leftcenterrightdel
ທ່ານເລຂາທິການໃຫຍ່ ຫງວຽນຟູ໋ຈ້ອງ ພົບປະສັງສັນບັນດາປັນຍາຊົນ, ນັກສິລະປະວັນນະຄະດີ. ພາບ: baochinhphu.vn

ທ່ານເລຂາທິການໃຫຍ່ ຫງວຽນຟູ໋ຈ້ອງ; ທ່ານ ເຈິ່ນກ໋ວກເວື້ອງ, ປະທານຄະນະກໍາມະການກວດກາສູນກາງ; ທ່ານ ຫວໍ໊ວັນເຖືອງ, ຫົວໜ້າຄະນະໂຄສະນາສຶກສາສູນກາງ; ທ່ານຮອງນາຍົກລັດຖະມົນຕີ ຫວູດຶກດາມ ແລະຜູ້ແທນ 150 ຄົນທີ່ຕາງໜ້າໃຫ້ປັນຍາຊົນ, ນັກສິລະປະວັນນະຄະດີໃນທົ່ວປະເທດມາເຂົ້າຮ່ວມ.

leftcenterrightdel
 

ກ່າວຄໍາເຫັນທີ່ການພົບປະສັງສັນ, ທ່ານເລຂາທິການໃຫຍ່ ຫງວຽນຟູ໋ຈ້ອງ ຍົກໃຫ້ເຫັນບັນດາຜົນງານຮອບດ້ານເຊິ່ງ ຫວຽດນາມ ບັນລຸໄດ້ໃນປີ 2017 ແລະໃນໄລຍະຜ່ານມາ, ພ້ອມທັງຕີລາຄາສູງບົດບາດຂອງຖັນແຖວປັນຍາຊົນ, ນັກສິລະປະວັນນະຄະດີໃນພາລະກິດສ້າງສາ ແລະປົກປັກຮັກສາປະເທດຊາດ.

ຕາມທ່ານເລຂາທິການໃຫຍ່ ຫງວຽນຟູ໋ຈ້ອງ, ປີ 2018 ແມ່ນປີທີ່ມີຫຼາຍໂອກາດ, ຄວາມສະດວກ, ແຕ່ກໍ່ມີຄວາມຫຍຸ້ງຍາກ, ສິ່ງທ້າທາຍຫຼາຍຢ່າງ ກໍ່ຄື ການຜັນແປຍາກທີ່ຈະຄາດຄະເນລ່ວງໜ້າໄດ້, ຮຽກຮ້ອງຕ້ອງມານະພະຍາຍາມສູ້ຊົນ, ຕັດສິນໃຈສູງເພື່ອປະຕິບັດສຳເລັດທຸກໜ້າທີ່ທີ່ໄດ້ວາງອອກຢ່າງມີໄຊ.

leftcenterrightdel
 

ທ່ານຍັງເນັ້ນໜັກອີກເທື່ອໜຶ່ງວ່າ, ພັກ ແລະລັດຍາມໃດກໍ່ຕີລາຄາສູງບົດບາດ, ທີ່ຕັ້ງຂອງວົງການປັນຍາຊົນ ແລະຖັນແຖວນັກສິລະປະວັນນະຄະດີ,  ທ່ານເລຂາທິການໃຫຍ່ ຫງວຽນຟູ໋ຈ້ອງ ຮຽກຮ້ອງບັນດາອົງການວັນນະຄະດີສິລະປະ, ບັນດາອົງການວິທະຍາສາດ ແລະເຕັກນິກຄວນອີງໃສ່ພາລະບົດບາດ, ໜ້າທີ່ຂອງຕົນ, ມານະພະຍາຍາມສູ້ຊົນ, ມີການປະກອບສ່ວນອັນໃຫຍ່ຫຼວງກວ່າອີກໃຫ້ພາລະກິດປະຕິວັດຂອງພັກ ແລະຊົນຊາດ.

leftcenterrightdel
 

ທ່ານເລຂາທິການໃຫຍ່ ຫງວຽນຟູ໋ຈ້ອງ ສະແດງຄວາມເຊື່ອໝັ້ນວ່າ, ດ້ວຍຈິດໃຈຄວາມຮັບຜິດຊອບ, ດ້ວຍກໍາລັງຄວາມສາມາດ, ຄວາມສຸດຈິດສຸດໃຈ, ພູມປັນຍາ ແລະບົດຮຽນຂອງຕົນ, ຖັນແຖວປັນຍາຊົນ, ນັກສິລະປະວັນນະຄະດີຈະສືບຕໍ່ປະກອບສ່ວນຢ່າງຕັ້ງໜ້າໃຫ້ພາລະກິດສ້າງສາ ແລະພັດທະນາເສດຖະກິດ-ສັງຄົມຂອງປະເທດຊາດ.

ແປໂດຍ: ເຈິ່ນຮວ່ຽນ