືອນຄຽງສະໜິດຕິດພັນ, ປະຊາຊົນສອງປະເທດມີມູນເຊື້ອມິດຕະພາບມາແຕ່ດົນນານ. ເລື່ອງປັບປຸງ ແລະຊຸກຍູ້ການພົວພັນຖານບ້ານໃກ້ເຮືອນຄຽງມິດຕະພາບ, ການຮ່ວມມືຮອບດ້ານ ຫວຽດນາມ-ຈີນ ໃຫ້ພັດທະນາຢ່າງບໍ່ຢຸດຢັ້ງໝັ້ນຄົງ, ປອດໃສ ແລະນັບມື້ນັບດີງາມນັ້ນທັງເປັນຄວາມຮັບຜິດຊອບ, ຄວາມຮຽກຮ້ອງຕ້ອງການພາວະວິໄສ, ເໝາະສົມກັບຜົນປະໂຫຍດພື້ນຖານ, ຍາວນານຂອງປະຊາຊົນສອງປະເທດ, ມີຜົນປະໂຫຍດຕໍ່ສັນຕິພາບ, ສະຖຽນລະພາບ ແລະການພັດທະນາຂອງພາກພື້ນ ແລະໃນໂລກ; ນີ້ແມ່ນແຜນນະໂຍບາຍສະເໝີຕົ້ນສະເໝີປາຍ ແລະການເລືອກເຟັ້ນຍຸດທະສາດຂອງ ຫວຽດນາມ.

ດ້ວຍຈິດໃຈນັ້ນ, ທ່ານປະທານປະເທດ ສະເໜີວ່າ: ໃນໄລຍະຈະມາເຖິງ, ສອງຝ່າຍຈະສືບຕໍ່ຮັກສາການແລກປ່ຽນ, ພົບປະຂັ້ນສູງ; ເສີມຂະຫຍາຍ ແລະຍົກສູງປະສິດທິຜົນບັນດາກົນໄກຮ່ວມມືທີ່ມີຢູ່ແລ້ວລະຫວ່າງບັນດາກະຊວງ, ຄະນະ, ຂະແໜງການ ແລະທ້ອງຖິ່ນຂອງສອງປະເທດ, ກໍ່ຄືຮ່ວມມືໃນຂົງເຂດຕ່າງໆ. ພ້ອມກັນນັ້ນ, ກໍ່ຢຶດໝັ້ນການແກ້ໄຂບັນດາຄວາມບໍ່ລົງລອຍກັນຢ່າງສົມເຫດສົມຜົນ, ຮັກສາສັນຕິພາບ, ສະຖຽນລະພາບຍາວນານບົນທະເລ, ສ້າງເງື່ອນໄຂຮັກສາທ່າພັດທະນາທີ່ປອດໃສຂອງການພົວພັນສອງປະເທດ ແລະສັນຕິພາບ, ສະຖຽນລະພາບຂອງພາກພື້ນ ແລະຢູ່ໃນໂລກ.

ທ່ານ ໂຄ໋ງແຊວຢູ້ງ ເອກອັກຄະລັດຖະທູດຈີນ ສະແດງຄວາມຂອບອົກຂອບໃຈຕໍ່ບັນດາການຕີລາຄາອັນດີງາມຂອງທ່ານປະທານປະເທດຫວຽດນາມ ເຈີ່ນດ້າຍກວາງ ກ່ຽວກັບການພົວພັນ ຫວຽດນາມ-ຈີນ ກໍ່ຄືການຮັບຮູ້ຂອງພັກ, ລັດຫວຽດນາມ ຕໍ່ບັນດາການປະກອບສ່ວນຂອງທ່ານເອກອັກຄະລັດຖະທູດ; ຢືນຢັນວ່າພັກ, ລັດ ແລະປະຊາຊົນຈີນ ຖືເປັນສຳຄັນການພັດທະນາການພົວພັນມິດຕະພາບກັບພັກ, ລັດ ແລະປະຊາຊົນຫວຽດນາມ.

 

ແປໂດຍ: ຮຸຍດົງ