ທ່ານນາງ ຫງວຽນທິກິມເງິນ ໄດ້ຮັບຟັງບັນດາບົດລາຍງານກ່ຽວກັບຄວາມຄືບໜ້າບັນດາວຽກງານກະກຽມໃຫ້ກອງປະຊຸມ. ມາຮອດປະຈຸບັນ, ບັນດາອົງການຂອງ ຫວຽດນາມ ໄດ້ປັບປຸງຮ່າງມະຕິ 6 ສະບັບຂອງ APPF-26  ກ່ຽວກັບ: ບົດບາດຂອງ APPF ໃນການຊຸກຍູ້ການພົວພັນຄູ່ຮ່ວມມື ເພື່ອການພັດທະນາແບບຍືນຍົງ ແລະການເຕີບໂຕກວມລວມຢູ່ພາກພື້ນ ອາຊີ-ປາຊີຟິກ ໃຫ້ສຳເລັດ; ຍູ້ແຮງການຮ່ວມມືດ້ານວັດທະນະທໍາ, ການທ່ອງທ່ຽວໃນພາກພື້ນ; ເພີ່ມທະວີການກະທໍາລວມ ເພື່ອແນໃສ່ຮັບມືກັບການປ່ຽນແປງຂອງດິນຟ້າອາກາດ; ຄວາມໝັ້ນຄົງດ້ານສະບຽງອາຫານ ແລະການພັດທະນາກະສິກໍາແບບຍືນຍົງ; ບົດບາດຂອງລັດຖະສະພາໃນການຊຸກຍູ້ການເຊື່ອມຈອດດ້ານເສດຖະກິດຢ່າງເລິກເຊິ່ງ, ກວ້າງຂວາງ ແລະຮອບດ້ານ; ຊຸກຍູ້ການທູດລັດຖະສະພາກ່ຽວກັບສັນຕິພາບ, ຄວາມໝັ້ນຄົງ, ວັດທະນາຖາວອນຢູ່ພາກພື້ນ ແລະໃນໂລກ.

leftcenterrightdel
ທ່ານນາງປະທານສະພາແຫ່ງຊາດ ຫງວຽນທິກິມເງີນ ເປັນປະທານວາລະປະຊຸມກະກຽມກອງປະຊຸມ APPF -26. ພາບ: ສໍານັກຂ່າວສານຫວຽດນາມ

ທ່ານນາງ ປະທານສະພາແຫ່ງຊາດ ເນັ້ນໜັກວ່າ, ກອງປະຊຸມ APPF-26 ດ້ວຍຫົວຂໍ້ວ່າ “ການພົວພັນຄູ່ຮ່ວມມືລັດຖະສະພາ ເພື່ອສັນຕິພາບ, ປະດິດສ້າງ ແລະການພັດທະນາແບບຍືນຍົງ” ແມ່ນການກະທໍາແທດຈິງຂອງລັດຖະສະພາ, ສະມາຊິກລັດຖະສະພາບັນດາປະເທດສະມາຊິກທີ່ສະໜັບສະໜູນຖະແຫຼງການດ່າໜັ້ງ ກ່ຽວກັບ “ສ້າງກໍາລັງໜູນໃໝ່ພ້ອມກັນເພີ່ມພູນຄູນສ້າງອະນາຄົດລວມ” ເຊິ່ງກອງປະຊຸມຂັ້ນສູງ APEC ຄັ້ງທີ 25 ໄດ້ຮັບຮອງເອົາ. ທີ່ກອງປະຊຸມຄັ້ງນີ້, ລັດຖະສະພາບັນດາປະເທດສະມາຊິກຈະປຶກສາຫາລືກ່ຽວກັບການຮ່ວມມືດ້ານເສດຖະກິດ, ວັດທະນະທໍາ ແລະການພັດທະນາພາກພື້ນ ເພື່ອສັນຕິພາບ, ຄວາມໝັ້ນຄົງ, ວັດທະນາຖາວອນ, ພັດທະນາແບບຍືນຍົງ ແລະກວມລວມ, ມຸ່ງໄປເຖິງເລື່ອງຮັບຮອງເອົາຖະແຫຼງການຮ່ວມຂອງກອງປະຊຸມ.


ແປໂດຍ: ທູຈາງ