ແຕ່ວັນທີ 5 ຫາວັນທີ 6 ກຸມພາ, ຢູ່ Guang zhou, ປະເທດຈີນ, ທ່ານ ເລຮວ່າຍຈູງ, ກຳມະການສູນກາງພັກ, ຮອງລັດຖະມົນຕີກະຊວງການຕ່າງປະເທດຫວຽດນາມ ພ້ອມກັບທ່ານ Kong Xuan You,  ຮອງລັດຖະມົນຕີກະຊວງການຕ່າງປະເທດຈີນ ດໍາເນີນການພົບປະປະຈໍາປີລະຫວ່າງສອງຮອງລັດຖະມົນຕີກະຊວງການຕ່າງປະເທດຫວຽດນາມ-ຈີນ,  ສຳຫຼວດກວດຄືນສະພາບການພົວພັນສອງປະເທດປີ 2017, ສຸມໃສ່ແລກປ່ຽນກ່ຽວກັບຈຸດສຸມການພົບປະແລກປ່ຽນ, ຮ່ວມມືລະຫວ່າງສອງປະເທດໃນປີ 2018 ແລະບັນດາບັນຫາໃນການພົວພັນສອງຝ່າຍຫວຽດນາມ-ຈີນ.

leftcenterrightdel
ທ່ານ ເລຮວ່າຍຈູງ, ກຳມະການສູນກາງພັກ, ຮອງລັດຖະມົນຕີກະຊວງການຕ່າງປະເທດຫວຽດນາມ ແລະທ່ານ Kong Xuan You,  ຮອງລັດຖະມົນຕີກະຊວງການຕ່າງປະເທດຈີນ. ພາບ: ຈູງດວ່ານ 

ສອງຝ່າຍເຫັນດີເປັນເອກະພາບໂດຍຖືວ່າ, ການພົວພັນສອງປະເທດໃນປີ 2017 ກ່ຽວກັບການສັງລວມການຮັກສາທ່່າອ່ຽງພັດທະນາຢ່າງຕັ້ງໜ້າ.  ການພົບປະຂັ້ນສູງໄດ້ຮັກສາເປັນປະຈໍາ; ການນໍາຂັ້ນສູງສອງພັກ, ສອງລັດບັນລຸໄດ້ຄວາມຮັບຮູ້ລວມສໍາຄັນກ່ຽວກັບການປັບປຸງ ແລະຊຸກຍູ້ການພັດທະນາການພົວພັນມິດຕະພາບ ແລະການຮ່ວມມືຮອບດ້ານສອງປະເທດ.

ສອງຝ່າຍເຫັນດີເປັນເອກະພາບຜັນຂະຫຍາຍການປະຕິບັດບັນດາຂໍ້ຕົກລົງ ແລະຄວາມຮັບຮູ້ລວມຂັ້ນສູງ,  ຊຸກຍູ້ການຮັກສາບັນດາການຢ້ຽມຢາມ ແລະການພົບປະລະຫວ່າງການນໍາຂັ້ນສູງສອງພັກ, ສອງລັດເພື່ອແນໃສ່ເພີ່ມທະວີຄວາມໄວ້ເນື້ອເຊື່ອໃຈທາງດ້ານການເມືອງເປັນຢ່າງດີ; ຈັດຕັ້ງກອງປະຊຸມຄັ້ງທີ 11 ຄະນະກຳມະການຊີ້ນຳການຮ່ວມມືສອງຝ່າຍລະຫວ່າງຫວຽດນາມ-ຈີນ ເປັນຢ່າງດີ; ຜັນຂະຫຍາຍບັນດາກົນໄກພົບປະແລກປ່ຽນ, ການຮ່ວມມືລະຫວ່າງສອງພັກ, ລະຫວ່າງສະພາແຫ່ງຊາດ, ແນວໂຮມປະເທດຊາດ ແລະບັນດາຂົງເຂດການຕ່າງປະເທດ, ປ້ອງກັນຊາດ-ປ້ອງກັນຄວາມສະຫງົບຢ່າງມີປະສິດທິຜົນ; ຮັກສາທ່າອ່ຽງພັດທະນາຢ່າງຕັ້ງໜ້າໃນການຮ່ວມມືດ້ານເສດຖະກິດ-ການຄ້າ, ການລົງທຶນ, ການທ່ອງທ່ຽວ...

ສອງຝ່າຍເຫັນດີເປັນເອກະພາບໂດຍຖືວ່າ, ການຮັກສາບັນດາກົນໄກເຈລະຈາບົນທະເລໄດ້ເພີ່ມທະວີຄວາມເຂົ້າອົກເຂົ້າໃຈເຊິ່ງກັນ ແລະກັນ ແລະບັນລຸໄດ້ບາງບາດກ້າວຢ່າງລະອຽດ. ບົນຈິດໃຈຢ່າງກົງໄປກົງມາ, ມິດຕະພາບ, ສອງຝ່າຍໄດ້ແລກປ່ຽນກ່ຽວກັບບັນດາບັນຫາເຊິ່ງຕ່າງຝ່າຍຕ່າງມີຄວາມສົນໃຈກໍ່ຄືບັນດາຄວາມວິຕົກກັງວົນຂອງຫວຽດນາມ ກ່ຽວກັບສະພາບການຢູ່ທະເລຕາເວັນອອກພວມມີການຜັນແປຢ່າງສັບສົນໃນໄລຍະມໍ່ໆມານີ້.

 

ແປໂດຍ: ເຈິ່ນຮວ່ຽນ