ທ່ານນາງປະທານສະພາແຫ່ງຊາດ ຫງວຽນທິກິມເງິນ ຮັບຮູ້ຜົນງານເຊິ່ງແຂວງ ຫາຍເຢືອງ ບັນລຸໄດ້ໃນວຽກງານປູກຕົ້ນໄມ້, ປູກປ່າ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ຮຽກຮ້ອງປະຊາຊົນທັງໝົດໃນແຂວງອອກແຮງແຂ່ງຂັນ, ຫ້າວຫັນເຂົ້າຮ່ວມການປູກຕົ້ນໄມ້, ພ້ອມທັງຕັ້ງໜ້າເຂົ້າຮ່ວມການປູກປ່າ, ປົກປັກຮັກສາປ່າ, ສະກັດກັ້ນສະພາບການຕັດໄມ້ທຳລາຍປ່າ, ຈູດປ່າ, ຂຸດຄົ້ນປ່າຜິດກົດໝາຍ.

leftcenterrightdel
ທ່ານນາງປະທານສະພາແຫ່ງຊາດ ຫງວຽນທິກິມເງິນ ປູກຕົ້ນໄມ້ພ້ອມກັບປະຊາຊົນແຂວງ ຫາຍເຢືອງ. ພາບ: ຈ໋ຽນທັ໋ງ

ກ່າວຄໍາເຫັນທີ່ລາຍການບຸນເຕັດແຫ່ງການເຕົ້າໂຮມ 2018 ທີ່ສະຫງວນໃຫ້ກຳມະກອນກວ່າ 400 ຄົນໂດຍສະຫະພັນແຮງງານແຂວງ ຫາຍເຢືອງ ຈັດຕັ້ງ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ເນັ້ນໜັກວ່າ, ເລື່ອງເບິ່ງແຍງດູແລໃຫ້ນັບມື້ນັບດີກວ່າທາງດ້ານວັດຖຸ ແລະຈິດໃຈໃຫ້ຜູ້ອອກແຮງງານຍາມໃດກໍ່ໄດ້ຮັບຄວາມເອົາໃຈໃສ່ ແລະປະຕິບັດຈາກພັກ, ລັດ. ການປະຕິບັດແຜນນະໂຍບາຍຂອງພັກ, ລັດ, ສະຫະພັນແຮງງານໃຫຍ່ຫວຽດນາມ ໄດ້ມີຂໍ້ລິເລີ່ມ ແລະຈັດຕັ້ງບຸນເຕັດແຫ່ງການເຕົ້າໂຮມປະສົບຜົນສໍາເລັດໃນຫຼາຍປີຜ່ານມາ.

leftcenterrightdel
ທ່ານນາງປະທານສະພາແຫ່ງຊາດ ຫງວຽນທິກິມເງິນ ມອບຂອງຂວັນໃຫ້ຜູ້ທຸກຍາກຢູ່ແຂວງ ຫາຍເຢືອງ. ພາບ: ຈ໋ຽນທັ໋ງ

ຈາກແຜນນະໂຍບາຍຂອງສະຫະພັນແຮງງານໃຫຍ່, ບັນດາກຳມະບານທ້ອງຖິ່ນ, ກຳມະບານຂະແໜງການພວມຈັດຕັ້ງການເຄື່ອນໄຫວຢ່າງອຸດົມສົມບູນ, ແທດຈິງ, ສະແດງໃຫ້ເຫັນຄວາມເອົາໃຈໃສ່ຢ່າງເລິກເຊິ່ງຂອງອົງການກໍາມະບານສໍາລັບຜູ້ອອກແຮງງານ.

ທ່ານນາງປະທານສະພາແຫ່ງຊາດ ຫງວຽນທິກິມເງິນ ສະແດງຄວາມປິຕິຊົມຊື່ນເມື່ອຮູ້ວ່າບັນດາວິສາຫະກິດມີວຽກເຮັດແທດຈິງຫຼາຍຢ່າງ, ເອົາໃຈໃສ່ເຖິງຜູ້ອອກແຮງງານໃນໂອກາດບຸນເຕັດ; ຖືນັ້ນແມ່ນຄວາມຮັບຮູ້, ແມ່ນນໍ້າໃຈຂອງວິສາຫະກິດສໍາລັບໝາກຜົນການອອກແຮງງານ ແລະມີຫົວຄິດປະດິດສ້າງຂອງຜູ້ອອກແຮງງານ, ເຮັດໃຫ້ຜູ້ອອກແຮງງານສະໜິດຕິດພັນກວ່າກັບວິສາຫະກິດ, ຖືວິສາຫະກິດປຽບເໝືອນເຮືອນຫຼັງທີສອງຂອງຕົນ.

ເນື່ອງໃນໂອກາດນີ້, ທ່ານນາງປະທານສະພາແຫ່ງຊາດ ຫງວຽນທິກິມເງິນ ມອບຂອງຂວັນໃຫ້ຜູ້ທຸກຍາກ, ກຳມະກອນ, ຜູ້ອອກແຮງງານຢູ່ແຂວງ ຫາຍເຢືອງ, ສົ່ງຜ້າໄໝ 100 ຜືນເພື່ອມອບໃຫ້ແມ່ກຳມະກອນພວມທໍາມາຫາກິນຢູ່ໄກບ້ານ.

 

ແປໂດຍ: ເຈິ່ນຮວ່ຽນ